مدح في الشدادين

ربعي لهم تاريـخ مجدٍ موكد=موثقٍ تشهـد عليـه السنينـي
متسلسلين الطيـب جـدٍ ورا جـد=وعيالهم حبلٍ جويـد ومتينـي
وربعي لهم رعدٍ مخيف ليا أرعد=نطاحـة البارود والمعتديني
زمان حومات الوغـى والمكايـد=يوم الجهل في كـل ديـره سكينـي
ذيابـةٍ ما يقبلون المزايد=وعلى قهـر عدوانهم مركبينـي
ربعي شداديـنٍ تقـد الظهـر قـد=بشلفا تغذى كل قرم وسمينـي
كم واحدٍ تلّوه حتى تشهد=وأيقن بيومه يـوم قـرّب يحينـي
وكم شيخ قومٍ ذوقوه الملاهـد=أقفى وعبراته سواة الغشيني
وسيوفهم حدبٍ تصاقل لها حـد=بطعناتها المطعـون منهـا دفينـي
كم غارةٍ مدّوا لها الحبل بعقـد=وروس العدى طارت عن المنكبيني
تاريخنا محفـوظ يشًّهْـد ويشهِّـد=علـى فعـول جـدودي الأولينـي

صح لسان شاعرها ,,

ويعطيك الف عافية ع النقل المميز ,,


مع التحية

صـــح لســـانـــك أخـــوي,, تقبـــل تــحيــــاتــي...

يا هلا والله بالعاشق وبيض الله وجهك

يستاهلون ربعك المدح ويستاهلون العلوم الغانمة كلها

وتمنيت إنك تكتب في نهاية القصيدة اسم الشاعر حتى لو كانت لك

وانتبه لكتابة التنوين على هذه الصورة

(ن)

غلط وأنا أخوك غلط

شوف كيف عدلت لك التنوين بالشكل الصحيح

بداية موفقة وأكثر من جيدة

والله يحفظك ويرعاك

اخوي العاشق

بيض الله وجهك على هذه القصيدة الرائعه

في ربعك وعيال عمك ويستاهلون يستاهلون

وجهكم ابيض وشكرا على الرد
ويعطيكم اله عافيه

صح إلسانك



وبيض الله وجهك

يستحقون هذه الأبيات وأكثر

عساهم على العلم الغانم دائماً ويفرحنا أي إنجاز لهم

وصح لسانك على هذا الشعور الرائع والصادق

أخوي العاشق بيض الله وجهك في قصيدتك في مدح الشدادين على الرغم أنها لاتظهر عندي
الظاهر عندي مشكله مع أختفاء القصايد
تقبل مروري

صــح لسانك أخي عـــاشق ..
.
.
ويستاهلون الشدادين هذا االمدح ..
مشكور على إبداعك ..
.
اذكر بعض أبيات كان يــرددها أحد كبــار السن في المــدح الذي في غيــر محله ويقــول ::
.

ما نكب شعر النبط غير المهايط=والمدوح إللي تعد الحدودي
ولو نفتش في السراير والبقايط=بان راعي الشاه من راع القعودي
ليت بعض الناس يسكت ويتلايط=الحكي لو ما ينقص مايزودي
ماش مكسب فـ المفاخر والمشايط=كلبونا في ذرى الحكم السعودي