يالله دخيلك

ستّل جناحه ثمّ حام يرقى على متن الهوى=يزفّه بعيد ٍ و أنا محدود في حدّ النظر
له بالهوى شف و مرام يلعب مع الغيمة سوا =و لا جناح ٍ لي و أطير و الأرض صارت لي مقر
فكري تغشّاه العسام أمسيت و فكري ما ضوى=الأرض كفر ٍ من الونس و الليل من فرحي قفر
طيري ضرب جوّ الهيام ولو دعيته ما ألتوى=عزّي لمن طيره غدا ولا له من أمره مفر
شبّيت ضوّي في الظلام في صحصحٍ ذيبه عوى=مالي أنيس إلا النجوم أو نور وضّاح القمر
خالي وكنّي في زحام قلبي تلهب و أنشوى=ما عاد أميّز بالحشا ولا على ضوّ الجمر
وين أنت يا داعي سلام وين أنت يا بايع دوا =ردّوا لي النومه ترى فالعين جلاّد السهر
دوّرت في الشدّه حزام ولا لقيت اللي قوى=يالله دخيلك ما لقيت اللي نشد به الظهر

اختيار جميل أختي

سلمتي وسلم ذوقك

شكرا لك

صح لسان شاعرها
الامير خالد الفيصل

شاعر علم
وقصيده مشهوره له


المعجزه
سلمتي على هذا النقل الجميل
والذوق العالي
دمتِ
بخير

قصيدة جميلة ومشهورة
وصح لسان شاعرها
ولاهنتي يامعجزة

ويعطيك الف عافية

حياك الله أختي
المعجزة

وأهلاً بعودتك ومشاركتك
وتسلم يمينك على هذا الاختيار الرائع

بوركتِ يَ المعجزة ، إختيار راقي
شكرا لك ..

قصيدة أكثر من رائعة
مشكوره يالغالية
والله يعطيكِ العافية