الا يا عيوني ما يفيد النظـر والشـوف

الا يا عيوني

الاياعيوني ما يفيد النظـر والشـوف = تكافـي وكفـي لاتراعيـن ياعيونـي
تكافي كفاك مكايد الجادل الغطروف = ابو وجنتٍ فيها شرى الموت مقرونـي
انا اشوف شوفك واتمنى وانامشغـوف = من اللي سلب عقلي على غير قانوني
غزالٍ يداني خيطوته بين امان وخوف = يوطي قدم رجله على القـاع بالهونـي
لاحظني بعينٍ كن فيها نمش وسيـوف = وقع ما بكفي واختلف وانصفق لونـي
تبي ذبحتي ياريم وادي سكاكا الجـوف = حسيبي عليك مصرف الخلق والكونـي
تعرض غريبٍ مازحٍ يم ابن رفـروف = ورا دار قاره يقلب الذيب مـن دونـي
الاياعذابي منك ياضامـي السرجوف = شبكني هواك وبيـح الحـب مكنونـي
الايازريف الطول انا اطلبك بالمعروف = بعد عونت الله منك انا باطلب العونـي
دخيلك تلبي دعوةٍ من ثلاث احـروف = طرف ساعةٍ نفرح بها وانت ممنونـي
اريح ضميرٍ بالهـوا مولـعٍ مكلـوف = مـن الله خلقنـي بالغناديـر مفتونـي

كلماات : حمد المغيولي

جميلة جداً هذه القصيدة
يا مشرفتنا المتألقة ملاك
احسنت الاختيار
ويسلم ذوقك الشعري الجميل

صح لسان الشاعر
لاهنتي على النقل ي ملاك

هلابك ملاك جمليه القصيدة كجمال حضورك الله يسعدك

إنتقاء و نقل مميز لهالقصيدة

يعطيش العافية ملآكك

سلمت يداكم ..على ردكم وتواجدكم

يعطيكم ربي ألف عافيه..
لكم مني جزيل الشكر والتقدير والاحترام...