الفكر شارد

حبيت انقل لكم هذه القصيده واتمنى ان تنال اعجابكم

الفكر شارد وانا ودي ولا ودي=والعمر محدود ولانفاس محسوبه
وانا من العقل متعشي ومتغدي=والحمد لله نعرف الدار ودروبه
والله فلا اطمع بثوب مايجي قدي=يوم اكثر الناس دايم مسبل ثوبه
وشلي على اللقمه اللي في طرف يدي=ماقدر عليها وهي ماهيب مكتوبه
كم واحد يحسب ان اللوم متعدي=واللوم غاشيه من راسه لعرقوبه
نتبع ظروف الزمن ونجيب ونودي=وانقوم وانطيح وكلن دون ماجوبه
مابين موج البحروالجزر والمدي=بقى الثقه حاجه في النفس مطلوبه
حتى لوان الظروف تسير في ضدي=لابد ترجع ظروف الوقت مغلوبه
ورث ورثته من ابويه ومن جدي=ماهين نفسي وراى اللي ينفخ جنوبه
اعزنفسي وانا ماني بمنحدي=الامرلله وباب الرزق من صوبه
اخوان يوسف من اصل الاب والجدي=خذوه مره وراحوبه ولاجوبه
يبقى الردي في عيون الناس متردي=متوقي في لحاف يستر عيوبه
هذا وانا طول عمري مانكشف سدي=عالي النظر والقلوب السود مقلوبه
نساير الوقت واثر الوقت متحدي=يطرح ويجرح ونار الموت مشبوبه
لاواعساها سحابه صيف وتعدي=الهاجس اللي يلوف القلب ويلوبه
اموت وارحل ودمعي ماوطى خدي=حتى لو الروح مسلوبه ومنهوبه

وسلامتكم

اختيارك رااائع مشكور اخوي الغربي

وصح لسان شاعرها

دمت بود

عبدالله الشدادي
مشكور على المرور الرائع
ولاهنت

انتقاء موفق

شكري

اختيار رائع وجميل أخي الغربي

ودائماً الشاعر لايختار من القصيد إلا الرائع

ولكن لمن هذه القصيدة ؟؟

وهج
مشكوره على المرور الرائع

البرنس مشكور على المرور
الرائع ولاهنت
وبالنسبه للقصيده ماعرف قايلها
تحياتي