رف العفاريت

رف العفاريت

واقلبـــــي اللي علته في سـويداه= واليا ذكر يوم العذاب يتعذب
يخاف من شيلة كتـــابه بيسراه= ويبعد عن الجنه وغيره يقرب
يوم العرب كل تناجيه يمناه= في حزة فيها النفوس اتادب
في حزة مال الرجل كود مسعاه= باعماله يحاسب وعنها تغرب
يفوز من طاف ورضا الرب مسعاه= وأعلن جهاده يوم كل تجذب
كل عرف مسعاه وأعلاه وأدناه= وقلبي على رف العفاريت رتب
أشغلته همومه ومفهـــــوم دنياه=توه شباب ونزوته ما تهرب
مفتون بالدنيا ما هي فتنة الجاه= فتنة نواعيس العيون المهدب
من شافها كوكب وهي دوم مجـــراه= ثلج سكن في داخله ليل مرعب
وفتنة قوام لو مسكته حــــــــــــلالاه= صب العرق من داخله ويتكهرب
وخصر تمايلبي وصـــــــــوت بالاه= جمره وتكويني أزيد وأجرب
ونهدين مثل النون دكــــــتور ودواه= يشفي عليل القلب لا هو تطبب
وان قال عذال الهــــوى كذب هقواه= قلت: المثل قال الطبيب المجرب
وان شفت منـــــــهم من تمنى بحلياه= قلت احمد النعمه وخلك مهذب
وقلت العمل مكتـــوب والرب يرعاه= والتوبه إن جاها ضيوف ترحب
والقلب لا كان المـــرض في سويداه= يستيسره خوفه وكلمة تعذب
والموت ما يبغــــــــــاه كاره لطرياه = يخاف من نار شديده تلهب
وختامها قلبــــــــــي بكى كل ما جاه = وشعري حكى عنه ولا هو مكذب

شاعر مغمور

صح لسانك قصيده جزله من شاعر جزل

لاهنت وفي انتظار جديدك

مشكور ولا هنت يالغالي وصح لسانك

مودتي

شكرا للجميع

تحياتي شاعر مغمور

بيض الله وجهك يالبناخي وصح لسانك يالذيب

هيضت هيضت لا هنت

صح لسانك ولاهنت ياشاعرنا المغمور

على القصيده الراااااااااااااااااااائعه

تحاتي للسلطان ولابو عزه

وصحت ابدانكم

شاعر مغمور

لكي تقرأ مرة اخرى

تحياتي