مداهيل الحرف

سقى الله لا قالوا لنجد العذي ماشين
.......... نبا دار غرو ٍ بالهوى علّق افؤادي

تراه أسعد الأيام يوم ٍ جمع غالين
.......... وأنا قربكم يالترف هو غاية امرادي

خافوا من الله يا هلي
.......... لا تمنعوني عن هواي

خلوا المهاوي يرحلي
.......... عليل وأدوّر دواي

الصبر مني كمّلي
.......... والعين محفيها بكاي !!

أنا كل ما شمس العصر ميّلت للغرب
.......... أقاسي الهموم ودمعة العين تعصاني

على صاحب ٍ نغليه لكن مجيّه صعب
.......... ظروف الزمان وشيمة النفس تحداني

وأنا حالف ٍ ما انساه مهما يطول الدرب
.......... ولاني بطايع واحد ٍ عنه ينهاني

احبه مثل حب الشدادين لأرض الزرب
.......... وأجلّه مثل تقدير يام ٍ لراكاني

ماش مثلك يوم يا يوم الأحد
.......... يا عسى يفدنك أيام السبوع

فيك شفنا الزين وإنزاح النكد
.......... واهتنى قلب ٍ من الفرقا جزوع

والله إني لأمدحك مدى الأبد
.......... لو يضيق السبت ويضيق الربوع !!

أرحم رحمك الله يا داعج العين
.......... عذبتني واشقيتني في حياتي

عز الله إني منك ذقت الأمرين
.......... وذكرك معي حتى وأنا في صلاتي

أما تصافينا على العسر واللين
.......... وألا نتوب ونطلب الله الثباتي

يا من يوّدي هرجتي صوب خلي
.......... وأدعي له الله ما يجي لاهب النار

يا زين لو تدري وش اللي حصلي
.......... أظن فيّ إتروف يا ظبي الاقفار

أنا بعدكم زاد حزني وغلي
.......... كني كسير ٍ ما لقى اليوم جبار

ولا اقبل ظلام الليل دمعي يهلي
.......... يطري لي الماضي ووقت ٍ لنا صار

ما غيرك احد ٍ في العرب جايز ٍ لي
.......... أنته هواي وغايتي سر وجهار

ومن لامني لعل عمره يولي
.......... يذهب شبابه عند قصاف الاعمار

حبك لريضان الحشاء مستحلي
.......... ولا غيرك احد ٍ باني ٍ في الحشاء دار

ليت الليالي بالعمر يمهلن لي
.......... واهنى بشوفك قبل الافلاك تندار !!

الله الله

صح لسانكك يابوزايد وبيض الله وجهكك

متابع لك ياصاحبي

ابن مهرس
صح لساااااانك حتى ترضى
مبدع وهذا ليس بغريب
جزل كما عهدناك
تقبل مروري المتواضع
دامت ايامك
كما تحب

		المشاركة الأصلية بواسطة : تركي الشدادي اقتباس
	تقولها وتطولها وان جت لحزات اللزوم = أنا أشهد إن القافيه بالطيب توفي كيلها يانسل أخو فاحى لياجاء وقت دقات الخشوم=قدمه عداه ليا أعتزى تعجز قواها شيلها يردها للتاليه في وجه كم طابور قوم = وسبق مهار أعداء شرار ليا ثنى ياويلها

		المشاركة الأصلية بواسطة : بحر القوافي اقتباس
	الله الله صح لسانكك يابوزايد وبيض الله وجهكك متابع لك ياصاحبي

صح بدنك يابو سفر

وحياك الله يا سنايدي

		المشاركة الأصلية بواسطة : تركي الشدادي اقتباس
	ابن مهرس صح لساااااانك حتى ترضى مبدع وهذا ليس بغريب جزل كما عهدناك تقبل مروري المتواضع دامت ايامك كما تحب

ارحب يابو عبدالله

وصح بدنك ومرورك يشرفني طال عمرك

لاهنت ولا هان غاليك