صفحة الشاعر / عبدالله بن حديّد الشدادي رحمه الله

احلى ليال السعد في قصر الافراحي=قـصـر السـعـد يفتـخـر بـوجــود زواره
ذوي حـديـد سـيـوف حــداد ورمـاحـي=احـزام بـنـدر رصـاصـه يقتـبـس نــاره
دق الطبـل ليـن نـور الصبـح ينبـاحـي=تطفـي الكواكـب وبـنـدر ولــع انــواره
رشــو ورود الـهــدا والـريــح فـواحــي=الله يهـنـي الجـمـيـع بـريـحـة ازهـــاره
مايعسف المهره الا الفـارس الصاحـي=يعرف يميـن الطريـق ويعـرف ايسـاره
يافـارس القـوم حظـك زيــن ماطـاحـي=اقطـف غصـون العنـب وتـذوق اثمـاره

هذه القصيده قالها الشاعر رحمه الله عليه
عندما حدث بينه وبين بناخيه سوء تفاهم

بسم الله ابدع القاف وابنيه = قافٍ جديدٍ بين فكري وروحي
ياكبدي اللي فوق جمرٍ تصاليه = ياقلبي اللي وسط قدرٍ يفوحي
الخال اشوفه يهجرونه بناخيه = وهذا من اسباب التهاب جروحي
تحيهٍ من عند غالي لغاليه = مني لاأبو تركي سلامٍ نصوحي
زعلك والله ياسعد حايرن فيه = جايك خطا ولا تباها طموحي
إن كان تبغى الحق ناخذ ونعطيه = ولا لدقات المنافق بتوحي
الحر دائمٍ عالياتٍ مبانيه = ولا ينزل الا في طويل السطوحي
وصلاه ربي عد خط وقارئه = على نبيٍ في طريقه نروحي

هذه القصيده موجهه من الشاعر / سعود بن سعد الى عمه
الشاعر/ عبدالله بن سفر رحمه الله

اقولها من قلب ويهرج بها الفم = وعن مابقلبه لك يعبر كلامه
احلى الكلام اقول مبروك ياعم = مبروك ياراعي الوفاء والشهامه
على حلول العام عساك تسلم = والله يعيده للعرب بسلامه
وبمناسبه تحسن الشوف يالشهم = ويالله عسى بشوف زرقا اليمامه
كل الصفات الطيبه فيك معلم = وسمعتك عند الناس ياعم عامه
كلٍ يقول ان حل طاريك والنعم = هذاك نشمي من سلاله نشامه
من حبني لك قلت مبروك ياعم = والخاسر اللي مايقدر عمامه
متى على على الله يصبح الشمل ملتم = في مجلسٍ له هيبته واحترامه
هذا وانا ماني من اللي يتندم = مافيه علم الا وقبله غشامه
احب عز النفس وفيها متلزم = احبها دايم واحب الكرامه
والرزق عند الله موزع مقسم = ابغى حلال الرزق مابغى حرامه
وهذه القصيده وانت ياعم تحكم = والمعذره ان كان ماهي بتمامه
حيث انت شاعر وللقصيده تفهم = والله يبعدنا ياعم الملامه
وصلاه ربي عد ماطاف محرم = على شفيع الخلق يوم القيامه

رد الشاعر عبدالله بن سفر رحمه الله عليه

حي الكتاب وحي ماينطق الفم = كلامٍ احلى من حليب الجهامه
مثل العسل يبري الكبود المسقم = والطيبين الهم صفات وعلامه
ياابو سعد تجري كما يجري الدم = في وسط قلبي جعلكم بالسلامه
انته عريب الساس مايلحقك ذم = معروف ياراعي الكرم والشهامه
ماهمك اللي في قفاك يتكلم = خله مع اللي يلبسن اللثامه
لاتيئس من الرزق وتكثر الهم = الله رزق دابٍ عمى بالحمامه
اليا ارتفع راس الفتى ماتندم = يبقى عزيز اليا نهار القيامه
واللي يفرق بيننا جعله السم = جعله بكسرٍ ماتجبر عظامه
واليا بغيت تنفذ الكم فاأعزم = تزين ولا ماعليكم ملامه
انذرك عن من ينقل الكذب والنم = ويغط راسه مثل راس النعامه
عسى القصور الشامخه ماتهدم = بوجود اهلها ماتجيها الرخامه
انته معلم وتعرف الكسر والضم = اربط احزامك واعتصب بالعمامه
وختامها ورد الهدا طيب الشم = ومخالطه ريح النفل والخزامه

قصيده المرحوم عن خامس ذوي عبدالله من الشدادين

سلام يااميرٍ على الرأس والعين = لاأمير مكه جيت ارد السلاما
عسى الشهر مبروك وتصومه اسنين = وتطوف وتصلي صلاه القياما
عبدالمجيد ابن الملوك السلاطين = اهل السيوف اللي تقص العظاما
انا احمد الله في يدينٍ موامين = حنا ننام وعينهم ماتناما
يا سيدي بمقابلتكم سعيدين = كريم يا راعي اليدين الكراما
انقل تحيات الشيوخ المسنين = وانقل تحيات الضعوف اليتاما
بلادنا اللي ثمنت بالملايين = وعلى الامل واحد وعشرين عاما
وختامها عنبر ومسك ورياحين = وردٍ من الطائف عليه الكلاما

هذه قصيده قالها الشاعر لبناخيه القصار
عند زواج بناخيه / مسحل بن محمد الشدادي

سلام مني ياأهل الرأي والشور = واحلى التهاني عطرها الورد من خال
مثل العسل مادارها الغش والبور = من واحدٍ مايعرف القيل والقال
حزام مسحل من هل الخيل طابور = وان عودت للسيف فارس وخيال
الساس طيب والبناخي لهم دور = وافخر ليا قالوا الرياجيل رجال
القصر نور واكتمل نور مع نور = نور النشاما والقصر يشتعل شعال
الشيخ ابو مصلح على الطيب مشهور = لا جيت تلقالك تراحيب ودلال
الطيب من ساس الرياجيل مخبور = اقولها من جد والحق ينقال
بيت الكرم جعله على العز معمور = لحتّرت الايام جايله ظلال
الاوله قدر الرياجيل في صدور = والثانيه يكفي من الكيف فنجال
عسى الليل كله فل وزهور = وتحقق الاحلام من مال وعيال
الله يجمعكم على خير وسرور = واهم شي لحصل راحه البال

هذا رد بناخيه على الشاعر

يامرحبا بالشعر والخط وسطور = يامرحبا باللي كتبها ولامال
ياخال والله شوفتك تبرد الجور = شوفك شفا يالذيب ياطيب الفال
سرور انا يومي بناخيك مسرور = ياعزوتي لا صكت الخيل زرفال
يابو سفر يامدخلٍ كل مذعور = ياللي بنيت من الفخر عز مدهال
ياللي لك الفزعات طبع ودستور = ستر العذارى لا اعترى طوّح عقال
معذور ياشيخ الرياجيل معذور = واكبر فخر لا صرت اناديك ياخال

رد الشاعر على بناخيه

سلام ياقصر وقصاره = سلام مني بدون حدود
بوجودكم زادت انواره = ونفخر بكم ياعيال العود
الاد شداد غياره = وحضورهم غايه المقصود
حزام من يكسر الشاره = نصين من قوه العبرود
مع ايمن القصر ويساره = يرش فوق الورد ورود
والبن موجود وبهاره = وتشم ريحه بخور العود
راعِ الكرم تشتعل ناره = ويجيب صيده من الماجود
واليا نوا يقنص وباره = بالليل يسري واهله رقود
وليا تلوا على الطاره = يحط رجله مع المهود
الشايب اللي نسى داره = يقول غايب سنه واعود
يم البحر طال مشواره = لكن ذكر الحي موجود
ياعنك ماقل مقداره = ولي بيجحد عليه شهود
العافيه اكبر تجاره = معنك عن يومك الموعود
دوب العنب زانت ثماره = مبروك واقطف من العنقود
بغيت اجي فوق طياره = وليا التوانك بدون وقود

رد بناخيه عليه

قصيد من قلبي اختاره = فيه الوفا كل يوم يزود
يشابه الغيث وامطاره = مثل البروق اقتفتها رعود
ولا كما الورد وازهاره = ولا كما اللولو المنضود
واحلى من الصبح بااسفاره = للشاعر احلى القصيد ردود
ياصاحبٍ جتني اشعاره = من زينها تشفي الملهود
الشعر لا زان تياره = جتك القوافي عقود عقود
تهيظ القلب وستاره = بالقلب تلقى لها مردود
القلب لا تكشف اسراره = يا شاعرٍ يعرف المنقود
تلقى جوابي مع احظاره = حياك راعي الكرم والزود