حبيبي ماقويت اصبر..!!

بسم الله الرحمن الرحيم

حبيبي ماقويت اصبر وانا كلي وله منثور
احسب الساعه بغيابكـ اعد اصغر ثوانيها

احسب الليل يسمعني وشمس ٍ بالنهار اتدور
افكر كيف مايفهم عيوني ما يداريها


الا يا ليل يابردكـ توكـّل وابتعد مشكور
ابـي ليل ٍ يجي بعدكـ وابـي صبحكـ يعديها


انا قارب بلا مجداف ساكن في زمن مقهور
غريق ٍ في بحر اشواق بعيد ٍ عن موانيها

حبيبي لا تلوم اللي تعلق في سماك شهور
انا من جيت للدنيا عيونكـ سارح ٍ فيها



انا عاشق من الغربه تولعت بهذاكـ السور
ولو دارت عليكـ سنين دروبكـ ما اخليها


رسمتكـ او تخيلتكـ .. اسولف بكـ بدون شعور
اسولف لكـ عن ايامي من اولها لتاليها


نويت ارحل نويت اتركـ بقايا خاطر مكسور
نويت ابعد عن ايام ٍ تعبت اجمع بلاويها


نويت امسح ظلام الوقت واختاركـ بداله نور
نويت ابعد عن ايام ٍ تعبت اجمع بلاويها


اعد نجوم هالدنيا سهيت وعدتها مجبور
احاول اجمع نجومي ولاني قادر احصيها


احبكـ كثر ماعديت كثر ما في السحاب طيور
احبكـ كثر ماخاوت حروف العشق هاويها


احبكـ كثر ماشافت عيوني بالقصيم تمور
واحبكـ كثر ماشافت عيون الناس غاليها


حبيبي ما قويت اصبر وانا كلي وله منثور
احسب الساعه بغيابكـ اعد اصغر ثوانيها

مما راق لي
..

		المشاركة الأصلية بواسطة : اقتباس
	حبيبي ما قويت اصبر وانا كلي وله منثور احسب الساعه بغيابكـ اعد اصغر ثوانيها

في الصميم


يعطيك العافية راؤؤلة

يا هلا والله ببنت عسير
والله يحييك مدد بلا عدد
اختيار رائع
وذوق فريد
وتسلم يديك

		المشاركة الأصلية بواسطة : عادل الحارثي اقتباس
	في الصميم يعطيك العافية راؤؤلة

الله يعافيك اخوي
نورت مووضوعي
..................

		المشاركة الأصلية بواسطة : السلطان اقتباس
	يا هلا والله ببنت عسير والله يحييك مدد بلا عدد اختيار رائع وذوق فريد وتسلم يديك

ياهلابك يالسلطان
الله يسلمك
نورت موضوعي...
.................

العنوان يحكي



شكرا راؤؤله

.............................

أليمة و معبرة عن اللي بالخاطر

شكرا راؤولة

ألييمه

صح لسان قايلها

ولاهنت ياعسيريه على النقل

دمتي مبدعه

بنت عسير
ماراق لك راق لنا
وفقكِ الله

		المشاركة الأصلية بواسطة : ســديــم اقتباس
	العنوان يحكي شكرا راؤؤله .............................

العفو
نورتي يالغلا
.................................