غموض إنسان

السلام عليكم ورحمة الله وبركاته


قصيده جديده لـ شآعــر عبدالعزيز مسلط

مرت سنين العمر في كف رحال=تقطع دروب الحظ والحب والشوق


تعد ساعات الدقايق بلاهوال=وتكف ماينثر من الجرح والموق
​تسمع على ماقيل وتهد الاقوال=وتثبت المثبوت وتذمر البوق
قضيتي حياة واسرار منزال=ترحال واخرها مذابيح وحروق
​قضيتي يابنت مو سالفة مال=قضيتي رجال ضايع وملحوق
​اليا انحبس عزيز في وسط الاقفال=واليا تحرر قدم العز والذوق
​هذي ثمان شهور والعلم مازال =كانيه دفان الرمل فا اخر السُوق
​والرجل لا ضٌيف ولا لُبس عقال=مجبور بين معايش الضيم والعوق
​ياناس بعض السير معقود بحبال=وبعض المراجل كانها ربطة عنوق
​الصاحب الي ماصفى عقب الابطال=ملعون ابوخير ولافيه مسبوق
​والعزوه الي تشري الطيب بريال=اخيس من الي تارث الطيب بعروق
​ان ماطلعت انسان في طولة البال=قيد ضميرك واذكر الطاق مطبوق
​القاف سابق والمعاني على الجال=والحر يفطن والمشاريه برفوق
​ان ماصفن ايام عمري بلأعمال=ولا فمان الله يا لابس الطوق

وسلامتكم

صح لسان عبدالعزيز وبيض الله وجهه

قصيده رائعه

لاهنت يابحر القوافي

صح لسانه

وسلمت اخوي

تحياتي لشخصك الكريم

عبد العزيز
شاعر جزل ونتمنى حضورك بإستمرار
وفقك الله

حياك الله بحر القوافي ,,

ابيات قمه بالجزاله والسكب المنفرد ,,

صح الله لسانك وصح كلك ولاهنت اعجابي الشديد لما تقدمه ,,

لك تحياتي وكل تقديري .

كفو والله يا بحر القوافي
وصح لسان أبو مسلط
تمنيت إنه حضر بنفسه وشاركنا بقصيدته
من غير قصور فيك يا أبو سفر

ألف شكر لكما
وبيض الله وجيهكم

القاف سابق والمعاني على الجال
والحر يفطن والمشاريه برفوق
الله واكبر,,, عليه الملازيم انها قصيدة شاعر كفو ولوني ماعرفه صح لسانه مليارات واكثر معنا ومبنا وفتل شاعر متمكن وكبير والله يبيض وجهك يابحر الابداع على النقل والاختيار الراقي والله يعطيك الف عافيه
تقبل تحياتي,,,

		المشاركة الأصلية بواسطة : الـغربــي اقتباس
	صح لسان عبدالعزيز وبيض الله وجهه قصيده رائعه لاهنت يابحر القوافي

صح بدنك بنيابه عن ابوعزهـ

لاهنت على مرورك الرااااائع

		المشاركة الأصلية بواسطة : عقد اللؤلؤ اقتباس
	صح لسانه وسلمت اخوي تحياتي لشخصك الكريم

صح بدنك

شكراً لمرورك الراااقي

		المشاركة الأصلية بواسطة : خيال الشدادين اقتباس
	عبد العزيز شاعر جزل ونتمنى حضورك بإستمرار وفقك الله

هلابك خيال

منور الموضوع طال عمرك


لاهنت