..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين > المنتديات الشعبية > بحور القوافي
  [ 1 ]
قديم 21 Apr 2008, 07:46 PM

سعود سليمان الحارثي غير متصل

تاريخ التسجيل : Apr 2006
رقم العضوية : 1260
الإقامة :
الهواية : Travel
المشاركات : 2,848
معدل التقييم : 25
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
لجنة تحكيم شاعر المنتدى والقصائد المشاركة



الاخوة الافاضل ...أعظاء منتدانا
نشكر كل من دعم وشارك في مسابقة شاعر المنتدى
وأن لم يكن التجاوب من قبل الشعراء بالمستوى المامول
فلم يصل سوى 7 قصائد ...
ويسعدني أن أعلن أسماء لجنة التحكيم الذين سيقيمون القصائد
وفق شروط المسابقة على هذا الرابط : http://www.shdadeen.com/vbq/showthread.php?t=27135
وهم كلٍ من:

1- الشاعر // مطلق المطيري مراقب الشعر في منتدى المرقاب
2- الشاعر // متعب المينيح شاعر شعبي مرقابي
3- الشاعر // ناصر الحربي (فارس المفردة) شاعر مرقابي
له حظور متميز في الصحافة الشعرية

وقد سلمت لهم القصائد وننتظر درجات كل شاعر على كل قصيدة من ( 70 ) ،،
وكما اشرت فقد وصل سبع مشاركات من شعراءنا الكرام ،، وقد تم استبعاد القصيدة رقم
( 2 ) وذلك بسبب الخلل الواضح في الوزن ،، وأذكركم أنني لا
أعرف شعراءها !!
ويمكن للاعظاء تقويم القصائد من خلال اعطاء كل قصيدة درجة من (30 )،، ونرجوا من الكل النزاهه والحياديه..
كذلك نذكر الجميع بأن اي عظو أنظم للمندى بعد تاريخ 18 مارس 2008 لايقبل تصويته.. ولايحسب ..
وأترككم الان مع القصائد
القصائد بالترقيم

رقم القصيدة (1)
ربي اللي عليه بكـل حـال اتكالـي=الكريم الرحيم وعون من يستجيـره
خير ربي علينـا مالـه اول وتالـي=والقضاء والقدر بيديه شره وخيـره
يالله اني طلبتك وانت عالـم بحالـى=عم خيرك على سكان شبه الجزيره
كل شي في زمان العولمة صار غالي=عزي لمن يدينه دون شفه قصيـره
راس ماله مايكفي قوت سود الليالـي=والليالي على منهاج واحد عسيـره
حاجتـه ماتسـد الا بنقـد الريالـي=وعزته تمنعه عن مد كفـه لغيـره
المـرارة تجرعهـا ولا ذاق حالـي=يصفق الكف فوق الكف ماله بصيره
كيف لوحكم دولتنا على الراس مالـي=كان رحنا ضحية عند ناسٍ حقيـره
ناس ما همها الا تاكـل ولا تبالـي=ضرو المقتدر واللي يدينـه فقيـرة
واحتكار السلع في الشرع ماهو حلالي=يلحق اضرار بالانسان في كل ديره
يارجال الوطن والدين واهل المعالـي=الغلا شن حرباً مثل حرب المغيـره
اقتصاد المواطن كان مثـل الجبالـي=واصبح اليوم مثل الدلو في قاع بيره
ابذلـو جهدكـم والله عليـه اتكالـي=الكريم الرحيم وعون من يستجيـره
رقم القصيدة (2)

قد قيل ما يعــــــــــــــــــذب بالنار غير خالق النار = قاله رسول الله فالذي حـــــــــــــــرّق النمل تعزير
وبه ناساً مع طيحة الدولار شــــــــــبولك فالاسعار= ورحنا مثل الحديد اللي تحاداله نافـــــــــــــخ الكير
لا نشدته ليه غلــّيت الســـــلع وش جاك وش صار= قال أغلــّي مثل غـــــيري واللي يصير ابكم يصير
وان قلت بعض السلع ما جاها لا سيلاً ولا اعصار= قال انت جاهل والوضع العالمي يعــــــــيش تغيير
ابك انت ما تدري ان الله يعـــــــلم خافيت الاسرار =يحصي علاك الذرة الوحـّـدة شـــــــــــر والا خير
ابك حنا نبا نلقـــــــــــــــاها في الرز والا الخضار =والا حليب الوراعـــــــــــــــــين اللي ثمنوه تزوير
والا السكن اللي تردى مع تدبيـــــــــــلات الإيجار =والا طن الحـــــــــــديد اللي زاد اهل البنا مخاسير
واضيعـــــــــــــــت زيادتاً هلــّـت ثم ولــّـت لتجار =ضيعت بر الحجازي عقب المطر اضحى شعاثير
وأما شبابنا العاطل بعــــــــــــــد الغلا مال وانهار =غريقاً تجود بجــــــــــــــــــــذعاً تولــّـته المناشير
والموت يـــــوم جانا ((حلثويناً )) غلــّوا فالامهار =خلو محارمهــــــــــم سوات الدبش لا زاد الشعير
صرتوا علانا مثـــــــل ما صار للمسلمين حصار=تليمت علاهم فالخندق جيـــــــــــــــوش وطوابير
غير المسلمين يعرفون ان الخــــــصم جيش كفار =مار البلا حنا خصـــــــــــــــومنا منا وعنا مناكير
و اعوذ بالله من تشبــــــــــــــــــيههم عبـّـاد دينار =لكن الاثر دل الاعرابي عــــــــــلى ان فيه مسير
البارحة قام البصــــــــــــــيصي يدير كل الافكار =وهو خابرها لعــــــــــبتن ما بين وزير و هوامير
لا تقولون لي طيراً وحصـّـل رزقـــــــــه ثم طار =إن ما كان له جنحاناً قويــــــــــــة ما يحرز يطير
رقم القصيدة (3)

سلام وهلا يا مرحبا كل يوم تزود= مثل زودة الأسعار يا عارف الأسعار
أنا هاضني موظوعكم يا رجال الجود =يا ربعاً لكم في داخلي حشمه ومقدار
مواظيعكم متميزه والرجال شهود =ويشهد على ما قلت الأعضاء والزوار
دليل التميز عرض حادث حدث مشهود =غلا السعر حادث وأقعاً صار فيه أضرار
جميع العرب متضرره والدواء مفقود =جريحة وجرح الجرح من خنجر التجار
غدا كل شي بزود عن سعره المعهود =وأشوف الصغار اليوم صارت تعد كبار
صغيره وغالي سعرها والغلا مقصود=سببها من التجار لو كثر الاعذار
يزيدون في السلعة بزودٍ ماهو محدود=بتطفيفهم يا ويلهم من لهيب النار
أناشد ولات الأمر وأنا أقصد ال سعود=أهل فزعتاً يفرح بها العاجز المحتار
ملاذ الضعيف إلي غدا باليال السود =نصاهم وحطوله لحاف وذرا وستار
ألا يا ولات الامر كلش وله حدود =وهذي تعدت حدها مالها معبار
نبي فزعتاً منكم ترد الصدور ورود=وتقفل طريق إلي لهم بالغلا مصدار
ولا هي غريبة مالوقفاتكم معدود=كثيرة مع الشعب الوفي يا ولات الدار
أقوله بسم شعباً على نعمته محسود=يعيشون نعمة أمن وإمان وإستقرار
وتمت وصلو عد وبلٍ نشا برعود=على الهاشمي المصطفى الهادي المختار
رقم القصيدة (4)

يقلون جتنا زيادة والغلى يغلي=خمسة عشر في المية فا لراتب الفعلي
و سعر الوقود أرخصوه وزينوه النا=و جابوا لنا نوع ثاني شغل العقلي
قلنا عسى الله يديم الحكم و يعزه=في ديرة ٍ عزها الله بخاتم الرّسْْلي
لكن عَبّادَة القرش اطمعوا فينا=قالوا نزيد السعر ونغير الشكلي
نبدأ بسعر الزيوت ونحكم القبضة=وشويه شوي نقضي له على الدخلي
وترى الزيادة بسعر الرز بسمتنا=وزيدوا سعر مايبا و يحتاجه الطفلي
و كل المواد الغذائيات زيدوها=زيدوا بالاسعار حتى يقفل القفلي
ثم الشعير ارفعوه وزيدوا أزمتنا=وزيدوا سعر باقي الاعلاف واعلف لي
ما فيه قانون و حماية ابتحميهم=حماية ٍ نايمه لوياصل ويدلي
لو ياصل الشاكي و يدلي بلا معنى=كما اللي أعمى عيونه مرود الكحلي
شكواه ما تاصل و مأحد ٍ مخوِّنّا=نلعب على كيفنا في الصعب و السهلي
استامنوا العقوبه وِِ العبَوْْا فينا= من ها الهوامير دمي فاير ويغلي
حازوا على أموالنا با لغش و النهبي=طقات طاشكندي و طقات شربتلي
يا لله تقلع و تبعد رسهم عنَّا=أطماعهم بيّنت بالكم و الشكلي
و القاف قفل و قصر الهرج يا زينه=شد الحبل شد يا للي مرخي الحبلي
رقم القصيدة (5)

يـالـلـه يــعـالـم خــفـيـات الاسـرار =يـاالـلـه يـاوالي علـيـك الـتــكـالي
اجعل لنا من ضـيق الايام مظهار=والطـف بـنـا في مقبلات الليالي
الارض تشكي القحط من قل الامطار =والناس تشكي الضيق في كل حالي
كـلـه مـن اسـباب المعاصي والاوزار =وكـفــر الـنـعــم اول طـريـق الزوالي
ياسعود هـيـضـت المشـاعـر والافكار =بـمـسـابـقـة شـاعـر وشـعـر مـثـالـي
والـعـلـم الـه ياسعـود مـارد ومصـدار =والشعـر يـاراعي الوفاء راس مالي
هـبـت هـبـوب الشعـرمن كل الاقطار =واقبل من المنشى صدوق الخيـالي
مـزن تـنـثـر مـاه بـالـخـيــر مـــدرار =واخترت من جـزل الشعـر ماطرالي
عائش همـوم المجتمع يـابـن الابـرار =واجــب عـلـيـّه ذكـرهـا فــي مـقـالـي
الـســوق نــاروزايــدة فـيـه الاســعار =وكـل الـلـذي يـوجد في السوق غـالي
واصبح قليل الدخل في الوضع محتار =الـبـيـت يـطـلـب مـنـه والجـيـب خـالي
يحـمـل هـمـوم عـيـالـه كبار وصغار =وهـمـوم اجـار الـبـيـت وام العـيالي
الـيـا جـلـس مسـكـيـن كـأنه على نار =والـيـا مـشـى تـقـــول صـابه خبـالي
وان كـان ما الـلـه ثـم وافيـن الاشبار =حـكـامـنـا ال سعــود خـيـر الــرجالي
والا مـن الـتـجــارلحـقـتـنـا الاضـرار =وصـرنــا ضـحـايا لـلـرخـم والـثعالي
رقم القصيدة(6)

سبحان رباً (ن)كوّن الارض واختار = اختار ابونا آدم وريث الطبيعة
رسالتي حبرتها دمعاً(ن) انهار = واوراقها غبن الكبود الوجيعه
انا مواطن ياوطن يكفي اعذار = ترا دمي بسفل ترابك نقيعه
نسيت يوم الله خلق طين فخار = هذاك ابونا آدم وحنا تبيعه !
ياموطني ياموطني تاج واشعار = الله عطاك مقدساتٍ (ن) منيعة
منته بحاجة في غلاء كل الاسعار = انت الذي شبعان والغير جيعه
عندك موارد واضحه ليل ونهار = وارضك وسيعه و الموارد وسيعه
لكن جعلت التاجر بعون سمسار = يهيج الاسعار بيعه لبيعه
وانا مواطن ياوطن سرت محتار = مدري اتبع التجار والا القطيعه
ماعاد لها حلات من بعد ماصار= الا الله المعني بنصر السبيعه
ثم الملك راعي الرعية حمى الدار = يقصم ظهور اهل الفساد الوضيعه
ويعطي المواطن دعم في زرع الاثمار = ويعطي المحاكم امر تنهي المنيعة
منيعة استحكام من يحيي اديار = ووقتها تغدي الخلايق شبيعه
والاسهم اللي سببت شحـن واشجـار=فضائـع التأميـن اكبـر فضيـعـه
وحنا جنودك ياملكنا لـك انصـار=ابشر بنـا ياقائـد , الكـل يطيعـه
رقم القصيدة(7)

الأسعار زادت و الزيادة عظيمة =ما فرقت ما بين إنس و بهايم
ما عاد حتى للريال أي قيمة = و السوق مابين سائل و سايم
من بعد ما كنا نتعشى و ليمة =صاير عشانا اليوم خبز و ودايم
كثر الغلآ ياناس و الله جريمة = والله يستر لا تزيد الجرايم
لا صارت النيات ماهي سليمة =و كل هم الناس جمع الغنايم
الذنب له دايم عواقب وخيمة = و اهم أسباب الأمور العظايم
لازم نشوف الميل وين و نقيمه = و نعدل العمود لا صار نايم
يمكن لهذا الشي ميزة يتيمة = الناس صاروا يكرمون النعايم
يالله يامحيي العظام الرميمة= طالبك يا منشي السحاب الركايم
يارب رد أسعارنا اللي قديمة = أيام كان الفرد صايم و قايم
وقت الرخا يا رب علينا تديمه = و الأمن يا ربي تخليه دايم
بعد قراءة القصائد يمكن التصويت حسب رقم القصيدة على هذا الرابط :
http://www.shdadeen.com/vbq/showthre...842#post402842

توقيع : سعود سليمان الحارثي
حبر يراعي طُهر وأسلاح مِقدام=كسّر مجاديف الملل والرتابة
يقدّره طاهر مصلي وصوّام=ويصد عنه اللي عليهم جنابة



التعديل الأخير تم بواسطة سعود سليمان الحارثي ; 21 Apr 2008 الساعة 09:37 PM

قديم 21 Apr 2008, 09:25 PM [ 2 ]
مؤسس شبكة الشدادين


تاريخ التسجيل : Jan 2005
رقم العضوية : 1
الإقامة : saudi arabia
الهواية : رياضة + كمبيوتر وبس
مواضيع : 2072
الردود : 91533
مجموع المشاركات : 93,605
معدل التقييم : 4981السلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond repute

السلطان غير متصل


مـجـمـوع الأوسـمـة : 8
فعالية ضوء عدسة

فعالية طلباتك أوامر

شكر وتقدير

فعالية مجموعات المنتدى

يوميات الأعضاء

التميز في دورة الفوتوشوب

شكر وتقدير

أجمل خط 1434 هـ




أبيض وجه والله يا أبو عبدالعزيز

واللي شاركوا فيهم الخير والبركة

واللي قفّى الله يستر عليه

ونتمنى لشاعرنا الفائز وجميع الشعراء

أجمل الأمنيات وأصدق الدعوات

وفقك الله يا مشرفنا العزيز

ونشكرك من أعماق قلوبنا على هذا الدور

البارز في خدمة المنتدى


توقيع : السلطان
الأعلى
موضوع مغلق
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
هيئة أبوظبي للثقافة تعلن عن شروط المشاركة في النسخة الرابعة من شاعر المليون سطام الشدادي القسم العام 5 10 Oct 2009 11:55 AM
المشاركة الثانية لشاعر القبيلة ابن جربان في برنامج شاعر العرب سطام الشدادي أخبار الشدادين 7 27 Apr 2009 03:23 PM
القصيدة التي رفضتها لجنة تحكيم شاعر المليون لـ ناصر الفراعنة حاتم الشدادي قصائد مختارة 17 19 Jul 2008 04:45 AM
الفراعنة يدندن رغم أنف لجنة شاعر المليون أبن مهرس Vip قصائد مختارة 13 12 Apr 2008 01:03 PM
صريح جدا امل من اعضاء المنتدى المشاركة العالي النقاشات والمواضيع الهادفة 11 18 Aug 2006 05:35 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع

05:41 PM
Powered by vBulletin® developed by Tar3q.com