الغياب

بسم الله الرحمن الرحيم



الغياب


إهداء لخوي جزل البيان




الغياب أجمل من الأعذار والذّمه بريّه


........... والحضايا علمها مستور بصدور الخفايا



بيض الله وجه من ساقه على الموقف حميّه


.............. قبل مانشكرك يابند المكارم والهدايا


ياكريم الوجه ياوهاب ياجزل العطيّه


....... أعط من مدة يمينه طيب من جزل العطايا



بيض الله وجه جزل اللي دعم فكرة خويه


......... ولاغرابه جزل من قومٍ يقودون السرايا


واحمد الله يوم لي عزوه وقوم ونار حيّه


........... والله إني ماحسبت حساب مكمين الحجايا


ولافقدت ألا حضور القبح من وجه الخطيّه


......... وياعساها ذلفة الراعي وقطعان الرعايا


مابقا ألّا دق طبل ورقص ورع وسمسميّه


............. ولابقا ألّا ياعيون النرجسيه ياهوايا


راحوا أهل المعرفه وكنوز ألآداب الثريّه


.......... ولاعلى الدنيا بعدها الّا جزيلات التحايا



بعدها البدوان عاشوا من عصور الجاهليه


............. للكرم بوجيههم وهبه من الخالق حلايا


وسارت الأحقاب والوهبه وصيّه من وصيّه


.......... ووصلت آخر جيل كاملة الوصايف والمزايا


مكرمين الضيف خطرهم على اللافي سخيّه


............ ولاتشوف الّا ذيول الحيل بصحون الندايا


وياوجودي وجد من نفسه على شوفه شفيّه


............ ولايقوم الّا على المعكاز وطعونه عزايا


عجزه وقته وحسراته ورى قله خفيّه


.................... ولاعيال ولاحلال ولا ربوع ولاشلايا


ياوجودي يامسامرهم على نارٍ طحيه


............ ضوحها يجذب على حسن النبا قرم السجايا


ودار فنجال الشغف من كف غمر الشاذليه


............ ورشفته تجلا العمس وتهيض مبعدة النهايا


وحبتّه من بنّ خولان ولهم فيه أبجديّه


................ أبجديه ماعرفها غير قل من البرايا


ولاينقّص صبّته من جهل ولاعنجهيه


............... ولافعلها غير عن دين وتقاليد ووصايا


تنبذ الإسراف وتعلمك حكمه عالميّه


............... ماش فوق الأرض مايجزيك ياحسن النوايا )

صح لسااااااانك ياوحي الألم
كلمات قويه وفاخره
تحياتي
,,,,,,,,,,,,,,,,,,,,,,,,,,,,

صح لسانك
يـــ ابو علي
نص جميل جدا كفيت ووفيت يالذيب
شعر جزل واسندتها على شاعر جزل
وننتضر رده
دمت
بخير

كفو والله يعطيك ألف عافية
والله يحييك وصح لسانك ملايين
شاركت وأبدعت
ونظمت وأجزلت وما قصرت

السلطان


سلمت ولاهنت .


عمر

سلمت ولاهنت



أبو مشحن


يالله حيه يامرحبا


من طول الغيبات جاب الغنايم الحذيه يابو مشحن


الحمد لله على السلامه والله لك وحشه وسألت عنك


وسلمت ولاهنت

اخوي/وحي الالم
والله وصح لسانك لين ترضى ياسنايدي
وابشر بعزك وبيض الله وجهك
شرفتني بتوجيه القصيده والاهداء ياذيبان
انتظر ردي فالعاجل ان شاء الله تكريما لك يالنشمي
لاهنت ولاهان غاليك حفضك الله
تفضل بقبول مروري المتواضع وخالص الود

		المشاركة الأصلية بواسطة : جزل البيان اقتباس
	اخوي/وحي الالم والله وصح لسانك لين ترضى ياسنايدي وابشر بعزك وبيض الله وجهك شرفتني بتوجيه القصيده والاهداء ياذيبان انتظر ردي فالعاجل ان شاء الله تكريما لك يالنشمي لاهنت ولاهان غاليك حفضك الله تفضل بقبول مروري المتواضع وخالص الود

الجزل

أنت تستاهل الطيب كله ماهي قصيده واحده

صح لسانك وعلاشانك شاعر جزل
بيض الله وجهك ولاهنت

هلا وغلا
ياغلا

لاهنتي وشكرا على المرور