يالله تغفر لي ولا تبلاني

قصيدة ابن حمري

يالله تغفـر لــي ولا تبـلانـي = واجعلني أبيض قلب صافي نيـه
وتعيني فـي الماقـف الانسانـي = وتصلح لنا فـي المـال والذريـه
سترك وعفوك خير مما اعطاني = امعزبي سلطان من الجاهيه
أنت اكفني من عثرة الصدقانـي = وعثرة قريبٍ توجع النفسيـه
وازهل علـي مواجهـه عدوانـي = روس العـدى كرامـة الجنبيـه
وانا لساني في اللـزوم حصانـي = خيره وشـره كـل أبوهـا ليـه
اسخـره فـي خدمـة الأوطانـي = او فـي مجـال الدعـوه الدينيـه
ومن دون حكام البلد لـه شانـي = ومن دون ربعـي وقفتـه مثنيـه
مـرات ياخذنـي علـى خلانـي = الحـب وزن الشعـر والقافييـه
عنـدي يسـاوي قلـة اليابانـي = وما عًدّه العسـاف فـي الماليـه
ياكـم وياكـم شايبـي وصانـي = وكم مرتٍ يظهرلـي المخفيـه
قـال العـرب كلامهـا مجـانـي = وأفعالهـا بالفـٍّلـس والربـيـه
عز الله أنـه شايـبٍ ربانـي = ياجعلنـي فـدوة تـراب احذيـه
سلام ياتاجٍ علـى التيجانـي = علـى جبـاهٍ طاهره واتقيـه
عمي وعمٍ من علـى عمانـي = وأبوي لو الأسما مهـي مسميـه
ومـعزبي ومـعزب الشيخانـي = والعهد عهده والولا واليه
ياسيدي سلطان لا تلحاني = واسمع سوالف روحي المشقيه
خوتك خوه يا اخطل الذرعاني = لكن لحقني منها محقيه
كبرت جاهي واكثـرو ضيفانـي = وقالوا علـي الربـع والعانييـه
وخسارتـي تدبـلـت واقـذانـي = وفقري وقـل الحيـل فـي يديـه
قالوا عطـاه الـدر والمرجانـي = وقالوا هباله قصر فـي الشرقيـه
وقالوا رصيدي يبري الوجعانـي = وأنا علـى سيـارةٍ كوريـه
هي والشبح وكيلهـا الوعلانـي = سبحان من فرق أخٍ عن خييه
قل للمحيسـن ينجـز القحطانـي = يصرف مايبني عشه الزوجيه
يعطيني الي قلت وان مـا أعطانـي = أظهرت دمعـة عينـي المخفيـه
عصاة موسى وخاتم سليماني = ماحركت من المحيسن شيه
لي جيت أبعايـد علـى شيبانـي = حنيت نفسـي مـن خـلا كفيـه
فقيـر ويعايـد علـى فقـرانـي = أمحق فقر وامحـق بعـد عيديـه
يا امير ماشين موتـة الوحدانـي = وان مـات لا هـذي ولا هـذيـه
من حر قيض الأرض في الصماني = يمشي الجمل بالطاقـه الشمسيـه

صح منطوق ابن حمري
شآعر جزل والله
ولاهنت على النقل.

جميلة جدا ولا عدمناك شكرا للنقل الجميل

ايها الجميل ..

صح لسان الشاعر

واكرمك الله بالسعادة والهنا

تقبل مروري

قصيدة رائعة ومعاني طيبة
مختارة لنا بعناية من شاعر كبير
مثل ابن حمري

سلمت أخي العاشق
وألف شكر لك

صح لسانك
يــ ابن حمري
والله يرحم الامير سلطان
ويرحم موتى المسلمين

تشكر على النقل
دمت
بخير

يعطيكم العافية على الردود الجميلة ولاهنتوا

بارك الله فيك ع النقل والاختيار المميز
كل الشكر لك