ترى الرجولة ماهي شماغ وعقال

تـرى الرجولـه مـاهـي شـمـاغ وعـقـال=ولا هــي بشـوتـن خبّنـوهـا الهـنـودي

ولا هي قصـور ولا هـي أولاد وأمـوال=ولا هـي أراضـي مــا تـحـدّه حــدودي

المرجـلـه أصـنـاف يـاخـوي وأشـكــال=فـيـهـا الـمــلازم والـلــوا والـجـنــودي

المـرجـلـه أقـــوال توفـيـهـا الأفــعــال=كلـمـة وفــا تيـبـس عليـهـا العـهـودي

المرجـلـه أخــلاص وأيـمـان وأعـمــال=وخـيـرن مـــع الأيّـــام دايـــم يـــزودي

المرجلـه لا أرضيـت عمّـك مـع الـخـال=وبـرّيــت بـأمــك والأبـــو والــجــدودي

الـمـرجـلـه فــرحــة يـتـامــا وعـــــوّال=تضـحـك لــك الدنـيـا وكــل الـوجـودي

المرجلـه صبـرك علـى بعـض الانــذال=وصبرك علـى جـارك ولـو هـو يهـودي

المرجلـه مبـدا علـى الــراس ينـشـال=مــا يـنـزل ألا فــي بـيـاض الـلـحـودي

المرجلـه يـا خـوي فــي راحــة الـبـال=فـي ركعتـن بااللـيـل مـالـه شـهـودي

المرجـلـه جـنّـه عـلـى الأرض وظــلال=لو عشـت باالصحـرا بوسـط النفـودي

المـرجـلـه لا قـالــت الـنــاس رجّــــال=لو ما انكتب فوق البطاقه ( سعودي )

		المشاركة الأصلية بواسطة : اقتباس
	المـرجـلـه أقـــۈال تۈفـيـهـا الأفــξــال كلـمـة ۈفــا تيـبـس عليـهـا الξـهـۈديـﮯ المرجـلـه أخــلاص ۈ أيـمـان ۈ أξـمــال ۈ خـيـرن مـــξ الأيّـــام دايـــم يـــزۈديـﮯ

صح لسان الشاعر وصف وابدع
وسلمت اخوي السفير على النقل الرائع

لاحرمنا من جديدك

صح لسان الشاعر وماقصرت ياشنب
الله يعطيك العافية

لا هنت أخوي السفير
على الاختيار الذوق
والنقل الجميل
والله يعطيك ألف عافية

المرجلـه يـا خـوي فـي راحــة الـبـال

فــي ركعـتـن بااللـيـل مـالـه شـهــودي

المرجلـه جـنّـه عـلـى الأرض وظــلال

لـو عشـت باالصحـرا بوسـط النـفـودي

المـرجـلـه لا قـالــت الــنــاس رجّــــال

لو ما انكتب فوق البطاقه ( سعودي

لاهنت اخوي السفير قصيده رائعه فهي تحوي الكثير من الكلمات الجميله ..

^
^

السفير أنتقاء رائع ..

يعطيك العافيه ..

لاهنت اخوي السفير القصيدة جزلة وبيض اللة وجهك مع تحيات الحارثي