محاورة بين تركي2000 والدكتور عايض القرني

تــــركــــي الــمــيــزانــي

سلام يا رمز الأدب والــــدين وبحور القصيـد =ياللي بنيت أمجاد وصروح ما تمحاها السنيـن
إنت بزمنا أكبر عطايا وقـــــتنا وأغلى الرصيد =ولا أقول غيـر الله يــــــخليكـم ذخـر للمسلميـن

عــــائــــض الــقـــرنـــي

أهلا هلا بالشاعر المقدام والـــــــشهـم الرشيـد =في حضرتك ننثر سنابـل كــــادهـا والياسميـن
إليا ذكر تركي ذكرنا قـــــــــــصة القـول المفيـد =أقطف زهور الورد من شعره على مر السنين

تــــركــــي الــمــيــزانــي

الله يــــــبارك فيك ياللـي كلمـا زادوا تزيـد =وتبني من الأشعار ما تذهل عقـول السامعيـن
النار فاتح بابها والموت فــــي حبـل الوريـد =لكن مــــتى تصحـى قلـوب الغافليـن النايميـن

عــــائــــض الــقـــرنـــي

ذكرتني بالنابغة والبــــحتـري وابـن العميـد =مجالس المأمون فـي بــــــغـداد وأيـام الأميـن
مـــــــعاوية نمدح علومه مير ما نمـدح يزيـد =وش لون نمدح من توهق حيل في قتل الحسين

تــــركــــي الــمــيــزانــي

هذي شهادة والشهادة منك يـا دكتـور عيـد =نبي نعلقهـا علـى جـدار الزمـن للتابعيـن
أحد بها الدنيا شقي و أحد بها الدنيـا سعيـد =تمـر دورات الــــزمـن والعاقـبـة للمتقـيـن

عــــائــــض الــقـــرنـــي

أبي أرسل الأشواق لكن كيف يحملها البريد =أحسن نوصلها وليلـة عــيـد شـوق الطيبيـن
أرجوك خبّر كل مخذول وشيـــطـان مريـد =قبر الغـزاة ديارنـا وحنـا عــــيـال الفاتحيـن

تــــركــــي الــمــيــزانــي

ضاعت حلول المشكلة يا شيخنا مابه جــــديـد =إلا غرور أهل اليسار وصمت أصحاب اليمين
مدري نقول لما مضى من وقتنا ليته يـــــــعيـد =وإلا عليك نهل كل الدمـع يـا بـــــــــدر وحنيـن

عــــائــــض الــقـــرنـــي

اليآس ذنب وعندنا أحـــــــــــــفاد المثنـى والوليـد =والشبل من ذاك الأسد وأرض الوطن كله عرين
من يعتصم بالله ربه عـــــــــــاش في عمره سعيـد =يبشر بحفظ الله له ويكون فـــــــي حصن حصيـن

تــــركــــي الــمــيــزانــي

حنا بلشنا بالقريب اللي عرض دون البعيـد =يا صعبها لا حولت ما بين خشم وبيـن عيـن
الجرح مبطي مابرى والصبر ذاب مع الجليد =ولا أقول غير الله يعين القانتيـن الصابريـن

عــــائــــض الــقـــرنـــي

حنا تعودنا على طحن الحجـارة والحديـد =ولا نخـاف المـوت لنّـا للجنـان مسافريـن
عدونا والله مـا يحميـه زيـد ولا عــــــــبيـد =على جماجمهم نشيـد مجدنـا الباهـي المتيـن

منقولة

الله الله ابدع الدكتور عايض القرني الله يحفظه

وماقصر شاعر حمران النواظر تركي 2000

اشكرك يالغربي على نقل المحاروه الجميله

تسلم على هالنقل الروعه

الله لايحرمنا من ابداعك

مشكوره على مرورك

الرائع يابسمه

من جد أبدع شيخنا الجليل الله يحفظه ويطول في عمره عايض القرني

كذلك الشاعر تركي الميزاني شاعر كبير وله مكانته الآن في الساحة الشعبية

ألف شكر يا الغربي على نقل هذه المحاورة الطيبة

محاوره رائعه اخوي الغربي

بين الشيخ الفاضل عايض والمبدع تركي

تسلم ولاهنت ياغالي على المحاوره الرائعه

اشكركم جميعاً

على المرور الرائع

والله يعطيكم العافيه

تقبلوا تحياتي الغربي