وربعي بني الحارث ليا قادوا الجهم

هذه القصيده تشرفت باإلقاءها في حفل تخرج الضباط من قبيلة بني الحارث

جزل القصائد والمعاني نرودها=واليا وردناها تناضب عدودها
سر ياقلم مادام فاضت قريحتي=اكتب وانا بمليك مني ردودها
الأوله سلام من طيب النبا=عد المزون اللي تزلزل رعودها
سلامٍ احلى من لبن شمخ الذرا=وضحٍ رعت بأرضٍ تمايل فنودها
الثانيه جينا ولا نخلف الوعد=من عادة الأجواد توفي وعودها
حلف التخرج واجب انَ نشرفه=ضباط دولتنا وحنا عضودها
حنا حماة الدين خدام للوطن=الشاهد الله والخلايق شهودها
ياكم ردعنا من حريبٍ يبا ارضنا=يبغا حدود الدار مافاد فودها
ناطا على خده ونقلع سرايبه=وسمٍ سقطري للعدا في كبودها
ماهمنا التهديد والقول والوعد=عان أشهب البارود في ايدي جنودها
ان كان طامع في بلاد السعودي=قدمه طماميعٍ توسد لحودها
اطهر بقاع الأرض حنا رجالها=عنها عدانا بالمدافع نذودها
في ظل ابو متعب وفي ظل نائبه=سلطان وان شبت لهايب وقودها
سلطان قيدوم السرايا وأميرها=ونايف وزير الداخليه عمودها
وسلمان وان جات الصعايب يلحها=ستر الهنوف اللي رهافٍ خدودها
عيال من وحد من الشام لليمن=قرمٍ طوابير السرايا يقودها
عبدالعزيز اللي يروي حيامها=سورٍ على العوجا رقا في سنودها
اليا اعتزا باخته وزادت سطارته=خض البحور وطاح راسي حيودها
يمشي على دربه رجالٍ محنكه=اخوان نوره ماتبيّح سدودها
الله يمد اعمارهم والولاء لهم=وبيض الليالي ماتعلم بسودها
وربعي بني الحارث ليا قادوا الجهم=من ترج للطائف تحاشد وفودها
ليا زهمنا رئيس الجيش والحرس=نحط في كبد المعادي لهودها
يشهد لنا عبدالعزيز وفصائله=يوم الفتايل من مقادح زنودها
على الوعد باقين ماننقض الوعد=ومن عادة الأجواد توفي وعودها
هذا وصلى الله على سيد البشر=محمد محطم صنايم يهودها

ونعم والله يا أبو محمد
ويستاهلون ربعك بني الحارث
كل طيب وكل علم غانم
وصح لسانك ملايين

صح لسانك اخوي سطام الجياشي
ولاهنت

يامرحبا بك اخوي السلطان

وصح بدنك يالغالي

يامرحبا ياياسر الشدادي

وصح بدنك ومروركم شرف

صح لسانك أخوي سطام

والله يعطيك العافية

لاهنت على القصيدة

...

الشاعر القدير
سطام الجياشي
صح لسانك شاعر مميز لك بصمة خاصة
نتابع ما تطرح دائماً ونتمى لك التوفيق
تحياتي لك

الله يحييكم جميعاً بدون استثناء وصحت ابدانكم جميعاً وهذا اقل مانقدمه تجاه دولتنا

العزيزه وتجاه قبيلة بني الحارث العريقه

اخوكم ومحبكم سطام محمد الجياشي

صح لسانك
ياسطام
اقل مايقدمه الشاعر بالمقام الاول
هو تمجيد ربعه وعلومهم الطيبه
تقبل
مروري

صح لسانك وعلا شانك
يعطيك العافيةولاهنت