شجاع بن سالم .. فروسية وكرم وشعر

بسم الله الرحمن الرحيم

السلام عليكم ورحمة الله وبركاته..

أخواني الأعزاء نتحدث في موضوعنا هذا عن أحد فرسان قبيلة الشدادين وشاعر من شعراءهم المعدودين والمعروفين

هو الفارس الشاعر الكريم/ شجاع بن سالم بن حمدان البديواني الشدادي رحمه الله..

أشتهر شجاع بن سالم بالفروسية والشجاعة وله صولات وجولات في ميادين القتال وشارك في الكثير من المعارك التي حدثت في عصره, وكان رحمه الله من الرجال الكرماء حيث عرف بين قبائل الجزيرة العربية بالكرم وحسن الجوار, وكذلك كان شجاع بن سالم شاعراً جزلاً وقصائده يحفظها الكثير لجزالتها وما فيها من معاني سامية تدل على شجاعة وكرم قائلها, وله قصص كثيرة ومشهورة ويقول فيه الشاعر فدغوش بن جزا الشدادي:

خليت لي بوش ٍ من الحق واصغر = في ضف ابو سلمان حامي الدبيله
يا سعد اهل هجن ٍ من البعد ضمر = البن يحمس والشحم في شليله

وممن يذكر لنا من قصص شجاع بن سالم قصته مع جاره ذعار بن مسعود الشيباني, حيث كان شجاع بن سالم مقصد الضيوف وكان كريماً سخياً ويقال بأن جاره ذعار الشيباني نصحه بعدم التبذير في الكرم فرد عليه الشاعر شجاع بن سالم بهذه القصيدة التي تعتبر من عيون الشعر ومن القصائد المشهورة في الكرم, ويقول فيها:

يا ذعار انا قد لاح في وجهي الشيب = وانا على نطح الكرم والصعوبه
وان جوا يحثون النضا بالعراقيب = عقب التعب يبغون عندي مثوبه
عليّ اناطحهم بزين التراحيب = واجيب كبش ٍ وافيات ٍ عصوبه
ورزقي على اللي يعلم السر والغيب = منشي الخيال اللي تحدر نصوبه
وتلقى خبرنا مع كثير الاجانيب = وانا لربعي في الشدايد جلوبه
ولا اطيع هرج المجتهد والزواريب = وأليا كثر والله ما اطيعه بنوبه
ولو لا ان طرد المرجله عسر وصعيب = ما كان روس النايفات مهيوبه

ومن قصائد الفارس شجاع بن سالم هذه القصيدة التي تبين حبه لربعه وأشتياقه لرؤيتهم:

يا مل قلب ٍ لاع من بين الاضلاع = لاع الطريح اللي تواشل دميه
يا عد وين امعسّفت كل مطواع = امسوا جماعة والحسايف عليه
عهدي بهم تقنعوا شهب الارواع = والبوش يمشي والضعن في سويه
وين البيوت اللي عليها التشراع = مدهال للرجلي وراع المطيه
الله يقرب نزلكم يا ابو هزاع = ومجار يا حامي عقاب الونيه

وهذه من قصائد فارسنا شجاع بن سالم الشدادي:

يا راكب ٍ من عندنا ناسع الزور = عملية ٍ كن الجوادر كسرها
ما فوقها الا الكور والخرج منشور = عقب الحيال معدي ٍ في ظهرها
مثل الفريد أليا تحدر مع القور = هلت على القناص حقة نظرها
ومن الحسا تسرح على طلعت النور = والقابله عند الجماعة خبرها
رد السلام وخص لي كل منعور = ربع ٍ على نشر القبايل خطرها
وثن السلام وخص لي قايد الحور = الصاحب اللي صحبته ما دمرها
راعي نهيد ٍ في حشا الجوف مزبور = يشدي كواكب فضة ٍ في ثمرها
يفداه من مكة ليا راضت الصور = دار الحجاز اللي كثير ٍ وعرها
هرج ٍ تراه عن الرياجيل مقصور = مدنى عليه برها مع بحرها

وكذلك من قصائده الجزلة هذه القصيدة ويقول فيها:

يالجتي لجة مع الغبشة الذيب = جيعان ما ذاق الفرايس بنابه
جيعان حاديته كلاب الاجانيب = حدوه بالمنزل على راس لابه
على وليف ٍ ما دغر جيبه الصيب = ياكود خاطي مرة ٍ ما درابه
أمسيت مال الود عندي هناديب = وأصبحت عندي ريضات ٍ ركابه
هذي سوات أبليس بين الاصاحيب = يلعب بهم سوات لعب الربابه
تصبح ضعون البيض عقبه هراريب = كل ٍ تنصى دار حي ٍ ربابه
لطيف الحشا من سالمات العذاريب = يا زين مضبوب القدم وان مشابه
يا من حليه قايد ٍ للاشابيب = يرعى الحياء من حيث يمطر سحابه

وفي الختام لا نقول سوى رحم الله الفرسان الشجعان وأسكنهم فسيح جناته..

ماشاء الله تبارك الله
============
أحسنت ياابن مهرس ماتجي إلا بالطيب الصحيح والجزل المليح من علوم الرجال وسلوم الكرام
وعنهم دليل القصيد والكلام المفيد
===================
أبيض وجه ياطويل العمر عافاك الله
أنت والطيبن شرواك
ولايهون الباقين الأعضاء والمشرفين والضيوف الوفيين
================================
اسلم وسلم لي جميع الإخوان وأولهم السلطان
==========================
وفي مثل هذا الشيخ وأمثاله يحسن الكلام ويصح الاهتمام للناس الكرام
========================================
الله يرحم شجاع بن سالم وفدغوش بن جزاء وجارهم ذعار الشيباني والمسلمين أجمعين
وأن يغفر الله لنا ولهم ولكم وآبائنا وذرياتنا إلى يوم الدين آمين آمين آمين
=========================================
وجزاك الله خير ياابن مهرس

تسلم يبن مهرس على الموضوع الشيق والجميل والله يحفظك ويخليك انشالله ارجو ان تتقبل مروري المتواضع

قصه رائعه وابيات اروع تسلم يمينك يا ابن مهرس ولاهنت على ذلك 00

والله يرحمه رحمة واسعه ويرحم جميع اموات المسلمين 0

يا هلا والله بمؤرخنا ابن مهرس

والله يحييك من جديد بعد طول الغياب

حضرت فأسعدتا بهذه السيرة الطيبة للمرحوم

الفارس شجاع بن سالم بن حمدان عليه وعلى

أمواتنا وأموات المسلمين كل رحمة ولهم كل مغفرة

وفقك الله ورعاك وفي انتظار القادم فلا تتأخر

قصه رائعه وابيات اروع تسلم يمينك يا ابن مهرس ولاهنت على ذلك

الله يرحمه رحمة واسعه

ويسكنه فسيح جناته

لاهنت ياخوي

الله يرحمه ويوسـعه عليه

جزاك الله خيرا

مودتـي,,,

حياكم الله يالربع

والله لا يهينكم

[BLINK]أبن مـــــــــــــــــــهرس أنت فارس المنتدى [/BLINK]
أشكرك على هذة العلوم الجزيلة التي ترفع الرأس سواء في مايخص قبلتك أو حتى المواضيع
التي تواجهه بها من خارج القبيلة من القصص أو الشعر
ولك جزيل الشكر
وكل عام وأنت طيب