|
|||||||||||||||||
بوش والسلطان
اخوي السلطان اسف مرة اخرى بأني اختراقت جهازك الحاسوب وسحبت اللقاء ولكن مهنتي كصحفي تتطلب مني ذلك وايضا لابد ان يطلع عليها اعضاء ومراقبين منتدى الشدادين الرئيس الأمريكي يحل ضيفا على موقع الشدادين وانتم لاتعلمون ويقوم بعمل اللقاء مدير المنتديات السيد سلطان الشدادي تم القاء عبر الأقمار الصناعة من موقع الشدادين في مضارب قياء وأترككم مع اللقاء السلطان : مرحبا الساع يابوش وحياك الله في قناة الشدادين وعبر برنامج مقابلة خـــاصة وسؤال البداية هو ماهــو كيف ترى مستقبل الشرق الأوسط ؟ بوش : ثانكس مستر السلتان واشكر الشدادين على اللقاء بخصوص هذا السؤال أعتقد ان مستقبل الشرق الاوسط مظلم مالم تحل بكل بقعة الحرية وامريكا سوف تفرض علي الشرق الاوسط حرية كبيرة على عكس وضعكم الحالي . السلطان : يابوش من خلقنا الله وهاذي حياتنا والحمد الله ماشتكينا على احد تبي تعلمنا فية مثل يقول اللي مايعلمة عقلة ماتعلمة الناس ؟ بوش : اترك الامثـــال أنتم العرب تسيرون خلف الامثال والأبيات الشعرية وفي النهاية لم تطولوا عن بلح الشام ولا عنب اليمن يجب ان تتحرروا من هذه الامثال والابيات وتفكروا في حياة زاهرة ومستقبل واعد لأبنائكم . السلطان : يابوش الحرية اللي تبي تجي على ظهر الدبابة وجثث الوراعين الأبرياء ما نبيها الحرية تجي بالتفاهم بنشر الافكار الهادفة . بوش : الحرية هدف لنا ويجب أن نصل له وهذه الضحايا هي ضريبة الوصول للهدف وبعد الوصول ستكون المآسي شي من الماضي وينهي . السلطان : بوش اشوفك الايام هاذي متورجد والد الاسد يابن الحلال وش تبي في بن الحلال هذا ياخي هذا بن حلال دكتور عيون اتركوة لاتجيك دعوة عجوز سورية تهدم سنونك ؟ بوش: ألم يقتل الحريري يا السلتان وفي حكم العرب أن القاتل يقتل العين بالعين والسن بالسن . السلطان : الحريري هذا يومه ومن لم يمت بالسيف مات بغيرة وهذا قضاء وقدر بعدين ما عندك دليل تبي توهق الرجال بس وتمشي وتقطع ارزاق الماسكين شبابنا ما يستغنون عن سوريا دراسة وصدقات وخلافة فحرام نقطع ارزاقهم بوش : أي دراسة مستر السلتان اعرف اين يذهبون شاببكم ولن نقص مساكن برزا والشام واللي انت خابر (ههههههههههها) السلطان : مايخافك شي والله انك ولد ابوك لكن ياخي افتك من المشاكل ورب وراعينك مابقى في العمر كثر ماراح لاتنقد عليك الرياجيل بالمجالس . بوش: وش تنقد طوف بالله عليك يالسلتان ماذبحكم يالعرب الا المنقود لولا المنقود كان اصبحتم قادة العالم . السلطان : بوش وش رايك بالشعــــر في منطقة الخليج ؟ بوش : الحقيقة خدمنا الشعر الشعبي كثيرا في قضايانا لانه يخدر الشعوب ويجعلهم يعيشون في عالم ثاني مغيب عن الاحداث اشكر كل الشعراء والشعر . السلطان : الشعر خلق رجال يابوش وانت بيتين ماتقدر تكبتهم شف حروب الاولين وشاقالوا من القصيد اللي شجعت الرجال وحمستهم الشعر يابوش روح البدوي وذاته . بوش : أي حروب يالسلتان انت تتكلم بالوقت الضايع نحن دخلنا وملكنا العالم بالحرب تحركنا بعقل وفكر ولم نتحرك بعاطفة توقدها ابيات شعر وهلوسة لذلك حققنا الانتصار على العرب وغيرهم وملكنا العـــالم . السلطان : بكرة تجيك الصين تنهد عليك وتخليك شورما يابوش تصغر بعيون العالم انت وبلدك ؟ بوش : الصين نستطيع سحقها بخمس دقائق ونحول سورها لثعبان يلتهم سكانها السلطان : وش رايك بالقنوات الفضائية العربية بوش : هي قنوات تخدير تخدمنا نحن واسرائيل فهي قنوات رقص وعري وهذا يشغل العرب وشباب العرب عن القضايا المصيرية وامريكا تدعم هذه القنوات الرائعة والبيت الابيض يشكر الفنانة هيفاء وهبي على اشغال العرب كذلك الفنانة ماريا والفنانة زينب العسكري اشكرهم باسم امريكا وشعبها . السلطان : بوش هل ستقع في حب مونيكا ثانية وتقع في خطاء كلينتون ؟ بوش: كل رجل قلبة أخضر يالسلتان مونيكا جميله وكلينتون حبها بعقلة وقلبة وهذا خبال لابد للرجل ان يكون حذر ولايترك بصمات تدل على خرابيطة . السلطان : والله مانت بسهل يابوش الظاهر لوتزور السعوديه راح تقز بسوق أنت ووجهك بس ترى يقولون أن شكلك ماهو رمانسي والبنات مايحبن شكلك وجهك تقول دجاج ساديا ؟ بوش : الرجولة ماهي بالشكل يالسلتان الرجول بالفعل والزين للبنات ....ماهو للرجال ودجاج ساديا طيب ولذيذ ..(ههههههههههها) السلطان : كيف تنظرون لقياء ومشكلة الاراضي ؟ بوش : انتم ياالشدادين طرف في النزاع الحاصل ونحن نتابع حزبكم هناك فهو قوي ومتمكن وسوف يصل وهي مسألة وقت لا اكثر . السلطان : اهم شي يابوش ربعنا لاتعرضون لهم ولا نشوف جنودك هناك ترى ربعنا مايرحمون يابوش الموت الحمر . بوش : اعلم ذلك لن اخوض حرب معكم السلطان : طيب يابوش حدثنا عن طفولتك وعن الشعراء اللي تأثرت بهم بوش : طفولتي حلوة والشعراء اللي تاثرت فيهم رحمة ريكاردو فقصائده تحاكي الوجدان كذلك رحمة الشاعرة جينيفر خصوصا يوم كتبت المعلقة الرمانسية في ريتشارد واحب شاعر المحاورة الامريكي صاحب المواويل كارلوس خصوصا يوم يلتقي مع شعراء الروس كنت اذهب لحفلاتهم واستمتع بهـــا ولكن الان لم يعد هناك شعراء بل هواه حقيقة السلطان : الحال من بعضة عندنا وعندكم خير يابوش بس وش قصة المحاورة يابوش نفس اللي عندنا بوش : تختلف عنكم فنحن نقدم أدلة بالمحاورة أما انتم فتكذبون وتشتمون بدون دليل مجرد شعراء مهووسين ومصابون بعقدة النقص (واقول البعض وليس الكل ) السلطان : بن لادن والزرقاوي الله يرحمه والظواهري هل هم بعبع تخوفون به العالم واذا كانوا حقيقة لماذا لم يقبض عليهم حتى الأن ؟ بوش : اعفني من السؤال هذا يالسلتان السلطان : ولكنك تدعي ان امريكا ديمقراطية فلماذا تتهرب من السؤال بوش : اسرار البيت ماتطلع برى يالسلتان السلطان : أجل الذيب في البير ؟ بوش : تقدر تقول كذا ! السلطان : وش رايك بمواقع القبيلة بالنت ؟ بوش : هناك مواقع تخدم القبائل وهناك مواقع تسيء للقبائل وتشبة مواقع الارهاب وهي تدار من قبل اشباح من يريد خدمة قبيلته فليكتب باسم الحقيقي ويقدم معلومات طيبة ومفيدة ولكل مجتهد نصيب يالسلتان والله يوفقكم في موقع الشدادين السلطان : بوش كيف ترى الشدادين ؟ بوش : موقع الشدادين جميل ويقدم فكر وليس عاطفة تقدمون مواضيع تخدم الفكر وتبتعدون عن العاطفة نتمنى لكم التوفيق واشكركم على اللقاء واشكر كل العرب واتمنى انهم يقدرون وجهة نظرنا تجاه القضايا العربية . السلطان : هرجك كثير وقليلة ثمرته يابوش لكن نقول لك اترك العالم يعيش بسلام وجوز بنتك وولدك وربهم تربية طيبة وخلك من الرئاسة وعوار الراس ولا تقعد تلقف خلق الله وتحرش في الناس لايجيك معفي يخليك شورما عذرا اخواني المراقبين انا سمي السلطان فأمل منكم عدم لمس موضوعي ونقله الى قسم اخر
التعديل الأخير تم بواسطة السلطان12 ; 03 Jul 2006 الساعة 12:57 AM
|
03 Jul 2006, 02:37 AM | [ 2 ] | |||||||||||||||||||||||||||
هامة عتيبة
|
يـــــااي شـــو زريــف اللقــــاء يســـلم ايــدكــ خــيو عليــه
خــارج المــوضوع خــيو مــن صــاحــب التــوقيع المســروقــ؟ . |
|||||||||||||||||||||||||||
|
||||||||||||||||||||||||||||
03 Jul 2006, 04:29 AM | [ 3 ] | ||||||
|
لقاء وحوار شيق اخوي السلطان مشكور على السبق الصحفي،،،، |
||||||
|
|||||||
03 Jul 2006, 07:55 AM | [ 4 ] | |||||||
عضوة متميزة
|
اقولك انت تراك بتجيب العيد فينا .. والله ذكرتني بايام شبابي وخبطاتي الي ما عقلت منها الابعد كم ليله في التوقيف..
ذحين قول واحد زايد واحد اقول ... اثنين .. بدون لف ولا دوران |
|||||||
|
||||||||
03 Jul 2006, 06:41 PM | [ 5 ] | |||||||||||||||||||||||||||
|
سكون شو زريف المرور |
|||||||||||||||||||||||||||
03 Jul 2006, 09:54 PM | [ 6 ] | |||||||
عضو متميز
|
ماإنت بهين وش هذه اللقاءات من ورانا ماسحبت شي ثاني أخوي السلطان 12 ليتك سألته ماهي الدولة اللي جاية في الدور وماذا يعرف عن قيا شكله يعرف الكثير وكنت ناوي أنقل الموضوع لمزوح بس للسماوه حقها يعطيك العافيه أخوي السلطان12 |
|||||||
|
||||||||
04 Jul 2006, 12:05 AM | [ 7 ] | |||||||||||||||||||||||||||
|
لا يالمستحيله خليني ابتدي من منتدى الشدادين علشان اذكركم في الصحافه بكره واقول الفضل يرجع لكم بعدين واحد زايد واحد يساوي ثلاثه |
|||||||||||||||||||||||||||
04 Jul 2006, 02:26 AM | [ 8 ] | ||||||||
مؤسس شبكة الشدادين
|
جداً ممتع سميي السلطان الثاني عشر لقائي مع الزفت بوش كان فيه بعض الفوائد ومنها قضية القنوات الفضائية والهدف من ورائها ولا تنسى وقوفنا على مشكلة الأراضي وغيرها تقبل فائق شكري وتقديري لتغطيتك هذه المقابلة والتي كانت ضمن أسراري الخاصة |
||||||||
|
|||||||||
04 Jul 2006, 03:09 AM | [ 9 ] | ||||||||
عضو متميز
|
هههههههههههههههههههاي يسلمو يسلمو يسلم على هيكـ موضوع خيو |
||||||||
|
|||||||||
04 Jul 2006, 07:52 AM | [ 10 ] | ||||||||||||||||||||||||||
|
اخوي
السلطان12 هههههههههههههههههههه فعلا سبق صحفي مميز هذا هو السؤال المهم والاجابة الاهم
مشكووورياحضرة الصحفي تحياتي |
||||||||||||||||||||||||||