جمع الحطب ومعامـل الشاذليَّـة

انا يجاذبني علـى البـر ثنتيـن=جمع الحطب ومعامـل الشاذليَّـة
إليا حذفت الغمر من فوق غمرين=وشبيت نـاري والليالـي مديَّـه
وراكيت صفر ٍ فال شماتهن شين=فنجالهن ما سيق لاهـل الرديَّـه
وعلى سناها سقت كيف العريبين=اسوق فنجالـي لزبـن الونيَّـه
في خايع ٍ منوة طليق الحجاجيـن=ما دوجوه اهل الدبش والرعيَّّـه
ولا وطوه مجهجلين الوراعيـن=اللي لهم في صيدة الضـب نيَّـه
قفر ٍ خلا وسمه تقافى نهاريـن=سيِّل دعوبـه مزنـة ٍ عقربيَّـه
فيه ام سالـم تستلـذ التلاحيـن=طير الربيع يجـاوب الراعبيَّـه
بارض ٍ نوايع عشبها يبهج العين=مـدة كريـم ٍ وافـي ٍ بالعطيَّـه
مع رفقة ٍ ربع ٍ كـرام ٍ مياميـن=كـل ٍ يبـدِّي للكرامـه خـويَّـه
مع رفقة ٍ فيهم رجوح الموازيـن=في سلمهم ما فيه هـاذي وذيَّـه
ناخذ من علوم الرجـال النقييـن=اهـل العلـوم الطيبـات النقيَّـه
سوالف ٍ صارت لاهلها نياشيـن=راحو وجزلات السواليـف حيَّـه
ناخذ مدى صولاتهـم بالمياديـن=في سجِّة ٍ بين السمـي وسميِّـه
سجّة زمان ولذة العمر يا حسين=لا سقت رجلي بالديـار العذيَّـه

منقول

الله الله على ها لقصائد وعلى ها الاختيار

صح لسان الشاعر .. وصح ذوقك اخوي ...الياسر

اخترت فاحسنت الاختيار .. ونقلت فا ابدعت

يعطيك العافيه ولاهنت

ولك مني جزيل الشكر والتقدير والاحترام

الياسر مشكور على النقل تقبل مروري
تحياتي,,,

الله الله يالياسر

كالعاده مبدع في ذوقك واختياراتك

وليس الابداع بغريب عليك فانت دائماً

متالق صح لسان الشاعر وسلمت يمناك

على النقل دمت ودام إلابداع حليفك

كن هنا فنحن في إنتظارك

تقبل تحياتي الغربي

الياسر ذكرتنا بالسيل وزهور الربيع ...


طيب ولا تجيب الا كل طيب لا هنت يالقرم ...


ولا عدمناكـــــ...

مشكور اخوي الياسر

اختيار موفق صح لسان شاعرهااا

مودتي

هي حلاوة الكشتات جمع الحطب والشاذليه

أخي الياسر إختيار رائع وصح لسان قائلها

		المشاركة الأصلية بواسطة : فاقدة أبوها اقتباس
	الله الله على ها لقصائد وعلى ها الاختيار صح لسان الشاعر .. وصح ذوقك اخوي ...الياسر اخترت فاحسنت الاختيار .. ونقلت فا ابدعت يعطيك العافيه ولاهنت ولك مني جزيل الشكر والتقدير والاحترام

صح بدنك وهذا من ذوقك وكرم اخلاقك

دمتي متألقه بحضورك العطر وتواجدك المعطاء

		المشاركة الأصلية بواسطة : أبن مهرس 911 اقتباس
	الياسر مشكور على النقل تقبل مروري تحياتي,,,

العفو شكرآ لمرورك دمت بخير

		المشاركة الأصلية بواسطة : الغربي اقتباس
	الله الله يالياسر كالعاده مبدع في ذوقك واختياراتك وليس الابداع بغريب عليك فانت دائماً متالق صح لسان الشاعر وسلمت يمناك على النقل دمت ودام إلابداع حليفك كن هنا فنحن في إنتظارك تقبل تحياتي الغربي

الغربي اسرتني بكلماتك العذبه الداله على

ما تحمله من صفات المتألقين يا عملاق

الكلمه والادب الراقي

دمت بخير