فتنة عدو الدين

الملف الشخصي للكاتب · 11:06 AM

( قصيده وطنيه )
.

فتنة عدو الدين تعصف بالأوطان = نسأل من الله الـــعفو والسـلامه
مابين دورات الحوادث والأزمان =حسن وحزبه قــام فيهم قيامـــه
يبغى يصدر ماورد له من ايران = في ظل صحوة فكرنا واحتدامه
واثنا عشر مليون سني في طهران =بالقمع يخضِع روسهم للحجامه
ندري بهم ونناشد احقوق الانسان =تظهر على الطاغي وتسقط نظامه
فكوا ملفات القضايا على شان =تحرك العــالم ويدرسها اوبــامـــه
ولا يسير الجو شعله ودخان =مــاهمنا كيد الضعيف الهــلامـــه
قائد وطنا ياخذ الوضع بإحسان = واذا عصــاه الوضع حنا حزامـه
شعب الوطن كله على قلب ولسان =يــوفي لــكم يا سيدي بإلتزامـــــه
والجيش بُلغ من قيادات الأركان =ينوخ العــاصي ويوثق خطامـــه
والامن سادة هيبته كل ميدان =امن الوطن حقاً علينا احترامـــه
ماعاد نقبل غلطت افلان وفلان =من وجه التهمه نــــرد اتهــامــه
والله لنقمع كل طاغي وشيطان =مانترك الشيطان يبلغ مرامـــــه
يضحك على العالم شيابه وشبان =يجرد المحرم ويـــاخذ حرامــه
يناصر الحوثي ويعبث بلبنان = ويفرض على الي مايطيعه غرامه
في سوريا يجند اشكال والوان = والرافدين اضحت محـل اهتمـامـــــه
اقول له غلطان غلطان غلطان =منت بكــفو للهيمنــه والجهــامــــــــه
خل الجهامه عند ذربين الايمان = آل السعود الي على الراس هامـــــه
لا تحسب انك يا الغبي صقر حوران =طيراً غبي واغبى الطيور النعامـــه
ماتدري ان الحمل في ظهر سمحان =سمحان يهدر والحمل في سنامــــه
جنبه ولد نايف وشبله كحيلان =قاـدة ميادين الشـرف والكرامـــــه
تسلم لنا يا قايد العُرب سلمان = انت الزعيم المنفرد بالــزعامــــه
حزماً وعزم وصدق واخلاص وايمان =تواجه الطاغي بحزم وصرامــــه
العاصفه صبت على الخصم نيران =من هولها مايهــــتني في منامـــه
بعد الظلام الدامس الصبح لك بان = والجو صافي مابقى بـه غمامــــه
ماسار فالخوبه وفي حد نجران =مايلحق الجيش السعودي ملامــه
دكوا صقور الجو صعده ومران = من صبح حتى الليل يسدل ظلامه
الجو رعد وبرق والأرض بركان =يـــا الله دخيلك من حيـــاة الندامــه
وان كان ياعفاش بالحيل زعلان =فالصقر ينقر فوق راس الحمامــه
من قدر الجيره لقى خير جيران = ومــن لا يقـــدر مــانقدر مقامـــه
هذا وطنا شامخاً بين الاوطــان = بمجــادنا يفخر ويلبس وســـــامه
وختامها صلوا على نسل عدنان = شفيعنا يـــوم الحشر وازدحـــامه