ياجاهل الدنيا كفيت المعاثير

اقدم لكم هذه القصيده واتمنى ان تنال على اعجابكم

لاوالله الا راح وقت المساطير=وقت الرجال مدلهين الحزانا
وقت الرجال مزبنين المخاسير=وقت الرجال معربين المجانا
واليوم في وقتٍ يحير التفاكير=حتى الضعيف اليوم عنده لسانا
وقتٍ يصيدك بالحبل والشناكير=ماعاد نعرف قدمنا من ورانا
غريتني ياللي تقدم معاذير=ياسود قلبك مير حلو اللسانا
احسبك رجالٍ تقود المظاهير=واليا نخوك القوم لا ماتوانا
احسبك تسفط لي من الجود والخير=واثرك ملعونٍ عيانٍ بيانا
حسدك بقلبك مثل هكران والنير=تشيلهم مثل الجمال الهجانا
انصحك ياراكان خل المثابير=عليك باهل الطيب خل الهدانا
عليك باهل الطيب قومٍ مناعير=سقم الحرايب من قديم الزمانا
كلامهم كنه حليب المصاغير=كلامهم للضيف طيب وليانا
يفدونهم قوم الحلوق الدناقير=اللي حكاها للعرب ماهنانا
ياجاهل الدنيا كفيت المعاثير=كفيت من شر النفوس اللعانا
اهل القلوب السود والخبث لاغير=ماعاد باقي غير تشقر عصانا
انصحك عن رفقة قصير الاشابير=ماينفعك ولد الرخوم الجبانا
ترا النصايح تشترا بالدنانير=في وقتنا الاول ووقتٍ مضانا
واللي شراها مايعلم بها الغير=حتى يجيله عند ربعه مكانا
وصلاة ربي عد سحبٍ مزابير=على الرسول محمد اللي هدانا

اخوكم/سطام محمد ضيف الله الجياشي الحارثي

طيب ولد طيب ومن أصل طيب

وصح إلسانك يا سطام مدد بلا عدد

وبيض الله وجهك

قصائدك تعجبني كثير ,,

قصيدة رووووووعة

صح لسانك ياسطام

لاهنت

صح لسانك وبيّض الله وجهك
يا سطام الجياشي
قصيدة من الوزن الثقيل
اشتملت على كثير من الصور
الجمالية الجزلة , ليس غريب
عليك الطيب والجزالة فأنتم من أهلها
دمت بخير ,,,

صح لسانك
وبيض الله وجهك اخوي سطام

صح لسانك في قمه الروعــــه والله يعطيك العافيه

بيض الله وجهك يا أبو محمد

وصح لسانك على القصيدة الجزلة

حياك الله يا أبو محمد
ولا هنت يا شاعرنا الكبير
مبدع ومتميز كالعادة
وفقك الله

قصيدة رووووووعة

صح لسانك ياسطام

لاهنت

صح لسانك قصيدة جزلة

الله يعطيك العافية