اقرب جاي يالبرينيسي

هلا مرحبا في منتدى الاد شداد= رجال الظفر والعز فاول وتالي
واقول لك خلك حذر والحبل منقاد= عسا الدلو مايضرب على كل جالي

هلا هلا والله يا أبو زياد

دق على جوال البرينيسي وخله يحضر حالاً

والليلة الليلة نباها على سمن وسمين والله يحييك يا أبو زياد

ويحيي ولد العم الثاني البرينيسي

يدوم البقا ياسهم والسهم قصاد= بحلة هل الناموس وأهل المعالي
تقوله وصاحبكم ورد كل ميراد = ولا يشرب ألا من القراح الزلالي

وألا يالبرينيسي ترى بابعد الماد=عسى الله يعينك فالليال التوالي
وانا بأنشدك ويش أنت من ضمن ألأشهاد= يقولون ماعندك بطاقة حوالي

مشكور على مرورك يالسلطان
وازهله عندي هالبرينيسي

جوّد الرجال يا سهم القصيد

أنا أعرفك وهو أنكرني ما يعرفني

عشان كذا أنا في صف يا ولد عمي

وأنا مستعد ولو تبى تروح بغداد= ومتني يبا يدحم متون الرجالي
أنا ياسهم مسلم ومن ضمن الأجواد= وبطاقاتنا في البوك جنب الريالي

ولكن عليك اليوم كثرن الانشاد= عليك العرب شالت حمول الجمالي
يارجال ماينفعك كثر التلداد= وش اسمك وش اصلك ياكريم السبالي

يا سهم القصيد احذر يجي بيننا أحقاد= ولا تستمع في أهل الفتن والظلالي
أنا في نهار الوعد واقف بمرصاد = أنا كعام خصمي مورده للهوالي

انا ماني لبعض السواليف مقواد=سألتك واحسب انك تجيب السوالي
ماادامت كذيا روح ياقرم الاولاد=مبى منك مر ولا نبى منك حالي