سور برلين وبرج إيفل

اخواني واخواتي
مشرفين واعضاء وضيوف منتديات الشدادين
اليكم هذه القصيده من الشاعر/
كريم بن سعود الميموني المطيري
وردي عليه عسى ان يلقا
قبول في ذوائقكم الرفيعه


حيث يقول الشاعر/كريم

قابلتها ياحسين في يوم الاثنين=وفي وجهها شفت الحزن والكآبه
قلت اوقفي يابنت من وين لاوين=ابسألك باللي علينا سحابه
اسألك انا بالله ياكامل الزين=وش غير البسمه وذيك الرحابه
قالت زمانٍ يخلط الشين بالزين=والوقت هذا ماحسبنا حسابه
واقفى ودمعه ماليٍ وجنة العين=يصفق بكف بكف من حر مابه
كانت معي دايم على العسر واللين=واليوم جاء فيها عليّ انقلابه
الوقت خلاها سوات إم... =عقب الموده والوفا والمهابه
تغيرت دنياه من زينٍ إل شين=وتغيرت حتى ملامح شبابه
ياحسين انا لولالك ماقلت ياحسين=حيث عزيز ومن رجالٍ ذيابه
يامرحبا مااذن وصلى مصلين=وطاف محرم بالحرم وإستعابه
بخطاب جا من شاعره عقب شهرين=من يوم خبرنا بطبعة خطابه
يابو سعود الخط ماله عناوين=مجهول مدري كيف جتبه ركابه
خليتني في حيره الف يومين=مدري طلبك المال والا الحرابه
والا تبي جاهي لكن جاهي إل مين=مادام راحة بين ضرسٍ ونابه
والا تبيها سلم إل سور برلين=والا لبرج إيفل مع من رقابه
إبشر وانا بو بندر حسين هالحين=فزعة شبابي وانت تعرف شبابه
خل المقفي من يحب المقفين=يكوى بميسم ما يداوى صوابه
يبقى ألمه ايام وشهور وسنين=بين الضلوع العوج صاطي عذابه
دور على اللي ماتعرف المحبين=مصيونةٍ مابين ربع وقرابه
متعلمه ومثقفه دنياً ودين=تعرف حقوق الله وتقرأ كتابه
مولعها من صغرها بالحرمين=والمسجد ااقصى تمنى الصلابه
مطيعة الله والبشر طاعة اثنين=وهني ثالث ساقها الله لبابه
هذي لها يُدفع إلوف وملايين=ويُطلب لها جاهٍ ومال ومجابه
من غيرها ماني محرر فلسطين=لوكان فيه القدس عاثت كلابه

يا حسين ابو سعود يشتكي لك من هواه وجوره

وده بس يخفف عن نفسه من عنا البعد والفراق

وما نصى إلا أخو ورفيق

لو ما يغليك ما شكى لك همه وحزنه

والله إنه صدق يوم قال :

واقفى ودمعه ماليٍ وجنـة العيـن=يصفق بكف بكف مـن حـر مابـه
كانت معي دايم على العسر والليـن=واليوم جاء فيهـا علـيّ انقلابـه

ودي إنك تقول له في قصيدة ثانية

من تخلى عنك خله وغيرها من بنات حواء كثيرات

وحتى لو كانت غالية على قلبك ... أكيد بتلقى أغلى منها

اللي بتقف معك وما تتركك مهما حصل

مشكور وفقك الله ومشاركة من شاعر كبير نعتز بوجوده بيننا

بيض الله وجهك ياحسين

وبيض الله وجه سعود

والله ماقصرت انت وياه

اسجل اعجابي الشديد

سهير الليل

مشكور وصح لسانك ولسان الشاعر كريم المطيري
على المساجله الرائعه وتقبل تحياتي ،،،،،،،

السلطان

هلا وغلا فيك

والله اني ادري انه يشكي من حرمابه ولاجهلت الشي هذا وهذا{بلا بوك ياعقاب}

ولكن لاتنسى انها تركته بالمره وراحت لشخص غير والحل في هذا الوقت تركها لوكانت غاليه

وهذا الشي هو اللي قلته له وانا صادق حين ماقلت

خل المقفي مـن يحـب المقفيـن
........................يكوى بميسم مـا يـداوى صوابـه

يبقى ألمه ايـام وشهـور وسنيـن
..........................بين الضلوع العوج صاطي عذابـه

ونحصته بان يدور غيرها من البنات الدينات المثقفات الكريمات خلق وادب

حين قلت له


دور على اللي ماتعـرف المحبيـن
.......................مصيونـةٍ مابيـن ربـع وقرابـه
متعلمـه ومثقفـه دنيـاً وديــن
......................تعرف حقـوق الله وتقـرأ كتابـه
مولعها مـن صغرهـا بالحرميـن
....................والمسجد ااقصى تمنـى الصلابـه
مطيعة الله والبشـر طاعـة اثنيـن
.....................وهنـي ثالـث ساقهـا الله لبابـه
هذي لها يُدفـع إلـوف وملاييـن
..................ويُطلب لها جـاهٍ ومـال ومجابـه
من غيرها ماني محـرر فلسطيـن
.................لوكان فيه القـدس عاثـت كلابـه

للجميع شكري وتقديري

اخوكم

عبدالله الشدادي

صح بدنك ولاهنت

تقبل تحياتي وصل اعجابك

اخوك

ضاوي العبيدي

صح بدنك

وحياك الله


تقبل فائق شكري وتقديري



اخوك