ممدوح مغير الحديد بيدينه

السلام عليكم ورحمة الله وبركاته


قصيدة العيد


للشاعر المقيد ممدوح بن عبدالله المرزووقي

الله يفك اسره

كلِّن يعايد بـاول العيـد غاليـه = وعيدي من الفرقا الدموع الثمينـه
احدن يعايد بين ربعـه واهاليـه = واحدن يعايد بالسجون الحصينـه
عيدن عسى ربي يزيّن مساعيـه = لو انها في داخل السجـن شينـه
عيدن بدون الوالـدة مالنـا فيـه= لو زانت ايامه فـلا هيـب زينـه
العيد والله شوفة امـي وطاريـه = وتقبيلـة إيديهـا بذِّلـن وليـنـه
يامن يعايد لي عليهـا واجازيـه= فـي دعوتـن لله بينـي وبينـه
يقول يالقلـب الرحـوم ومعانيـه = يامهجة الممـدوح يانـور عينـه
عيدن عليك يعود باحلـى لياليـه = وعيدن عليك يعود بامن وسكينـه
ياعيد قلبي ونـوره اللـي مقديـه = يالهفة اشواقـه وزفـرة حنينـه
يامنبع العطف الصدوق ومجاريه = ياذا الحنان اللـي يتدفـق بحينـه
ياجنتي وبستـان قلبـي وواليـه = ياريحة الفردوس الأعلى وطينـه
ياعزي السامي وهيبـة معاليـه = ياروح روحي والخفوق وضنينـه
يامكسبي ياراس مالـي وصافيـه = ياغيث قلبـي ياعطـاه وعوينـه
يامْ الجَنَان اللي تزاحـم حسانيـه = ياقمـة الحـب المخلّـد بعيـنـه
ياقـرْة فـوادي وغايـة مرابيـه = العبد مكتوب القـدر فـي جبينـه
العذر ياسلطـان قلبـي وحاميـه = ممدوح ماغيـر الحديـد بيدينـه
بين الشبوك اعايد الدمع واخفيـه = ياعيد عيـد الغلغلـة والضغينـه
العيد عنـدي سامياتـن معانيـه = لكنها بالسجـن ضيـم وضغينـه
العيد لو هو عيـد مـاالله محلّيـه = إليا ابعد المخلوق عـن والدينـه
والله يالولا واحـدٍ فـوق نرجيـــه = ماصبر على فرقا الحنون الرزينه
يوم اذكر امي نور داري وراعيه = ابكي وانا كبدي مـن الله متينـه
قلبي ثلاث سنين والبعـد طاويــــه = ماشفتها والعيـد وينـي ووينـه
عيدن يزوّد هـم قلبـي ويدميـــــه= يصبح ويمسي عبرته في وتينـه
ياعيد قلبي نار الاشـواق تكويــــه = وانته تنقّـض بالجـروح الدفينـه
نقضت جرحن بين الاضلاع كاميه = وابكيت عينن من جداها حزينـه
ذكّرتني ياعيـــــد ماكنـت ناسيـه = وخليتني لجـروح قلبـي رهينـه
جرحن جرحته واجب إنك تداويه = لايصبح الموت المصفّـى خدينـه
يوم آتذكّر طول عمري وماضيـه = خطرن على قلبـي يبيّـح كنينـه
يتـــــــوق قلبـي لاتذكّـر مغانيـه = فالبر والاّ فـي ربـوع المدينـه
عمرٍ مضى بين الرجال المداليـه = الله يعوض ماغـدا مـن سنينـه
ويالله ياللي دبـرة الخلـق بيديـه = ترفع لنا بأمرك شـراع السفينة

صح السااانك ملايين

وبيض الله وجهك

والله يفرج عنك

صح لسان الشاعر

وبارك الله في اختيارك لهذه القصيده

..

كـلِّــن يـعـايـد بـــاول الـعـيـد غـالـيــه
وعيدي مـن الفرقـا الدمـوع الثمينـه
احــدن يعـايـد بـيـن ربـعــه واهـالـيـه
واحـدن يعايـد بالسجـون الحصينـه
عيـدن عسـى ربـي يزيّـن مساعـيـه
لـو انهـا فـي داخـل السجـن شيـنـه
عـيـدن بـــدون الـوالــدة مـالـنـا فـيــه
لــو زانــت ايـامـه فــلا هـيــب زيـنــه
الـعـيـد والله شـوفــة امـــي وطــاريــه
وتـقـبـيـلـة إيـديــهــا بــذِّلـــن ولــيــنــه
.................................................. ....

لو سلم من لسانه ماكان حاله كذا

صح لسانه ملاين والله يفرج عنه ويعجل بفك آسره

لآهنت يابوشنب

نسأل الله أن يفك أسره
ويعجل بفرجه عليه
وألف شكر لك يا أبو عبيد

الله يفك أسره شاعر الثقلين قصيدتة حزينة جداً
وإن شاء الله نسمع خبر إنفكاكة آمين ,.

شكراً لك يا صعوط ,.

..

صح لسانه والله يفكـ اسره
ويعطيكـ العافيه يا صعوط المجانين
على الانتقاء
لا هنت

لاهنت ياصعوط عالأختيار الرائع

......................

مشكورين على المرووور


ولآهنتوو

.................................................. ......................................ز

قصِيدة رائِعة ..



شُكرا لكْ ..