مرقّص النملة

مملكه تفيض بأجمل ماكتب شاعرنا ...
وإلئ الآمام بإذن الله ..
متابعين بشوق ..

		المشاركة الأصلية بواسطة : الشاعرة العنيدة اقتباس
	مملكه تفيض بأجمل ماكتب شاعرنا ... وإلئ الآمام بإذن الله .. متابعين بشوق ..

حي الصفا ، حي النقا ، والمصابيح
حي الله القاف المروّض خزامي ..!

الداردارِك والمداوي نوافيح
والقوس تبريها يمين الهمامي

ماصاب ما اخطا من سهومي ذحاذيح
وانا وميض الشعر غاية مرامي .!!!
،

حياكِ ربي ومتابعتُكِ تعني لي الشعر كله .
مراحب .

ماهمني من باع والا من شرى
الهم همي في تقوقع همتي

شمسي دواماً مشرقه فوق الكرى
واهل الكلام ازروا معانق ذمتي

مديتها يوم انت مامديتها
والظاهر ان ماطاب لي ماطاب لك

وان قلتها في وقتها في بيتها ..!
جرب لعل تكون لي وآكون لك

هات الخيله ، هات الضبعه
كلك غالي، ذوقك فاتن

انت الثامن ، وانا التسعه
وفوق التسعه ، حظي ضامن

هيئت لك كرسي على شرفة العرش
مصكوك من صافِ الذهب ياحياتي

واضحى على خامه خيوط المعشعش
عناكب الماضي برمز المماتي

دار الفلك ياناس والفكر دوار
واخرج من الوجدان زفرات شاعر

ياعابثين بحال فارس ومغوار
لاتحسبون ان المراجل مظاهر

الدين واحد وأكثر الناس فجار
وانا على الإسلام عايش مثابر

بعض البشر ربي بلاه بتنكار
والذات بالجوهر وطيب المخابر

واللي لسانه ساق رسله على نار
يستقبل الويلات يوم المحاشر

لاتعتقد ذم المناعير مذخار
لا . لا . وكلا ياوسيع الحناجر

حنا لها لادندنت وانت ، بيطار
للي دواعجها تبل المحاجر

،

نفس البحر نفس السهر طبع الأثنين = من مدرج الكلمه وتدوين الاخبار
تقلع بها الميراج مدري على وين = غايه مجيده والله اعلم بالاقدار
الشاهد ان الحب فض الشرايين = واضحن بنات الفكر تقصر بالاعمار
ياسائلي عن شعرنا في الدواوين = جزى العناد عناد والنار بالنار
لاتحسبون اني هوين ومسكين = لا والله الا قرم وادري بالاسرار
نومك همومك والمدامع على العين = والكيل بالمكيال وزنه وقنطار
مندوبكم جاني على الخير والشين = وكل شي عندي بحسبه ومعيار
كلن على مبداه بكره وبعدين = وملهي الرعيان كم جا وكم طار

يانملتي صبرا فنا اليوم مشغول
والشاهد الله لِك في القلب نبراس

مير الضروف اتغير الحال وتحول
وتجيب كم تخمه ويدوي بها الراس
ـــــــــــــــــــــــــــــــــــ
نملتي الموقرة - المعطرة والمؤسكرة
السلام عليكم ورحمة الله وبركاته

أ- إشارة الى ماليس له إشارة في خطابكم رقم وتاريخ في مهب الريح
المتصمن مالم يتضمن مضمون ، وحيث ورد من ضمن فقراته مايلي:
01 شعر بلامبنى ولامعنى .
02 أقوال بلا أفعال .
03 تسالي وعقل أجوف وبطن خالي .
04 إمعاوية تحت مضلة ضعف الايمان .
ب- نفيدكم باننا نحن المرقّص ، قد نغيب عنكم بعض الاسابيع وربما الشهور
بسبب اننا مشغولون بمراجعات شخصية (تخص الوالدة ) تبدأ من جده مروراً ب.......
وتنتهي بالرياض وربما لتبوك خطوه .
وآه يالرياض مقربك مني ومقربني منك ..!
ج- عليه جرى إشعاركم واحاطتكم ، وانه يمنع الخبط والتخبط أثناء غيابنا
وعدم جعل شخصكم (صورة للمتحدث) فاقضبوا الدور واطفئوا النور .
وادعوا للوردتين النقيتين ، بالتوفيق . والسلام عليكم .

اللواء / الركن طيار


مرقّص بن مرقاص مرقًص محبي المراقص
قائد قوات النمل المتهالة وأشياء أخرى

نسخة الى :
: مملكة مرقّص النملة .
: ملف النملة .

ادعوا لي بالتوفيق جزاكم الله خير ,