|
|||||||||||||||||
قصيده موجهه لسعود بن سليمان
أسعد الله صبااااااحكم الشاعر الكبير سعود سليمان اسمح لي هذي حوالي خمسين بيت ما خلصت منها الا انا منتهي ههههههههههه امل ان تقبلهاااااااااا وتروق لك ولمسامع الاعضاء . . . .
البارحة بعد أظلم الليل الاسمر=ونصف الخلايق هاجع في سريره
اهجوس فكري داهمتني على غر = تدرج علي درج الرحى المستديره صدرا تداحم به محانيه واحتر= ياكن شبة داخل الجوف نيره وعين تقول الملح في جوفها ذر =وقلب تقول بداخله قمطريره أقوم وأقعد وانزعج واتصبر= وأقول يمكن فاخر الصبر خيره كنينة العاشق مع الوقت تظهر = وينسلّ حاله قبل يلقا مصيره مر يجي فرحان ومر يتكدر= مشغول باله في هجوس وحيره ما يهتني نومه وقدامه يمر = طيف تعلق به وعلق نظيره هذا الهوى من خلقت الناس يذكر =ناس تغنووا به وناس فقيره كم روس قوم فيهم الطيب يخبر = يجرهم جر السلوك الحريره وش صار في قيس الملوح وعنتر؟ =وصوايده ما عاد فيها بصيره هذا الهوى اللي فيه خير وبه شر =وكم واحد ماشاف شره وخيره ما جربه من لا بسلم الهوى قر = بينه وبين الحب خلا ستيره على سلوم اهل المحبة تكبر = ما فز قلبه لجل شوق وسميره والامن اشغله الزمان وتعزر= دوبه ودوب هموم وقت كثيره يالله تفرج عنه همه ويستر= وتحماه من جور الليالي المغيره والا هبيلا طول عمره مفدر = فطيس قلب ما تحرك ظميره في كل يوم قوت بطنه موجر = واليا رقد ما تسمع الا شخيره واليا صحا ثرمت بهرجه وثرثر = وان جا يحب شلون يلقا خشيره كن الهوى مثل السحاب المزبر =وكن الزمن ريحا يروع صريره اما على عرش المحاني تنثّر = والا تهبّ وينجدل في مسيره يا راكبا جيب على البال يخطر = جيبا تفنن في وصوفه خبيره توه جديد من الوكاله منمر = فيه الرفاهه والصلابه بقيره الي يخلي فزته يم عرعر = من وسط جده ياعميلي قصيره اشوف كل الناس حوله تجمهر = وسط الوكاله كن مافيه غيره غطا على الشاصات والجمس الاحمر = الي بها يفخر شباب الجزيره اليا مشى كنة يجر الوطا جر = يقصر مسافات الطريق العسيره ياراكبه وصل كتاب مسطر = بيحت فيه الخافيه والستيره لسعود شيخ القاف والحـر الاشقـر = وحذرا تعد بالرساله لغيره من روس قوما بالمقامات تشهر = طلق الوجيه معيبين الكسيره رجالهم من شبته لين يكبر = الطيب دربه والليالي بعيره سلم عليه وعن مجيي تعذر = وعطه الرساله من هجوس غزيره لو طاوعت نفسي حبيس الحشا فر= واصبحت في ديره وقلبي بديره ما عاد ينفع لو قرى شيخ الازهر = وما عاد ينفع فيه حتى الجبيره ولا يفتهم بدواه حتى معمر = الي هروجه والدوادي ثريره اشغل جموع الناس بكتابا اخضر = اللي ماتسوى قيمته نصف ليره لاشفته وحوله حراسه تمخطر =ذكره انا قصه جحا مع حميره واقول يامعمر ورى ما تعذر ؟؟= ترى عواقب ما تقوله خطيره ياسعود حالي للاجاويد ماسر = ذاق الرهاوي ياسعود المريره القلب احاول فيه ويزرني زر = لا لا تطولها تراها قصيره يلعب بحالي والحشا ويتومر = كنه يقول الجوف ملكي واديره ان قلت وش بك ماترسى على بر =اعلن علي الحرب ثم دق زيره قال العيون وشوفها جرني جر = وشلون ابلقا من بعدها عشيره كله سبايب من بقلبي تسمر = حبه لجا فالقلب واصبح مديره الخد لون الماس وشفاه مرمر = وما يحتمل ياسعود شمس الظهيره شعرا طويل وطعم ريقا مخمر =تسكرولو ما ذقت وسكي وبيره جمال جسم وحسن رسم ومظهر = والورد واليشموم نفحة عبيره ياسعود حالي والهواجيس تفتر = مدري ملكت القلب والا أسيره ؟؟!! وش رايكم ياسعود فالحض الاقشـر = قلبا يشاغلني وعينا سهيره اشاور الطيب على الخير والشر =والا الردي يحرم علي استشيره
التعديل الأخير تم بواسطة سعود سليمان الحارثي ; 14 Mar 2008 الساعة 11:48 PM
|
11 Sep 2006, 01:02 AM | [ 2 ] | ||||||||
شاعر
|
لاهنت يالرهاوي على هذة القصيدة الجزلة |
||||||||
|
|||||||||
11 Sep 2006, 01:03 AM | [ 3 ] | ||||||||
عضو متميز
|
هه هه هه تنهيده ترى مهي ضحكه يالرهاوي من التعب هذا وانا اقرا كيف عاد اللي كتبها على الكيبورد والا النظم مايكود عليك يالنشمي يكفيها تميز تماسكها طول هالمسافه ابداع والله يالرهاوي وانت قده تحياتي |
||||||||
|
|||||||||
11 Sep 2006, 01:07 AM | [ 4 ] | ||||||||
عضو متميز
|
صح لسانك يالرهاوي ولا هنت على القصيدهـ يالنشمي |
||||||||
|
|||||||||
11 Sep 2006, 02:21 AM | [ 5 ] | ||||||||
عضو متميز
|
سعود بن سلمان >>>> سعود بن سليمان صح لسانك يا الرهاوي وقصيده فيها الكثير والكثير من الإبداع سلم راسك على هالجزله تحياتي لك |
||||||||
|
|||||||||
11 Sep 2006, 06:55 AM | [ 6 ] | |||||||
|
حياك الله يالرهاوي...وصح لسانك.. قصيدة لايكتبها الا رهاوي..حروفه راهيه ..وفكره راهي.. عدل 'أبن سلمان' إلى 'أبن سليمان' والله يقدرني على ربع أبياتك..بعد ربع قرن طبعا |
|||||||
|
||||||||
11 Sep 2006, 08:08 AM | [ 7 ] | ||||||||
بنت البادية
|
صح لسانكـ وسلم فكركـ ،، قصيدهـ مميزه من شاعر مميز ،، تسلمـ يمناكـ ولا عدمناكـ ،، |
||||||||
|
|||||||||
11 Sep 2006, 09:10 AM | [ 8 ] | ||||||||
مؤسس شبكة الشدادين
|
ودي أون وأنوح وأجر الصوت بعد ما أحب أقرأ القصائد الطوال .... لكن والله قريتها لأنها للرهاوي وما هي مجاملة .... لا والله ولكن لعلمي مسبقاً أنني سأستمتع بها . ونة وحرة وألم وشوق وبعد وقلب خضر ما أجمل العشق وما أروع ما يكتب من أجله ...!!! نصيت أبو طارق وشكيت له ..... ونعم من شكيت له يالرهاوي بيض الله وجهك وبلغك أملك وصح لسانك يا شاعرنا |
||||||||
|
|||||||||
11 Sep 2006, 06:47 PM | [ 9 ] | |||||||||||||||||||||||||||
نائب المشرف العام
|
الله الله صح لسانك اخوي على القصيده الرااااااااااائعه والله يعينك على السهر ههههههههههههه في انتظار رد سعود |
|||||||||||||||||||||||||||
|
||||||||||||||||||||||||||||
11 Sep 2006, 07:41 PM | [ 10 ] | |||||||
عضو متألق
|
مبدع مبدع يالرهاوي وصح لسانك |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
من هاجوس لسعود سليمان | هاجوس | بحور القوافي | 12 | 19 Feb 2007 11:50 AM |
(قصدي زواجها )موجهه لسعود سليمان | جزاء دهيس | بحور القوافي | 18 | 31 Dec 2006 10:46 PM |
قصيدة موجهه إلى سعود بن سليمان | ابن جربان | بحور القوافي | 20 | 14 Dec 2006 01:45 AM |
الحب لسعود سليمان | هاجوس | بحور القوافي | 11 | 26 Aug 2006 07:48 PM |
لسعود سليمان | جزاء دهيس | بحور القوافي | 11 | 19 Aug 2006 11:46 AM |
أدوات الموضوع | |
|