وش لـونكـم يا عـرب....؟!!

الحمد لله على السلامة يابدوي وصح لسانك ولا هانوا الإخوان بجد أبدعتوا

		المشاركة الأصلية بواسطة : عبدالله الشدادي اقتباس
	صح لساانك ولاهنت يابدوي فااااااااااااهم

صح بدنك يا بوعابد

سلمت

		المشاركة الأصلية بواسطة : الرهاوي اقتباس
	عليكم السلالام .... هلالالالالا وغلالالالالالالالا بمشرفنا وعمنا والحمد لله على السلامه افتقدناااك يالغاااالي وابشرك بخير ونعمه ومشتاقين لعلومك واسمح لي واسمحوا لي ياشباب وكلها مزووووووووووح المعذرررررر ه ياشباب واقدم اسفي واعتذاري مسبقا والله يحييكم مع مشرفنا وعمنا بدوي على العشاااء اهلا هلا وبدوي لوغاب ما غابي = فالقلب اله منزلا ما يختلف لونه ان كان تنشد عن اصحابك والاقرابي= هذا الرهاوي يجيب العلم ويصونه زعيم ...جرحه من اهل الحب ما طابي= مجنون حبّ... وعرف له بنت مجنونه وابودهيس ترقّــّى وانت منصابي = اخذ محلك وعنّا غيّروا لونه من بعدها يابدوي شفناه مرتابي= ينفخ علينا وقامت تكبر متونه الله لنا ياجزا.. نسيت الاعرابي؟؟ = وش لون لو حطك السلطان من دون؟؟!! وهاجوس جتني علومه عوّد ارهابي= وحمود يبغى يبلغ عنه وش لونه؟؟؟!! محدود للجايزه مليون بحسابي= صالح شكاه ويبيه يسدد ديونه!! وابن سليمان مشغولا بقلابي!!= من خمسة ايام ماسك في دركسونه!! فرحان ابه... ماتقول ان الرجل شابي = قبل شهر شايفه يدرج على شونه الاّ العشاء عندى اقلط يا بن الاحبابي = على الشحم واللحم والجبن والتونه

ابقه ......

هلا والله بالرهاوي وعلى فمك الشحم يا ذيبان

ردك رايق بالحييل يالرهاوي مثل ما توقعتك ...... عساني ما ابتسيك والله

		المشاركة الأصلية بواسطة : نواف الشدّادي اقتباس
	عان الرهاوي سبقني للخبر جابي = لكن جاب الخبر بافكار ملعونه الظاهر انه يجي في حكم مغتابي = محدن سلم منه قام يحدحد سنونه هلالالالالالالالالالالالا يابدوي فاهم حياك الله وطالع من الشر <<بغينا نرد بس سبقنا الرهاوي وعطانها هالبيتين والله يفكنا من شره وصح لسانك يابدوي ويالرهاوي

يا هلا يا نواف .....

وصح لسانك والله والقليل منكم كثير ياولد عمي ... وانت ما عليك خوف من الرهاوي خصوصا بعد المقطع اللي سمعناه وانت الحين الواسطه حقتي عند الرهاوي ههههههههه .

سلمت يا نواف سلمت

		المشاركة الأصلية بواسطة : سيف الشدادين اقتباس
	الحمد لله على سلامتكـ أخوي بدوي فـاهم . . . صح لسانك يا شاعرنا ومشرفنا الرآئع . . . ولا هنت على القصيدهـ يالغالي

يسلم راسك يا سيف


وصح بدنك

		المشاركة الأصلية بواسطة : صويب الوله اقتباس
	هلالالالالالا وغلالالالالالا الحمد لله على سلامتك واجر وعافيه ان شاء الله تستاهل الشحم والعلم الغانم صح لسااانك ولا انسى اخوي الرهاوي ما قصر وبعد اخوي نواف والشهر مبارك للجميع

يا مال الغناه يا صويب

والله يبارك فيك يا الغالي .. سلمت ولا هنت

		المشاركة الأصلية بواسطة : صالح بن هميجان اقتباس
	السلام عليكم ورحمة الله وبركاته الحمد لله على السلامه اخوي بدوي فاهم وان شاء الله ماتشوف شر وتقبلو من اخوكم الشاعر : صالح هميجان هذى المشاركه وتقبلوها بصدر الرحب لكم تحياتي يامرحبا يابدوي تو السمر طابــــــــي = تو القصيد بجنابك زانت لحونـــــــــه وان كان نشدتك عن ربعك والا قرابي = متابعين لـ غشمشم هو وطاعونــــــه وامـا الرهاوي يطيح بكل منسابــــــي = يحتاج له يابدوي ناس يقدّونـــــــــــه وزعيم ظنه على محبوبته خابــــــــي = محبوبته ماتبي رنة تلفونـــــــــــــــه وابو دهيس شرى له بقس عنابــــــي = شافوه ناس وهو يدفع بعربونـــــــــه وهاجوس عود يكد اليوم ركابـــــــــي = ابوك دنين على الاجواد ملعونـــــــــه وحمود في برحة القزاز منصابـــــــي = كله سبايب هنوف(ن) حيل مزيونــه وسعود شافوه يتمشى بدبابــــــــــــي = يبي يرد الشباب ولا تلومونـــــــــــــه والا العشى عندي ابشر به يالاعرابي = مفطح (ن) وان حلفت نجيب مكرونه

هههههههههه اما صاحب البقس العنابي ههههه الله يكفينا شره انا ودي اعرف وش يبي في البقس .

سلمت يا صالح وصح لسانك ..... عساني ما عدم حسك .

		المشاركة الأصلية بواسطة : الرهاوي اقتباس
	صالح ههههههههههههههههه هلا وغلا فيك والله انك رهيييييب والله لو اني سعود سليمان ابو حجّون يالله حسن الخاتمه هههههههههه ابو سليمان تراي اموووون عليك لا تاخذ في خاطرك صالح استلم وصالح يدوّر على الشهره والاعجابي = وهو البطل في مسلسل جاك وفلونه لا تنطّح الضلع ياصالح وتنصابي= هوّن على الراس لا تتكسّر قرونه

هههههههههههه يا حبك للمشاكل يا الرهاوي

الله يعينك يا الرهاوي ... وسلمت

		المشاركة الأصلية بواسطة : الغربي اقتباس
	الحمد لله على السلامة يابدوي وصح لسانك ولا هانوا الإخوان بجد أبدعتوا

الله يسلم عمرك يا الغربي

لا خلا ولا عدم يا خوي

		المشاركة الأصلية بواسطة : بدوي فاهم اقتباس
	بسم الله ... الله لا يصبحكم الا بالرضاء والعافيه .... ابشركم بخير وماعاد فيني الا العافيه ... الشكر لكل من سأل عني هنا في المنتدى او بإتصال او بريد. اسأل الله ان يرزقنا وإياكم الصيام والقيام والأجر والمثوبه في هذا الشهر الفضيل . للجميع اهدي هذه الأبيات الكيبورديه وهي تعبير عن شوقي لكم ... كان من المفروض ان اذكر جميع الاسماء لكن المعذره عن التقصير واكتفينا بذكر اسماء بعض الشعراء عشان نشغلهم في انفسهم لو مره وحده ههههههههههه وانا الحين اعتبر ضيف عليهم بعد هالغيبه.

اولا الحمد لله على السلامه..وكل عام وأنت بخير..
ثانيا كتبت لك قصيدة في منتدى أخبار الشدادين
تحت موضوع (بدوي على السرير الأبيض)
ثالثاً والله مادريت عن عودتك وقصيدتك الا اليوم..
والربع ماقصروا في الرد..الرهاوي..وابن هميجان...والأخرين..
الأن أستلم ردي المتواضع..وسامحوني ترى الدعوى مزوح

يامرحبا يا اقرب من الربع الأقرابي=يامشرف الشعر قلب الشعر وعيونه
في غيبتك يابدوي عايش على أعصابي=وصدري من اللي جرا لك باح مكنونه
سلامتك عد ما عجن الأطيابي=من ثوب شقحاً سنافيه ومصيونه
وأن كان تنشد يجيك العلم بكتابي=كتاب لابدهم في يوم يقرونه
المنتدى معتلي في راس مرقابي=من حلو طاريه خلق الله يزورونه
وزعيم يسحر بشعره كل الألبابي=كوكتيل منجو وتفاحه وليمونه
شاعر غزل كنه أبو القاسم الشابي=شعره هل المغرب وتونس يغنونه
أما جزاء بعد سن الشيب متصابي=عينه بشوف الحسان الغيد مفتونه
من زود شوقه يجر الصوت ويبابي=غنى "الأماكن" و"ناويلك" و"دلعونه"
وأبشرك صار مشرف يرهب ارهابي=أياك تنشر قصيده غير موزونه!!
وهاجوس ذيب الذياب..أذياب وذيابي=جليس حكام..ينصاهم وينصونه
من يوم حاز الوقار وحاز الاعجابي=ماني بقده ولا أجرا اطلب تليفونه
أما الرهاوي فتح باب وقفل بابي=لا أعرف مراده ولا أدري ويش مظمونه
يومين شاعر وشيخ ويوم قصابي=يبع مفروم وأهل اللحم يشرونه
وأبن هميجان ضاعن فيه الأطبابي=ينام فالجيب والضباط يحدونه
حتى نهار أستلامه روح غيابي=ما الومهم يارفيقي لو يجازونه
وعشاك عندي وللنيران شبابي=في مجلسٍ صفوة العربان يلفونه
قل "تم" وأذبح جمل والجود غصابي=واجبك ماهوب مكرونه وزيتونه

سعود أبن سليمان