أهٍ .. على .. أهٍ .. وأهٍ .. ثم أه

بوح ... جديد
لعيون العشاق

أهٍ .. على .. أهٍ .. وأهٍ .. ثم أه=عليك يانور العيون و شوفها
ياكنز عمري يامفاتيح الغناه=يازخرف أبياتي ونبض حروفها
أنتي حياة الروح و أكسير الحياه=قمر لياليها وسحر طيوفها
أسمك نقشته مثل نقشٍ في صفاه=على محاديب الظلوع و جوفها
لكن و لاكن و الزمن دارت رحاه=عرش الغلا دارت عليه حتوفها
دهاهه مدري ياجميله وش دهاه=دقت عليه الموجعات دفوفها
العام ندعي بالبنين و بالرفاه=واليوم "شيخه" صفقت بكفوفها
قفى الهوا يا أهل الهوا يسحب خطاه=دنيا لها ميلاتها و صدوفها
فرقا تتل القلب وتقطع عراه=ماهوب حوفي !! والله أنه حوفها
يلومني فيها خلي قلب و دباه=وأدنى البشر و خبولها و دلوفها
والا رهيف الحس مايبغى وصاه=يفهم علاقات الهوا و ظروفها
يا ناشدٍ عن وصفها وش منتهاه=يشيب قافي ماحصرت وصوفها
اليا أقبلت برقٍ تقادح في سماه=ولليل الاسود مستبيح كتوفها
واليا أدبرت متوشحه شال وعباه=تحتج قامتها على نفنوفها
تحوز مثل الظبي عن درب الرماه= كن السباع الظاريات تحوفها
لو مرت العابد قبل فرض الصلاه=يمكن يمر البسمله ويطوفها
على يديها تثني روس الطغاه=تسل من سود العيون سيوفها
من شاف منها خد و عيون وشفاه=تلوفه رياح الهواء ويلوفها
وش لون عاد اللي ورد معسول ماه=ولوى ظفايرها على سرجوفها؟
هذاك.. أنا .. قبل الغلا يطوي رشاه=تجي محبه ما أرتجي معروفها
واليوم لله ما عطاه وما خذاه=رغم العهد وايمانها وحلوفها
هذا و أنا قلبي عليها من شقاها=أفرح لفرحتها وأخاف لخوفها
واليا طرت في ما يقولون الرواه=أفتح سجلات الغلا و كشوفها
وأجر فوق الأه أهٍ ثم أه=عليك يانور العيون وشوفها

1 حظور اول

من شاف منها خد و عيون وشفاه=تلوفـه ريـاح الهـواء ويلوفهـا

اي والله ياسعود اه ثم اه ثم اه

ليتها تدري عن اللي في القلب يابو طارق

صح لسانك ياشاعرنا

وبيض الله وجهك على هذه القصيده

الجزله والرائعه

لاهنت يالغالي والله يعطيك العافيه

والله لايحرمنا من تواجدك وقصايدك الجزله ياسعود

كل الود والمتابعه

تقبل مروري الغربي

		المشاركة الأصلية بواسطة : سعود سليمان الحارثي اقتباس
	بوح ... جديد لعيون العشاق أهٍ .. على .. أهٍ .. وأهٍ .. ثم أه=عليك يانور العيون و شوفها ياكنز عمري يامفاتيح الغناه=يازخرف أبياتي ونبض حروفها أنتي حياة الروح و أكسير الحياه=قمر لياليها وسحر طيوفها أسمك نقشته مثل نقشٍ في صفاه=على محاديب الظلوع و جوفها لكن و لاكن و الزمن دارت رحاه=عرش الغلا دارت عليه حتوفها دهاهه مدري ياجميله وش دهاه=دقت عليه الموجعات دفوفها العام ندعي بالبنين و بالرفاه=واليوم "شيخه" صفقت بكفوفها قفى الهوا يا أهل الهوا يسحب خطاه=دنيا لها ميلاتها و صدوفها فرقا تتل القلب وتقطع عراه=ماهوب حوفي !! والله أنه حوفها يلومني فيها خلي قلب و دباه=وأدنى البشر و خبولها و دلوفها والا رهيف الحس مايبغى وصاه=يفهم علاقات الهوا و ظروفها يا ناشدٍ عن وصفها وش منتهاه=يشيب قافي ماحصرت وصوفها اليا أقبلت برقٍ تقادح في سماه=ولليل الاسود مستبيح كتوفها واليا أدبرت متوشحه شال وعباه=تحتج قامتها على نفنوفها تحوز مثل الظبي عن درب الرماه= كن السباع الظاريات تحوفها لو مرت العابد قبل فرض الصلاه=يمكن يمر البسمله ويطوفها على يديها تثني روس الطغاه=تسل من سود العيون سيوفها من شاف منها خد و عيون وشفاه=تلوفه رياح الهواء ويلوفها وش لون عاد اللي غرق فيها وتاه=ولوى ظفايرها على سرجوفها؟ هذاك.. أنا .. قبل الغلا يطوي رشاه=تجي محبه ما أرتجي معروفها واليوم لله ما عطاه وما خذاه=رغم العهد وايمانها وحلوفها هذا و أنا قلبي عليها من شقاها=أفرح لفرحتها وأخاف لخوفها واليا طرت في ما يقولون الرواه=أفتح سجلات الغلا و كشوفها وأجر فوق الأه أهٍ ثم أه=عليك يانور العيون وشوفها

اخوي الفاضل سعود سليمان
صح لسانك ولاهنت ايها المبدع
قلت فاجدت ونظمت فابدعت بيض الله وجهك
قصيدة راقية من شاعر راقي يطوع الحرف
ويعسف الكلمة وينحت البيت حتى يخرج لنا
قصيدة رائعة وجميلة بروعة وجمال شاعرها المتمكن سعود سليمان
عزيزي سعود اسجل اعجابي ومتابعتي لكل ماتكتب في صفحات هذا المنتدى
وكلي شوق وتطلع لجديدك القادم بارك الله فيك وفي حضورك المميز
وتقبل شكري وتقديري

العنوان ياسعود خربط الردود
صح لسانك

كفيت ووفيت ياشاعرنا الكبير

ابدعة في هذه المعلقه

فعلاً قصيده مكتمله

بيض الله وجهك

وصح السانك

صح لسانك

قصيده رائعه

تقبل مروري

الوجـــــد

		المشاركة الأصلية بواسطة : الغربي اقتباس
	1 حظور اول من شاف منها خد و عيون وشفاه=تلوفـه ريـاح الهـواء ويلوفهـا اي والله ياسعود اه ثم اه ثم اه ليتها تدري عن اللي في القلب يابو طارق صح لسانك ياشاعرنا وبيض الله وجهك على هذه القصيده الجزله والرائعه لاهنت يالغالي والله يعطيك العافيه والله لايحرمنا من تواجدك وقصايدك الجزله ياسعود كل الود والمتابعه تقبل مروري الغربي

الغربي ... مشرفنا الرائع

حظور أول يسعدني ...والله يعين !!

صح لسانك مليون يا أبو طارق
وما أقدر أقول ألا أنت شاعر وربك الله

واليا طرت في ما يقولـون الـرواه
أفتح سجلات الغـلا و كشوفهـا
وأجـر فــوق الأه أهٍ ثــم أه
عليك يانـور العيـون وشوفهـا


نعم نعم نعم

يا أبو عبدالعزيز ،،، هذا ما يحدث بالضبك وأكثر ...!!!

شاعر مثلك يكتب من تجارب غزيرة لا بد أن يصل لقلوب الناس المريرة

لا هنت على حضورك وجيتك وتواصلك الجميل جداً والمشرف

بيض الله وجهك واللي أتمناه يا أبو عبدالعزيز إننا نشوفك في بقية الأقسام

ولا تحصر تواصلنا معك في الشعر الشعبي فقط ،،،

كما ننتظرك في مسابقة وصف الطبيعة ..

		المشاركة الأصلية بواسطة : من رؤس بنيوس اقتباس
	اخوي الفاضل سعود سليمان صح لسانك ولاهنت ايها المبدع قلت فاجدت ونظمت فابدعت بيض الله وجهك قصيدة راقية من شاعر راقي يطوع الحرف ويعسف الكلمة وينحت البيت حتى يخرج لنا قصيدة رائعة وجميلة بروعة وجمال شاعرها المتمكن سعود سليمان عزيزي سعود اسجل اعجابي ومتابعتي لكل ماتكتب في صفحات هذا المنتدى وكلي شوق وتطلع لجديدك القادم بارك الله فيك وفي حضورك المميز وتقبل شكري وتقديري

من رؤس بنيوس..

اشكرك جدا على المرور والأطراء

وآمل أن أكون عند حسن ضن الجميع

وأعجاب ومتابعتك تشرفني بالحيل

كل الود والا حترام