الجروح !!!

بسم الاله اللي منزه عن العيب = المعطي اللي ما يضيع الرجا به
ابدا و رتب صادق القاف ترتيب = و دزبه للي لفاني جوابه
من روس قوم يعطبون المضاريب = وافي وله حشمه وقدر ومهابه
الله يفزعلك و ينجيك يا ذيب = و يزيح عنكم كل هم وكآبه
صحيح انا كثرت على التحاسيب = و اصبحت مثل اللي زمانه غدابه
لا تلومني يا ذيب و ان لمتني جيب = هات الكلام اللي نفض الصفابه
من كربتك صبت دموعي تصابيب = و اللي خلقك ألسال دمعي صبابه
ان جيت بماشيك زدت اللواهيب = وان قلت ببعد عنك قلتوا غرابه
يا ذيب انا جروحي تراها معاطيب = مدري من الاقصين والا القرابه
يا هيه جاوبني عسي فالك الطيب = جاوب ترا جفت حروف الكتابه
ما فيه رجال بليا عذاريب = و لا كل من يقرا الكتاب اهتدابه
يا ( . . . . ) انا ماني من اهل التزاريب = ولاني من بيوت الردا و الخرابه
يا ( . . . . ) لو تدري غزا راسي الشيب = و الهم من فوقي عباله سحابه
يا ذيب شكوانا على عالم الغيب = ارفع يدينك و اطلبه في ثوابه
و اصبر ترا الدنيا دروس و تجاريب = يا سرع ما يطوي البنادم زهابه
الصبر مفتاح النفوس المكاريب = ولا شده الا من بعدها طرابه
لاكن عينت الرجال الشلاهيب = راحو وانا قلبي تزايد عذابه
ما باقي الا اهل الردا والتخاريب = اهل القلوب المعفنه والذنابه
العيب في قانونهم ما هو بعيب = سوقن لهم من باعبه واشترابه
الا القليل اللي اصلبته المصاليب = و يصارع الدنيا ولا حدن درابه
تلعبه امواج البحر والهباهيب = من وين ما هب المسري سرابه
راسي و عاصب دومة الراس تعصيب = واللي من الموالى يجيله رضابه
ما يرخي اذنه للحكي والاكاذيب = والكايده يتعب عليها اركابه
يا ذيب ما قصرت انا فالمواجيب = و ان كان قصرنا يا كبر العيابه
حشمتك كسرنا قفول الدواليب = و شرحتلك ماكن صدري ورابه
اشرب قراح الما واعاف الغثاريب = ولا خير في شخصن يدغثر شرابه
يا ذيب ما تصعب عليّ الاساليب = و لا كل الاسما يالسنافي تشابه
اعرف هل الطاله واعاف العراقيب = وافرح بمثلك وامدحه في غيابه
يا ذيب راس المال واللي مكاسيب = في حشمتك يا جعلها للذهابه
و المسعد اللي هذب النفس تهذيب = واخذ بيمناه الكريمه كتابه

يعطيك العافيه ابو مستور وبيض الله وجهك على القصيدة الجزله ولاهنت

و اصبر تـرا الدنيـا دروس و تجاريـب
يا سـرع مـا يطـوي البنـادم زهابـه

قصيده رائعه وفيها معاني جزله
صح السان شاعرها وسلمت يدين ناقلها

بيض الله وجهك على القصيدة الجزله تقبل مروري
تحياتي ,,,

أبو مستــــــور
صح لسانكـ على القصيدة الأكثر من رائعة

ولا هنت

بإنتظار جديدكـ


تقبل تحيات أخوكـ
king

العيب فـي قانونهـم مـا هـو بعيـب=سوقـن لهـم مـن باعبـه واشترابـه

بسم الله ماشاء الله ..
هذا الشعر اللي يطرب الأذن
ويستفيد منه السامع ..
صالح ..تدري شهادتي فيك مجروحه ..
لكن لله درك وكفى ..

و المسعد اللـي هـذب النفـس تهذيـب
واخــذ بـيـمـنـاه الـكـريـمـــه كـتــابـه

وانا اقول السعيد في الدنيا من يقراء شعرك ياولد مستور
صح لسانك وبيض الله وجهك قصيدة كاملة مكملة ، والكمال لله
وتقبل تحياتي

صالح بيض الله وجهك وصح السانك
جزل وفالك البيرق
والك الاحترامي

صح لسانك شاعر جميل ومبدع

الله لا يهينك كل الاحترام

الاخوة الكرام
أسعد الله مساءكم بكل خير ,
واتشرف بكتابة الردود حيث لكل شخص منكم تقدير يعجز اللسان عن التعبير به ,,,
ولآآآآآآآكن
شرفني مروركم الكريم
و صحت ابدانكم والله لا يهينكم

تقبلو ودي و تقديري