رديه بيني وبين احد الزملاء (تفضلوا)

هذه قصيده ارسلها لي احد الزملاء ورديت عليها
واتمنى ان تحوز على رضاكم

ياالله يامروي الفياض المعاطيـش = مروي ضماها من صدوق المناشي
ياعالم الاجيال والخاتمـه ويـش = ياكافل أرزاق البشـر والمواشـي
تجعل لنا توبه بعد حالـة الطيـش = قبل الممـات وحـزة الارتعاشـي
ومن بعد مطلوب الولي نبتدي بيش = امـا جزالـة شعـر والا بلاشـي
سلام ياحـرً شهـر بالمطاريـش = حرً على فعـل المواجيـب ناشـي
يكفخ ولايرضى المذله ليـا نيـش = يموت مايرضى الكرامـه تناشـي
يطري عليه لاغشى الجو تشويش = طيب وفي طيبه يزيـد اندهاشـي

وهذا ردي عليها : =

ياالله ياللي تقسم الرزق والعيـش = قاسم معاش الناس قاسم معاشـي
تغفر ذنوبٍ عند عبـدك محاويـش = وانا تحت رحمتـك زاد ارتباشـي
ثم بعده الأرسال يشبك على الفيش = ولانيب متهـاون ولانيـب ماشـي
يامرحبا ترحيبة الحـرب بالجيـش = ترحيبتن تاصلك من وسط جاشـي
واهلاً هلا بك عد وبل الرشاريـش = من مزنتن غـرا تهـل الرشاشـي
ولبيه ي كتابـن لفانـي وحتيـش = من جملة الاعصاب والراس شاشي
اقرأ الكتاب مرار واعيد بشويـش = من شان فكري لايعود بـلا شـي
لاهنت تسلم ياابيض الوجه وتعيش = والا الردي لو طال ماقلت عاشـي
اسمه ترى من تحت خط الهواميش = واسم الذي شرواك مابـه نقاشـي
أقولها واثق ولو قلت لـي ليـش = الضلع مايوصف سوات العشاشـي
وراس الضبي للناس مابه عراميش = والشيخ يخر شيخ واللاش لاشـي
خذ ردها وافي على قافية (ايـش) = جت كاش واتعود لك اليوم كاشـي
ثم صل يامتعب على صفوة قريش = عد الخيال اللي على الجو غاشـي

وسلامتكم =

صح لسان اخي محمد قصيدة جزله

لاهنت وفي انتظار جديدك



[/COLOR]

صح لسانك أخوي

القصيده والرد في منتهى الروعة

الله يعطيكم ألف عافية

صح لسانك ولسان خويك اخوي محمد قصايد جزله تقبل مروري
تحياتي ,,,

والنعم فيك وفي زميلك
بيض الله وجيهكم ....

وصح لسانكم

تحياتي لك أخوي محمد

صح إلسانك يالعطاوي

والسان الشاعر زميلك

ولكني قد وجدتها يالعطاوي في منتديات كثير

ولا ينسبونها لك وبتواريخ أقدم من هذا التاريخ وليس كلامي تكذيب لك ولكن تنبيه لك

لتبحث عن من يسرق قصائدك والا أنت معروف شاعر كبير ورائع

بأنزل لك الروابط وانت شوف بعينك

الرابط الأول

http://www.alhajere.net/vb/showthread.php?t=16486


الرابط الثاني يقول الي نشرها إنها بينه وبين شاعر هوازن عبدالرحمن العطاوي

http://www.mergab.com/montada/showthread.php?t=27994


الرابط الثالث نسبها لنفسه


http://www.bela-meaad.com/t66018.html

		المشاركة الأصلية بواسطة : اقتباس
	ياالله يامروي الفياض المعاطيـش مروي ضماها من صدوق المناشي ياعالم الاجيـال والخاتمـه ويـش ياكافل أرزاق البشـر والمواشـي تجعل لنا توبه بعد حالـة الطيـش قبل الممـات وحـزة الارتعاشـي ومن بعد مطلوب الولي نبتدي بيش امـا جزالـة شعـر والا بلاشـي سلام ياحـرً شهـر بالمطاريـش حرً على فعـل المواجيـب ناشـي يكفخ ولايرضى المذله ليـا نيـش يموت مايرضى الكرامـه تناشـي يطري عليه لاغشى الجو تشويش طيب وفي طيبه يزيـد اندهاشـي

جميع ماوجد في الروابط التي طرحت من قبل أخوي بندر يعطيه العافية
تشترك في وجود هذه القصيدة ...

وكان هناك وجود ثلاثة ردود مختلفة على نفس القصيدة

نتمنى منك الإيضاح أخوي محمد

بندر الله يجزاك خير ويرحم والديك
انا جتني القصيده الاوله من الشاعر متعب الروقي
وبشكلها هذا وحسبتها له
ومتوقع ان القصيده لها تكمله لانها ناقصه
ورديت عليه بالقصيده الثانيه وبالرد اللي شفتوه
وهو مختلف عن الردود اللي في الروابط اللي ذكرتها
لاسرقته ولانيب من ينسب قصايد الناس له
وهذا التوضيح عشان الناس مايفهمون غلط

بس ابشروا بالعوض وبيض الله وجهك وماقصرت

حياك الله يا أبو رحيّم

وأنا أشهد إنك شاعر ومتمكن وعلومك غانمة

والله يعطيك ألف عافية ما قصرت

وتوضيحك واضح وما عليه غبار

وأشكر الأخ بندر على تنبيهه وهذا دليل

متابعته وحضوره الطيب