قنبلة للشعراء

		المشاركة الأصلية بواسطة : بدوي فاهم اقتباس
	صح لسانك يا تركي وصح لسان الرهاوي شعراء كبار مافيها كلام وبالنسبه لبيت تركي يالحقايـق ماعلـى وجهـك غطـاوي=جدي اللـي لااعتلـى بنـت الكحيلـه مادامك ولد عمي وامون عليك عطني البيت ولك من ذود قصيدي اللي تطلبه والرهاوي لو ادري اني امون عليه طلبت ان ابقى في مدرسته الشعريه حتى ولو اعيد السنه بس مايفصلني لاهنتوا ولاهان الجميع وتقبلوا تحيات البدوي

تمون وتطول يابدوي على الرهاوي

يالله انك تحييه وين الغيبات فاقدك والله

والله لو انت طالب عندي لاحطك عريف الفصل هههههههههههههه

بدوي ماعليك زووود انت االعريف وانا الي امسح الصبوره والمدرس تركي ههههههههههههههههه


سلام


.................................................. .



صباح الخير يابو عبدالله

والله العظيم اني اتخطف وقتي ابي اكون معكم بس مشغول بالمره اليومين هذي

وكل مادخلت المنتدى وشفت تفاعلكم يزيدني غبن لان ماعندي وقت اشارككم واطول معكم

قنبله وطياره ههههههههه

الله يستر من تواليها

حطني معكم على الجناح وهذا بيت على الطاير

فالسماء طيارة الشعر ميراجه = وفي الوطا دبابة بالجنازيري
والبواخر فالبحر مالها حاجه =كان ما تقصف نقاط المحاذيري

انتظرني لازم اطلع الان

ياهجوس الشعر جريها غناوي =وانثريها سيل من صدر المخيله

هاتي المحصول لايبقى بقاوي= دربنا طويل والطرقه طويله

صوب تركي مزبن القاف الغناوي =والله ان تمشين والمزهب كفيله

سلميه العلم ياعزالمخاوي=واذكري له ماحصل والله وكيله

من علوم الدبلجه واهل الفتاوي=وأقسمي له واطرحي له واجمعيله

وقولي ان الذيب ياالطخ السماوي =مايرد الزير عن شوق الجليله

شاعرٍ يجرح بسيفه لويداوي=ويقدح بزنده على خشم الفتيله

يشفي اللي جاء لقيفانه عناوي =باللحون وبالطروق وبالدليله

فالهجاء والمدح وانغام الهواوي=حاز كأس المعرفه ووفاه كيله

أشهد انه من بعيدين الهقاوي=واشهد انه شاعرٍ مافيه حيله

يامدرا

والله لبلشت في التنسيق من الساعه 3 وانا وياه في مجاهد

شيل وتعديل ولخبطه حتى العن خيري وبالأخير جتكم بالشكل هذا

المنسق فيه بلا .. أرجو تنسيقها


والعذر والسموحه من الجميع

ابوعبدالله قنبلتك هذي كنت متابع لانفجارها وكنت بالحقها بوحدة ثانية

لكن استخرت ربي وحذفتها بالمرة بعد تحسن الأحوال ..

والرهاوي ماقصر زاد الجمال جمالا آخر بمجاراة هذه الشامخة

تركي أنت من ابحث عنه منذ مدة طويلة ولكن لم تسمح لي الظروف بلقائك

لأني كنت مصر على لقائك شخصيا

وان شاءالله اجيك في محلك واخذ كل العلوم اللي ابيها منك ..

بقى إن أقول الشعر أذا ماجا من منبع الشعر فلا يروي ضماء المتلقي

و أنت من ينابيع الشعر التي نشرب منها ولا نرتوي

ونعود لكي نستزيد منها بين التارة و الأخرى ..

وهناك من طلب مني رقمك من فترة طويلة والنسيان غلب علي فلم ألبي طلبه

فلا هنت ياولد العم

رقمي عند ابو عبدالله

أتمنى تتكرم بالاتصال علي متى ما رأيت الوقت المناسب

وفي الأخير صح لسانك إلى يوم الدين

ولا أنسى اخوي الرهاوي وبيض الله وجيهكم جميعا

اخوكم نفل

المنسق خربان صلحوه لاهنتم خرب علي التنسيق حق القصيدة...

وان شاءالله انزلها بعدين ...

		المشاركة الأصلية بواسطة : الرهاوي اقتباس
	هلا يابو عبدالله اولا اعذرني لاني تلقفت قصيدتك ويمكن عذري ان كانت نيتك تنصاني في القصيده وانما الاعمال بالنيات ثانيا لي عتب عليك يابو عبدالله انت تبي ابن مهرس او سعود او الرهاوي وجميع الموجودين يشهدون بشاعريتك؟؟!!! ياتركي انت استاذ في الشعر ولا تحتاج لبرهان ويكفي التقرير الى كتبه ابن مهرس شاعر وساسك في الشعر وثيق اعذروني وقتي قصير لي عوده في وقت اطول للتعليق على بعض الردود بشي من التفصيل وتقبل وافر تحياتي استاذي واخي الشاعر الكبير تركي الشدادي

أولاً:=============== واخيراً
هذا رسم بياني يؤكد خط سيرقصيدة تركي الشدادي من اول بيت فيها
حيث كان بمثابة المناوره واستطلاع للرأي هل أرى تشجيع من الجمهور
لانك والله يشهد
بحر ما يهوزه او يفكر فيه غير 2 لا ثالث لهم
1-غواص متمكن ويهاب الغرق2 -جاهل في العوم والسباحه
وكان لي اهداف كثيره من التفكير في مجارتك
واظن هذا البيت بيشفع لي

وعمة الدعوه لربعي بالتساوي= واللغه والقافيه ماهي بخيله

::::::::::::::::::::::::::::::::::
::::::::::::::::::::::::::::::::::
::::::::::::::::::::::::::::::::::
وطلبت حظور غيري من ربعي للاستمتاع جيعاً
على شاطى هذا البحر الجميل

(شاطى الراحه)
ولي عوده لهذا الموضوع والحديث فيه
وبالنسبه لابن مهرس اميرنا وحضوره يشرفني
ورايت فعله بعينك ما يحتاج اشرح لك
وانا اقوله في رده على اخونا
بدوي فاهم
تدللوا يالربع امير وجبر
ولك
نيابة جميع الاعضاء اللي ماشاركونا
وعن اخونا سعود بعد ما ربط الجنلط

ياهجوس الشعر لجي بالغناوي=يحتفل بك منتدانا طول ليله
واطربي قلب المعنى والشقاوي=ياعصافير الوناسه غرديله

:::::

شاعر ٍ يشهد لك الله يالرهاوي=في بحور الشعر لك باع ٍ طويله

الى قوله

نجهله شخصا ً ولكن مانراوي= مقصده ذرب ومناهيجه نبيله
لجل ذلك فال ماعندي قهاوي=ولا اهو للطيب وعلومه دليله

0"

"

دام عزك بالسعاده يالرهاوي=كررووووا قوووووولوا معي مافيك حيله

ولي عوده

بس وصلة طياره وردها جاهز
من الصبح
باآخذ لفه مع راعيها

وأرجع
مستقبلا وتبق بود
ههههههههههههههههه

		المشاركة الأصلية بواسطة : من رؤس بنيوس اقتباس
	تركي بن عبدالله الشدادي حيّاك الله من ناحية المقدمة التي ذكرتها قبل القصيدة فليس لديه تعليق عليها لان خلفياتها تجهلني اما من ناحية القصيدة اقول صح لسانك وبيض الله وجهك قصيدة رائعة من روائع شعرك العذب الجميل بارك الله فيك وفي شعرك وعمرك تحيتي لك

اخوي محمد صح بدنك وبيض الله وجهك
وانااللي يهمني طال عمرك هو رايك فالقصيده
والرد اذاكان قريته

		المشاركة الأصلية بواسطة : ابن مهرس اقتباس
	في البداية صح لسانك يا أبو عبدالله وبيض الله وجهك وجزالة الشعر وقوته ليست غريب عليك كيف وأنت حفيد شعراء الشدادين من جدك مشعل وجدك دابان وجدك حمد الهيم وإلي أبعد من ذلك من هذي السلسة الشعرية التي نفتخر بها جميعاً وهم أهل الشعر وساداته وفرسانه, والشعر ورث لك ويحق لك الإفتخار بذلك وكذلك فخرك بشعرك الأصيل الذي ورثته عن أجدادك وقصيدتك هذي دليل على أنك من عرين الأسود وهذا الشبل من ذاك الأسد.. وليعذروني الربع فهذا الموضوع قيم جميل لأنه يتكلم عن الشعر في قبيلة الشدادين وأريد أن أزيد الموضوع جمالاً على جماله بإيراد بعض الأبيات الجزلة لأجداد شاعرنا تركي بن عبدالله وأنا أشهد وغيري يشهد شهادة حق بأن تركي يتكي على شداد الشعر الذي ورثوه له أجداده العظماء عليهم رحمة الله.. يقول جد شاعرنا تركي الشاعر مشعل بن دابان في إحدى قصائده يا بعد أهلكم يا مشاكيل بعداه = يا بعدهم للي ذلوله ضعيفي عهدي بهم في الصيف يوم أنتثر ماه = واليوم هذيه ورود الخريفي ويقول شاعر الحكمة دابان بن حمد وهو جد شاعرنا تركي بقعاء كفا الله شرها تخلف الظن = تلعب بخبلان القلوب الهبايل هذي هجور ٍ مقفيات ٍ بأهلهن = من دار أهل صنعاء ليا دار حايل وكذلك يقول دابان بن حمد في الحكمة وتبصير الناس عزي لقوم ٍ طقها في عصاها = وطق العصاء مما يخل العود ريع على دربه أثنين وثلاثه = عيون ٍ تخازر والضماير سود ومن أبيات دابان بن حمد الجزلة يقول فيها ولا ننسى أنه جد تركي يالله ياللي نمد الضيف من مده = لو لا عطى ربنا ما كان مدّانا ان طاب حظ الفتى جاله على وده = سوى له الله وقال العبد سوّانا وفي الفخر يقول الشاعر دابان بن حمد عزوتي مثل سيل ٍ غطى الاوطاني = زاد وبله وضاقت به مناحيبه ان صفقنا على الأقصين والداني = ينزح اللي خبيثات ٍ مشاريبه ومما قال حمد بن مبارك الملقب حمد الهيم لغزارة شعره وقوته وكذلك هو جد شاعرنا تركي وقال هذي الأبيات مفتخراً بنسبه جدي نزع له من عشيره = معرب ٍ ساسه وجده سبعه ذبحهم في قطيره = بالسيف يجلاهم بحده وكذلك يقول حمد الهيم أنت صادق إنا من عبيده = ومفلح الضيغمي هو جدنا العسيري قبلك قد عاف ريده = وأنت عف بيرك اللي عندنا ويقول حمد الهيم في إحدى قصائده العذر من سبلا لو إنا على الجيش = لنرد سبلا تنثني للحوارا والحديث يطول عندما نتكلم عن هامات الشعر وساداته ولكن أردت أضيف للموضوع بعض من الجماليات لتكتمل الصورة للجميع, وهناك الكثير من الرجال في قبيلة الشدادين وابن الحارث يستحقون الذكر وجميعنا نفتخر بهم ولكن لو أردنا التحدث عن كل شخص فسوف يطول بنا المقام وقد لا تكفي صفحات المنتدى لهذا التاريخ الحافل بالبطولات والمجد الذي لن يزول على مر العصور.. ولا أنسى الشاعر الرهاوي وصح لسانه على هذا الرد الجزل والله يقويه على العلم الطيّب والطيب لا يستغرب من أهل الطيب.. وحبيت أوضح لأبن العم بدوي فاهم عندما أشار لأحد أبيات شاعرنا تركي الذي يقول فيه يالحقايق ما على وجهك غطاوي = جدي اللي لااعتلى بنت الكحيله للنشاما يهوي إهواي النداوي = فالملاقا تشهد حدود الصقيله بتصرف مني قد نقلت ملكيته من تركي وجعلته ملكاً لجميع الشدادين وأبناءهم وأحفادهم من بعدهم فهذا ما تعودناه من هذه السلسلة الشعرية فقد ورثت لنا الأبيات الجزال التي ما زلنا إلى يومنا هذا ونحن نرددها بإفتخار وإعتزاز.. أخوكم وابن عمكم ابن مهرس

اييييييييه ياسنايدي

صح بدنك وبيض الله وجهك قوووووووووول وعليها

طالة عمرك أمير وأبن أمراء

مايرد الهم طلب وهذا ماجعلني أصر والح

في طلب حضوركم

أنت الراوي وبيض الله وجهك ماقصرت

أثبت للجميع ان تركي مايبي من حضور ربعه

لهذه المناسبه غير العلوم الغانمه

والكلام اللي يطرب المستمع

وباقي أميرنا الشاعر لاتفوته الطياره تراني نزلت من عند راعيها

وأنا حاط على اول كرسي

محجوووووووووووووووووز

لاتفوته

الرحله لاني على ثقه بانه سوف يكون بمستوى

من اخترعها

أن لم يتفوق عليه

الله يقووووووووويكم

وتقبل تحياتي

يالربع فزعه

نسقوها غثتني لابارك الله فيها
القنبله
هذي أول ضحايا تعبها أنا

		المشاركة الأصلية بواسطة : زعيم الحب اقتباس
	ابوعبدالله قنبلتك هذي كنت متابع لانفجارها وكنت بالحقها بوحدة ثانية لكن استخرت ربي وحذفتها بالمرة بعد تحسن الأحوال .. والرهاوي ماقصر زاد الجمال جمالا آخر بمجاراة هذه الشامخة تركي أنت من ابحث عنه منذ مدة طويلة ولكن لم تسمح لي الظروف بلقائك لأني كنت مصر على لقائك شخصيا وان شاءالله اجيك في محلك واخذ كل العلوم اللي ابيها منك .. بقى إن أقول الشعر أذا ماجا من منبع الشعر فلا يروي ضماء المتلقي و أنت من ينابيع الشعر التي نشرب منها ولا نرتوي ونعود لكي نستزيد منها بين التارة و الأخرى .. وهناك من طلب مني رقمك من فترة طويلة والنسيان غلب علي فلم ألبي طلبه فلا هنت ياولد العم رقمي عند ابو عبدالله أتمنى تتكرم بالاتصال علي متى ما رأيت الوقت المناسب وفي الأخير صح لسانك إلى يوم الدين ولا أنسى اخوي الرهاوي وبيض الله وجيهكم جميعا اخوكم نفل

ياهلا وغلا ياولد العم
وترى مانعذر شرواك من المشاركه
مايكفي الحضور نطمع بالمزيد
وانت ممن إذا قال ابد
فالله يحييك من ممشاك الى ملفاك وفي أي وقت
يناسبك ولكن ابو عبدالله ياكثرهم
مدري من تقصد لكن خذ رقمي
منه واتصل بي ونتشرف طال عمرك في زيارتك
وفي حضورك معنا مراسم هذه التجربه
اللي أنا أول ضحايا تعبها
وأشوف ابو راكان يصيح من التنسيق
بس الله الله فالطياره وراعيها
ترى أنا أول مره أسويها واترك قصيده
ماكمتها لكـــــــــن مافيكـــــــــــم حيلــــه
طلعوا ماتختزنه أدراج مكاتبكـــم
ولا تنسى أنا أنتضر منك أتصال وزياره
وياهلا فيك