لبيه

السلام عليكم ورحمة الله وبركاتة

اخواني أعذروني لعدم التواجد باستمرار

اولا ً لمشاغل الحياة وثانيا ً مامن جديد يحمسنا

هذه الليله مشاركتي لكم فقدت قبل اكثر من سنتين سجلتها في الجوال

وراح الجوال وهي فيه

ونسيتها وبالصدفه قبل كم يوم أجدها عند احد الاخوان

قد ارسلتها له برساله وحفظها فالملاحظات

لبيه ياطيـف الغـلا ثـم لبيـه=لبيه ياذكرى الحيـاه الجميلـه
لبيه ياحب الوفاء عنـد راعيـه=لبيه ياشـوق الخليـل لخليلـه
لبيه ياعشق القصيـد ومعانيـه=لبيه يانظـم القـواف الجزيلـه

لبيه ياحبـن فـؤادي سكنتيـه=ولبيه ياطب الجـروح العليلـه

ولبيه يااغلى من ملكته واداريه=لبيه يافهـرس غـلاي ودليلـه

لبيه يانظـرة كبـار المشاريـه=لبيه ياعكش الرموش الظليلـه

لبيه يابحر الغـرام وشواطيـه=لبيه ياذكرى الف ليلـه وليلـه

لبيه ياشوق الخفوق وطواريـه=لبيه يابرقـن عيونـي تخيلـه

لبيه يامحرق فـؤادي وناسيـه=لبيـه ياخلـن ذبحنـي رحيلـه

لبيه لو نهايـة القلـب بيديـه=لبيه لو مـدة غيابـه طويلـه
لبيه ياحاضر زماني وماضيـه=لبيه لـو حبـه جعلنـي قتيلـه



لبييييييه ياطيفه ومليوووون لبيه=لبيه لو ان شوفتـه مستحيلـه

لكم مع خالص تحيات الرحااااااااااال

لبيه ياشوق الخفوق وطواريه
لبيه يابرق عيوني تخيله
صح لسانك اخوي رحال قصيده رايعه وعوده حميده والله يبيض زجهك
تقبل تحياتي,,,,,,,,

صح لسانك يالرحال
تقبل مروري

بشير الذيابي

		المشاركة الأصلية بواسطة : فهد بن رزيق اقتباس
	لبيه ياشوق الخفوق وطواريه لبيه يابرق عيوني تخيله صح لسانك اخوي رحال قصيده رايعه وعوده حميده والله يبيض زجهك تقبل تحياتي,,,,,,,,

يامرحبا يافهد أبن رزيق وصح الله بدنك والرائع حظورك ومرورك المتميز
والله لايهينك وأبيض وجه ومشكور يا الغالي

		المشاركة الأصلية بواسطة : بشير الذيابي اقتباس
	صح لسانك يالرحال تقبل مروري بشير الذيابي

ياهلا وغلا أخوي بشير الذيابي وصح الله بدنك ومرورك شرف لي طال عمرك

لبيه يالرحال صح لسانك ولا هنت

عجبني البيت الي يقول

لبيه يامحرق فـؤادي وناسيـه

لبيـه ياخلـن ذبحنـي رحيلـه

أخي الرحال

أبطيت ومن وصل ماابطى أحضرت معك كل جديد من ابداع شخصك الكريم

لذا يعتمد شكري لله ثم لك

يا مرحبابك يأبو ضاوي في محلك

وصح لسانك على هذي القصيدة الطنانة الرنانة

ولا تحرمنا من قصيدك الجزل

الرحال
ما شاء الله عليك لك حضور مميّز
وكان هذه المرة ومعك هذه التحفة الرائعة
من القصيد كما قال الأخ فيصل الطنانة الرنانة
صح لسانك ملاييييين وبيّض الله وجهك وعلأ شأنك
تقبل مروري
دمت بخير ,,,

		المشاركة الأصلية بواسطة : رعد الجبوب اقتباس
	لبيه يالرحال صح لسانك ولا هنت عجبني البيت الي يقول لبيه يامحرق فـؤادي وناسيـه لبيـه ياخلـن ذبحنـي رحيلـه

ياهلا وغلا يا أبو عبدالله وصح الله بدنك وإعجابك شرف لي طال عمرك
والله لايهينك ومشكور على مرورك المتميز