لبيه يا حب على عز لبيه

الحب صرح(ن) داخل القلب تبنيه=يكبر بـزود العاطفـه والمـوده
مابه عداله والخصم فيه قاضيـه =ياتقتنع فـي سيرتـه يـا تهـده
وان شد حبل الحب لابد ترخيـه =واذا ارتخى حاول مع الوقت شده
كم واحد(ن)مضيوم رحنا نواسيـه =حتى الخبل لاشافـه يحـب يـده
كم ورّد زحول الصناديـد للتيـه=وكم طيب(ن) عن سلم الاجواد لده
وكم واحد(ن) ربي بفعله يجازيـه=تكسي غرام ومن ركب فيه كـده
يلعب على هـذا وهـذا يخاويـه=وهذا يحبـه يـوم واخـر يـرده
هذي طروق الحب ياجاهلن فيـه=ماينعرف مزحه وضحكه وجـده
لكن بعض الخلق يجبـرك تغليـه=يمشي على مـا تشتهيـه وتـوده
بالزين فيه مـن الحـلا مايكفيـه=يجيه عرق الزين من يـم جـده
ابيض نحيف اهيف خصر ماتحليه =الا بنـور البـدر وان لاح خـده
تحرص عليه ولا طلب شي تعطيه =وفي كل شي(ن) ماعدا الموت بده
ودّك مابين ضلوعك الحدب تخفيه =عن شوف راعين الوجيه المصده
من زود حبه تغلي اخـوه وابيـه =ومناك لو عمـرك تقضيـه حـده
لبيه ياحب(ن) علـى عـز لبيـه =حب ماهو حب الشـرف لاتعـده

أبيات بقمة الروعة


صح لسان شاعرها وسلمت يمين ناقلها

يعطيك العافية
دُمت بحفظ الرحمن

ابيات جزلة ورائعة

صح لسان الشاعر

وسلمت يمينك ياحلم

لاهنت

ملاك
الجازي
تشكروووووون على مروركم الكريم
تحيــــــــــــــــــــــــــاتي