مدونة خزامى نجد الشعرية

تجي تبتعد على كيفك لمثلك ماحسبت حساب


تجي وتروح ماتفرق ترى عندي غدا عادي


هذاك اول ابي قربك خطاك انساه دون عتاب


تقول ابعد واجي يمك احسب انك لي تنادي



لانك كنت لعيوني نظرها وللجفون اهداب



اشوفك في السماء نجمه سحرني نورها الهادي



حسافه خت قلبي وجعلتك سيد ا لاحباب



احب الي يحبونك واعادي من لك يعادي


انا لوكنت اعرف انك تبدل لاتفه ا لاسباب


مانزل قدري لقدرك بعيد عنك يا لغادي


انا ماهي من اطباعي اداري خاطر الكذاب



اقول روح في وجهك ومنت كد العنادي



ترى لي عزه ترفض اماشي الواشي المغتاب



ترى فرقا الردى مثلك احسبه ثالث اعيادي



تحمل غلطاتك وارحل اظنك فاهم ا لاسباب


وانا راحل وفرقك مناي وغايه مرادي



ابي اعتبرك مثل الحلم حضر وقت المنام وغاب



وهم زار الخيال وراح فعل ماضي ولاعادي



ابي ادور وفي مثلي صدوق وللوفاء طلاب



على وضح القدر يمشي ويرفض فكره ابعادي

الشوق ماله عمر , يفنى وينعاد

........................له في الضلوع أن عاد وأن غاب رجفه

مع كل فرقا , له ورى الجفن ميلاد

........................وأن ماتت الفرقا لقى الشوق حتفه

جيت أقتل الفرقا من بلاد لــ بلاد

........................ملّ الطريق يشيلني فوق كتفه

وأنا بعد مليت من كثر ما أرتاد

........................هالشارع اللي كان لك فيه شرفه

تظمأ عيوني شوفك , وتشبع سهاد

........................عيّا الزمن يقطع ظماها بــ رشفه

لاوجهك أسقاها , ولا ذاقت رقاد

........................ماغير طيفك , طيفك اللي أعرفه

كنّه ظبي , وعيوني ظلال صيـاد

........................يجفل قبل يرتد للجفن طرفه

مشكلته أنه كل ما أشتقت يزداد

........................حتى ملا جدران وقتي وسقفه

وأصبحت أشوفه فــ أول الغيم لاجاد

........................وفــ أقصى الشفق لاطاحت الشمس خلفه

وفـي الأرض لانامت عقب صوت رعاد

........................وفي كل شباك ٍ صحت منه درفه

أتعبت طيفك لوم , واللوم مافاد

........................ويوم الأمل في شوفتك مات نصفه

نويت أسافر عنك بجروح ٍ جداد

........................وعمر ٍ من أوراق الزمن حان قطفه

نويت , لكن جابني الشوق منقاد

........................وجابك حنينك , والزمن سال عطفه

شفتك تبــسّـم لي خجل مدري عناد

........................ وفي نظرتك شوق ٍ من الظلم وصفه

حسيت كني طفل , وعيونك أعياد

........................ياعيدي اللي له ورى الصدر رجفه

سـمّ اللقا صدفة , وأسـمّيه ميعاد

........................أنا أنتظرتك , وأنت مريت صدفه

اذا قصدك تعذبني فديتك ريح اعصابك...

تراك في ناظري اصغر من انك تحرق اعصابي...

انا الي في العلا شامخ ولاارضى الهون باسبابك...

وانا الي اثني اعزومك وابيعك دون لااهابي...

وش المعنى تجافني وترجع شايل اعتابك...

انا ماني على كيفك متى تبغى اتسلابي...

رفعتك من الدنى الواطي وشلتك عالي اهضابك...

ويوم اعليت لك شانك تجي الحين تهزا بي...

حشا والله ماتسوى بعيني حفنة من ترابك...

ولانزل يوم مالعالي كمن قدره على ترابي...

وقليل الشان لو يكبر يتوق فدرب متشابك...

ومهما في العلا يرقى باصله دوم ينعابي...

اذا قصدك تعذبني فديتك ريح اعصابك...

تراك في ناظري اصغر من من انك تحرق اعصابي...

إيه بدوية ريحتي بُن وبهار = هذا شرف ماهو بحقي خطية

أنا بدوية بنت حرٍ من أحرار = فزعات ربعي بالشدايد قوية

أناهلي يابنت وافين الأشبار = كأنك جهلتي من أنا ياغبية

ياجاهلة ماتغتذي الشمس الأنوار = حنا كما شمسٍ على الأرض ضيه

حنٌا هل الطولات هيبة ومقدار = حناٌ مثال للشرف والحمية

حنٌا الطنايا للكرم رمز وشعار = حنٌا خويٍ مايخلي خويه

الذيب يوم إنه عوى وسط الأسعار = عشوه ربعي من سنينٍ مديه

يوم إن جدك وتٌق القفل بالدار = بيت الشَعر مفتوح صبح وعشية

للضيف ريف للمعادين جبار = نرد العياض ولانهاب المنية

يابنت لو بكتب من أشعار وأشعار = تعجز معاني حروفي الأبجدية

اللعب خلي اللعب لعيال شطار = لاتدخلين السيل وانتي ندية

(وسلامتكم)

ياشينـهـا لاطــاح " دمــع الأكـابـر " ..!!
ياهـي كبيـره فـي " عـيـون العصافـيـر" ..

هــذا [ الـزمـن ] بعـيـون الأيـتـام غـابـر ..
وفي عيـن مـن عـاش [ التـرف ] هالزمـن غيـر

يـالـلـي [ طـعـونـك ] تقـتـلـك لاتـكـابـر..
لاتعـتـذر ../ ملـيـت كـــذب المـعـاذيـر

[ شفـنـي ] وتـعـرف كـيـف لاقـيـل صـابـر
[ شفـنـي ] وتـعـرف ويــش تعـنـي مقـاديـر

أضـحــك وفـيـنـي للـمـواجـع .. / مـقـابـر
ابكـي وضحـكـي "ذنــب" والـدمـع تكفـيـر

اكـتـب و [ دمـعـي ] صــار حـبـر المحـابـر
ويخـون فــي صــدري لـلأوجـاع [ تعبـيـر ]

( أنـا / أنـا ) علـى مـثـل مـنـت خـابـر
بـس / .. الـزمـن لــه باكـثـر الخـلـق تأثـيـر

"عابـر شمالـي " ../ شـح بـي وقـت عـابـر
واشـح بدموعـي عــن الـنـاس " يامـيـر" ..

اهـمـس وصـوتــي تشتـهـيـه [ المـنـابـر ]
ويـضـج صــدري " طعنتـيـن ومسامـيـر"

الحـب لابـو.. الـحـب ../ مقـطـوع دابــر
ماهـي قضـيـة ( خنجـريـن ومخاسـيـر)..!!

شـيء [ انكسـر] مـالـه مــع الـوقـت جـابـر
وخـل الـجـروح الـلـي [ بـصـدري ] مسايـيـر

ماقلتـلـك [ هـالـحـزن ] فـيـنـي مـثـابـر..؟
وصدري ../ ( قفص حزني ) و (قلبي به الطير)..!؟

بالله قــل لــي ../ كـيـف ودك اكـابـر..؟
كيف اعتـذر / .. واحكـي عـن الدمـع تبريـر ..؟

ماقلتلـك ...؟ لـو طــاح دمــع الأكـابـر ..
.. / ( ياهي كبيـره فـي عيـون العصافيـر )

لاتـحــطـنـي بـ راسـك و لا احـطـك بـ راسـي
رح قبـل لا تشـعـل بـ صـدري .. لــواهـيـبـه
/



يا شـاطر اصـحـى ولا تٌـزود لـي عـماسـي
الــراس يــابـــس ,,, ولا دارت دوالـــيـــبـــه
/

لـو تـنـكسـر شـوكـتـك .. ما يـنـكـسـر بـاسـي
جالس بجنب ابلـيـس .. يـروي لـي مـلاعـيـبـه
/

مـشـكـلتك .. انك على ( شعب الهوى ) قاسـي
ومـشـكـلـتـي .. اني عـنـيـده .. وكـاره الطـيـبـه
/

تراني حـساس .. وانتا تــجـرح احساسـي
وجـرح الاحاسيس عنـدي ... اكــبـر مـصـيـبـه
/

ان كان قــصـدك ,, تـعــلّـق قـلـبـي الــراســـي
كان غيرك اشـطر .. وبدري شـخـص يومـيـبه
/

رح بـلّــغ اللـي ... مــسـوّي حــضرتـه سامي
ان راح ( مايشوف شر ) وان جاء ( بهلي به )
/

اذا بـيـرضـى عـــلـي , قـــلــه : عـلـى راســي
واذا بيزعـل علـي يزعـل وش اسوي بـه ؟؟
/

بـدري علـيه .. اعتذر لـه واحـرق انـفـاســـي
يـبـطـي ونـجـوم الســمـا .. اقـرب مـطاليبـه
/

عـنـدي هــمـوم ٍ .. تلـهـيـنـي عـن انــعــاسـي
ماشـلـت هم (( الهوى / والشوق / والغيبـه ))
/

وانتا يا شـاطر .. توكّـل .. واتـرك احساسـي
لـعـبـة الأحاسيس .. فـيها اغـراء و مـصيبـه
/

لاتـحـاول انـك تحـــدى و تاخـذ قــيـاسـي
ما كـل شــي ٍ علـى بـالـك ... بـتـحـريـبـه

يابنت بالك لا يغـرك شياطين....حـذراك لايغـرك كـلام الذيابـه

يقول أحبك وأعشقك موت تدرين....أموت بك ياشوق شـوق الكتابـه

ويقصلك قصت حياة المحبين....يقول أحبـك وانتظـر منـك أجابـه

ويفرشلك الورد الحمر والبساتين....ويعطيك من حلو الكـلام بذرابـه

والله يخسي ولد المطي لا تصدقين....ملعون خايب يخزن السم نابـه

تكفين ثم تكفين يابنـت تكفين....لاتدنسيـن اسمـك ومنهـو وفابـه

أخوك لامنه قعد بالدواوين....يقعـد وراسـه فـوق فـوق السحابـه

يابنت والله سمعتك فوق الاثنين....سمعتك من سمعة عرب لك قرابـه

سمعتك ثم سمعتك تسوى ملايين....ثم سمعتك ثم سمعتـك والمهابـه

وأن قال أحبك أفهمي وش تردين....قولي المحبه بالردى لـي معابـه

وقولي له أهلي بالملاقى سلاطين....ودرب الدنس ياورع محدن مشابه

هذا كلامي وقولي اللي تقولين.....(( اللي يبيك يدل بيتـك وبابـه ))

والخاتمه يابنت طعم العسل زين....مير البـلا اليـا دنستـه الذبابـه

انا مالي معك ذكرى ولكن داخلي كابوس

يصحي الليل بعيونن بكت في يوم من شانك

وكثر ما هو البخت مايل لعنت بحظي المنحوس

على انه فيك اوهمني وتوهمني بعنوانك


ولكن هالزمن عبره وحكمه هالسنين دروس

وش اللي يمنع اني ما اتعلم كذبة احزانك

مادام ان الوفا طبعي ومحله داخلي مغروس

عسى تكسرني الفرقا.. ولا صدك وحرمانك

عيوبك للأسف تفضح بقايا همك المحبوس

وضميرك انعدم حتى جذورك تقتل اغصانك

اناني حتى مع نفسك وهمك داخلك ملبوس



عليك الله علمني وش اللي فيك ما خانك؟

الا ليت الكرامه والمحبه صمتها محسوس

لاوضح لك عدالتها لجل يختل ميزانك

وعلى فكره ترى قبلك يا ما انحنت لي روس

واخذ مني الدليل اللي يحطم ذل نسيانك

اذا كان الحكي يثبت ويكرم عزتن بنفوس

فانا لي عزتن تسوى ابوك وجد جدانك

يـابــوي جـعـلـك للـبـقـا والمـكـاسـيـب
عمـري بدونـك يالـذ ّرا ويـش أبـي بـه

يابـوي تسـأل عــن شـفـاك المراقـيـب
طـلـعـة سـواتــك لـلـنّـوايـف غـريـبــه

ليه المرض مايعـرف الزّيـن والعيـب ؟
مـايــدري انـــك للمخـالـيـق هـيـبــه !!

أبسألـك وش بـه غـزا وجهـك الشـيـب
والـقـلـب لايـــع والـنـواظـر شـحـيـبـه

وش بك تحاتي لانـوى المـوت تغريـب
تـخـشـى عـلـيـنـا بالـلـيّـالـي الكـئـيـبـه

خـذ دلّتـك واركـى علـى مسنـد الجـيـب
وعطنـي شماغـك بلثمـه وأحتـمـي بــه

ونـروّح لأرض ٍ بهـا العشـب والطـيـب
وتسـمـع كــلام ٍ يـالـغـلا تحـتـفـي بـــه

يـابـوي بنـتـك لاانـحـكـى بالتّـجـاريـب
كــل ٍ يـشــق لهـيـبـه الـصّـيـت جـيـبـه

يابـوي مانـي مـن ســوات المخـاريـب
الـلّــي تـجـيـب لعـلـيَـة الـقــوم خـيـبـه

وماني من اللّـي لامشـت حفّهـا الرّيـب
أنـــا مـــن الـلّــي مـايـدنّــس حـلـيـبـه

مرفـوع شانـي عــن غــرام المكاتـيـب
وأكبـر مــن انّـنـي أرتـضـي بالحبيـبـه

أنـــا غـرامــي لاابـتــدوا بالـتّـراحـيـب
نـفـوس الأوادم فــي وجــودي رحيـبـه

وان كــان زيـنـي فـتـنـة ٍ للمـصـاويـب
أحـــط وجــهــي بـالـحـريـق ولـهـيـبـه

زينـي أبيعـه وأشتـري سمـعـه الطّـيـب
اسـم ٍ ينـومـس بالـصّـروح الــذ ّهيـبـه

وان كان عندي ( بالحلا) شي ٍ اصعيب
عـنــدي جـــدود ٍ مـارضــت بالغلـيـبـه

دمــوع القبـايـل فــي لقـانـا مسـاكـيـب
كــــن الـمـقـابـر لاحـضـرنــا قـريــبــه

خضّبـت لـك كفّـي مـن العـز تخضـيـب
ورفـعــت راســـي للـنّـجـوم الصّعـيـبـه

والله لأســـدّك بـالـفـعـول المـصـالـيـب
والله لأشـيـلــك بـالـرخــا والمـصـيـبـه

طـلـع المـعـالـي ماانـحـكـم للـشّـواريـب
بـنـت ٍ وأنـاطـح فــارس الـقـوم طيـبـه

وياشيـخـي إبـشـر لـوتـدور الدّوالـيـب
بنتـك إلا منّـه عــوى الـذّيـب ( ذيـبـه)

في ليله هااديه والانوار مطفيه..
دق جوالي بنغمة راشد اغنيه..
رقم من الخارج رديت بحسن نيه..
احسبه خالي دق مشتاق ليا..
قلت:آلو..مين؟؟بنبرات جديه..
قال:آلوو..أهلين يا بنيه
قلت:نعم وش تبي أخلص عليه؟؟
قال:على هونك هدي شويه
قلت:لاتقول غلطان غلطه عفويه,,
قام يصرف قال:ايه ابي بدريه
قلت:غلطان يا اغبى ىالكره الارضيه
قال:طيب انتي كويتيه..؟؟
ولا من البحرين ولا اماراتيه؟؟
قلت:لاهذي ولاذيه..
بكل فخر انا بنت سعودية
انا بنت قوي الشخصيه
بنت ملك شامخ افعاله رجوليه
قاطعني قال:لحظه لاتصيري انانيه
بقولك حاجه مهمه وبالحيل ضروريه
تراك مغروره بدرجه خياليه
قلت:يحق لي دامني احلى من الحوريه
قال:يستهزئ تكفين يا روبي...حني عليه
قلت:وجع لاتشبهني بمصريه
ولا ناننسي ولا هيفاء الغبية
قال:شوي شوي يالعناديه
((ما سكت و أجبت اجابه إستراتيجيه))
قلت:لا ترآآني مو عــآديه
وبعطيك معلومه اضافيه
مرتبه من حروف هجائية
أنا ترااني
(((سعووودية)))
يعني بإختصار ما احب الاذيه
قال:بقولك حاجه سريه
انتي لك صفاات سحريه
كلامك وصوتك الحلو خلفيه..
وش رايك نسوي قصه غراميه..
يعني اتعرف عليك اعلمك الرومنسيه
قلت:اقووول نــــآآم واتغطى ببطانيه
انا ياولد من الذهب ماني مطليه
!!والفخر لي اني سعوووووديه