قلة التفاعل في المنتدى أسبابه وعلاجه

قلة التفاعل بالمنتدى أسبابه وعلاجه


اريد ان اسمع منكم اسباب عدم التفاعل بالمنتدى بكل ما نحن نراه والاداره لا تراه

نريد ان نضع يدنا على الجرح لكي يتم تضميده وعلاجه

نريد النقد الهادف والمشوره

رؤوس أقلام :ـ

هل أدارة المنتدى مقصره لهذا الحد بعدم فتح الطريق للأعضاء لسماع اقتراحاتهم ؟

هل إدارة المنتدى لاتعمل على ابراز المواضيع التي تستحق العناية بها ؟

اين المشرفين في تفاعلهم في جميع الاقسام وايضاً اقسامهم ؟

هل الخلل في المشرفين بعدم تشجيع الأعضاء في مواضيعهم والرد عليها ؟

كثرة غياب المشرفين هل هي السبب الأول في عدم التفاعل من قبل الأعضاء ؟

هل قلة مواضيع المشرفين الحصرية وعملهم المسابقات هو سبب من اسباب عدم التفاعل ؟

اين مميزين المنتدى ذو اللون المميز من التفاعل في المنتدى ؟

هل هذا اللون فقط لتميزهم بدخوله وخروجه من دون وضع بصمة تفاعل بالمنتدى ؟

ام فقط وضع له اسم مميز ولون مميز للبهرجه والتفاخر فيه ؟

لماذا لا نرى المميزين يضعون ويشاركون بمواضيع مميزه وحصرية من كتاباتهم ؟
لماذا يكتفي البعض بالنقل فقط وهل يعبر ذلك عن ابداعه وتميزه ؟
هل للنقاش دور في العزوف ؟

تسائلات كثيره ورؤوس أقلام قد تنفع هذه القضية في حل لو جزء بسيط منها

ولكن نحن نسعى بإذن الله تعالى على إصلاح وتغير ما نستطيع بأرائكم ومقترحاتكم

وأتمنى من الجميع التحلى بالجرأة والصراحه وبأسلوب راقي

أختكم :
الجازي

موضوعك جا بالوقت المناسب
حالة الاسبات اللي يعاني منها المنتدى مشكله كبيره وانا ارجع الاسباب
المشرفين المفروض يكون عندهم فعاليات يعني شي يجذب الاعضاء مثل مسابقات اسبوعيه ويكون لها ساعه معينه وتكون فيه لو اوسمه تتوزع في نهايتها وتكون شامله لكل الاقسام في المنتدى وتنكيت يعني شي يلفت النظر
مكن توزيع الاعضاء فرق فيها لزياده الحماس ياء كثيره يقدرون يسونها المشرفين بس انتم شدوا عليهم شوي وافصلو كم واحد يمكن يحسون >>خخخ امزح
وتسلمين

بارك الله فيك أختي الجازي
والله يعطيك ألف عافية على هذا الطرح الراقي والمفيد
والذي من خلاله أريد ونريد كلنا أن نعرف ما هي الأسباب
من قبل الأعضاء وحتى المشرفين والمشرفات
التي جعلت عطاءهم يقلّ إلى هذه الدرجة المعدمة تقريباً

أريد من كل واحد كتابة ما لديه من مشاكل
لا أحد يخفي عنّا شيء
وأنا أول المستمعين المنصتين

		المشاركة الأصلية بواسطة : اقتباس
	اين المشرفين في تفاعلهم في جميع الاقسام وايضاً اقسامهم ؟ هل الخلل في المشرفين بعدم تشجيع الأعضاء في مواضيعهم والرد عليها ؟ كثرة غياب المشرفين هل هي السبب الأول في عدم التفاعل من قبل الأعضاء ؟ هل قلة مواضيع المشرفين الحصرية وعملهم المسابقات هو سبب من اسباب عدم التفاعل ؟

تبغين الجد
بعض المشرفين والمشرفـات احس مـالهم اي بصمة
مع احترـامي الشديد لهم
مو كلهم .. بعضضهم

وانـا اشوف بعض الاشخـاص يسجلون ويشـاركون لاصـارو متميزين
تركو المنتدى .....!!!!!!

..


..

مشكورة

ننتظر إقتراحات الأعضاء بكل شفافية و اكد لكم أن الإدارة سوف تقوم بعمل كل ما تريدونه هنا

لي باك في الموضوع راح أكون صريح أكثر من اللازم !!




تسجيل خروج

والله اني احاول قد مااقدر اكون متواجده والمنتدى
اصبح جزاء من حياتنا
الفتره هذي اصبح ركود بشكل ملحوظ بالمنتدى وقل التفاعل وغياب بعض الاعضاء المميزين
حتى بالفعاليات مانشوف الا بعض الاعضاء

الااسباب اكيد من العضور نفسه وانا اولكم والخمول اللي فينا
وحتى بعض المشرفين مانحط اللوم عليهم بس مقصرين يعني نبغى تشجيع اكثير
وتنافس اكثر

ليه مايكون تنبيه من الااداره اوالمراقبين او حتى المشرفين يعني لوفيه خمول من عضو تكلمه الادره تنبه
نحط منافسه اسبوعيه اكثر نشاط للعضوء يكون تشجيع يكون له لون معين وسام مميز
وكل اسبوع كذا في عضو مميز

واكيد مادخلنا الا ونبي للمنتدى الرقي والتطور

وكل شخص له ظروفه بس انا يالعضور ليه ماخصص من وقتي لو ساعه او اقل ادخل اسوي اللي علي

لواتفقنا كل عضوء يخصص من وقتها للمنتدى حتى لوكان عنده ظروف مافي احد طول وقته فاضي
اكيد عندنامشاغل بس لوخصصنا بيكون حل للكثير
وان شاء الله يد بيدالتغير
وماراح نشوف مواضيع زي هالموضوع مره ثانيه
وانا اول وحده باذن الله


يعني كل اللي يلزمنااا
1_ العضو يشد الهمه ويخصص له وقت يوميناا
2_ تشجيع من الااداره والمشرفين والتنبيه على كل غلط وتقصير
3_التنافس ويكون منافسه اسبوعيه اوكل اسبوعين
4_للكل لاتفكر هذا منتدى وبس اعرف انها مكانك واذ طورته طورت نفسك وذاتك
لاتقول في غيري وين همتك

والله اني ابذل كل جهدي
لكل موضوع انزله عشان يعجبكم

والمنتدى غالي علينا
ويستاهل كل خيره

لي عوده للتكمله

^^..

فيه شي نسيت اذكره

اغلبية الاعضــاء يتجـاهلون بعض الموـاضيع

والسسب ..

ان كـــــــاتبـ\ـة الموضوع

شخص صغير بالسن ....!!!

يعني عمري 15 او 17 او حولهمـا

يعني اكذب واقول 20 عشــان يردون ولا يجـاملون

الله يعطيك العافية الجازي ..
الصراحة مطلوبة في مثل هالأمر .. وعلنا ً أفضل من إنها تكون سرا ً ..
كـ تجربة شخصية ..

بالنسبة للون المميز .. فأنا أراه هنا ليس للميزين فـ حسب !
بل كل عضو تصل مشاركاته عدد معين يصبح مميز !!

بعض الأعضاء المميزين نشاطهم أكثر من المراقبين والمشرفين !!
ومع ذلك الثناء للمشرفين والمراقبين أكثر من الثناء للمتميزين !!
تواجد المشرفين والمراقبين أكثر من تواجد الأعضاء .. ومع ذلك ردودهم ما تتعدى مواضيع معينة
وما نلقاهم بمواضيعنا نهائيا ً إلا في حالة التحرير أو الحذف !

التنبيهات للمواضيع ..
دائما ً أغلب مواضيع المشرفين والمراقبين في التنبيهات ..
هناك منهم من لا تخلو التنبيهات أبدا ً من مواضيعهم ..
وهنا أتكلم بالتعميم لا التخصيص .. فأنا شخصيا ً لا أنكر أن أغلب مواضيعي بالتنبيهات
لكن هناك أعضاء بذلوا مجهودات كبيرة في مواضيعهم لكن لا تنبيه عليها .. مع أنها تستحق !

الفعاليات الخاصة بالمواضيع ..
ومن الاخر .. فعالية طارق الشدادي
الثلاث مواضيع اللي تم عليها التصويت .. كلها لمسئولين في الإدارة !!
مع احترامي الشديد للمصوتين ولصاحب الفكرة .. والموضوع
وين الإنصاف ؟
كيف تبونا نجتهد ونتعب .. وتعبنا بالنهاية ما له شكر إلا برد على الموضوع ؟
مواضيعي اللي تعبت فيها شخصيا ً ولا واحد منها دخل التصويت ولا حتى المسابقة بكبرها !!!
ـ حلاوة العنقود في أعذب الردود
ـ تغطية الاحتفالية
ـ سؤال × أبيات
ـ لي إحساس ما تفهمونه
ـ الفعاليات اللي ثلاث أرباعها من أفكاري الحصرية لمنتداكم
ـ لاليء القصيد من نزف الوريد
وغيرها الكثير ..
معقولة ولا موضوع يستاهل يدخل المنافسة في مسابقة طارق ؟!!!!
وإلا المسابقة حصرية للمسئولين فقط ؟

مسابقة مزيج .. أجمل رسمة بمناسبة عودة الملك
مين شارك فيها من الأعضاء غيري ؟!!
واخرتها ما فيه جائزة !!
الجائزة لو جتني شكرتكم وما أخذتها .. ويا ما فزت بمسابقات بمنتديات ثانية ولا أخذت الجوائز
لكن ليش أنا بس اللي تم تجاهلي في الجائزة ؟!

تعامل بعض المشرفين والمراقبين مع الأعضاء
مهما أخطأ العضو .. المفروض يكون تعامل المسئولين راقي بعيدا ً عن الإساءة له
تعرضت لكلام سيء من مشرفتين علنا ً .. ومع ذلك أنا اللي طلعت غلطانة بالنهاية !
وحدة قلتوا عنها هذا أسلوبها .. والثانية ما رضيتوا عليها !
تعرضت ردودي للتحرير والحذف !
يعني تبون الأعضاء يكتبون اللي يعجبكم فقط .. ترضون بالمجاملة على حساب العضو
دائما ً أنتم بصف المسئول ضد العضو !

وتعرضت لإهانة كبيرة ومن أحد مسئولي الإدارة .. وكانت أشبه بالطرد الصريح
وما كان فيه أي ردة فعل سوى رسالة اعتذار من الإدارة !
لو كان عضو سواها مع مسئول كان مصيره الطرد ومصير موضوعه الحذف !!

عدم تشجيعنا على تقديم الشكاوى
أنا شخصيا ً أُتهمت أكثر من مرة بأني أسيء الظن
كل شكوى أقدمها .. يرد علي بإني أسأت الظن !!!!

المنتدى هذا استمرينا فيه لأنا حبيناه .. لكن مثل هالأمور مصيرها تبعدنا عن المنتدى شوي شوي
وأنا أقول هالكلام من تجربة شخصية .. كل المنتديات اللي تركتها ما كانت بسبب مشاكل
فجأة كذا يجينا الكره وننسحب بهدوء ..

هذا أبرز ما عندي .. وإلا باقي كثير .. أفضل عدم الإفصاح عنه ..


ورجاء ً أنا تكلمت لأنكم طلبتوا الصراحة ..
مالي خلق للجدال ..