الله وأكبر يا ليالٍ مضنا

أعضاء وزوار شبكة الشدادين السلام عليكم ورحمة الله وبركاته
أقدم لكم هذه القصيدة من الأرشيف عسى أن
ترتقي لذائقتكم الشعريه

البارحه قلبي تصافق طواريه=لين النجوم المرقبات أدبحنا
طيفٍ يجيني به وطيفٍ يوديه=وتلعب به الأشواق منا ومنا
على وليفٍ كل ماحل طاريه=حل العنا وأحتل قلب المعنا
لبيه ياطيفه ومليون لبيه=لبيه لو أيامنا فرقنا
لا زارني طيفه تذكرت ماضيه=والله وأكبر ياليالٍ مضنا
العام يدعيني له الشوق وأجيه=على الشرف مانخلف أسلوم أهلنا
واليوم غير الطيف مالي رجى فيه=حسبي على الأيام كيف أنكبنا
أفز من حبه لطيفه وأحييه=وأقول بلله خبر الزين عنا
وقله ترى والله مانيب ناسيه=ولا غيره أحدن فالعذارى فتنا
لكن شين صار ماهوب خافيه=ليت الليال بغيبهن علمنا
والوقت مايمشي على كيف راعيه=ولا جتلي وجتله على ماتمنا

مع تحيات/ الرحاااااااااااااال

الله الله يالرحال
صح لسانك أنااشهد إنك مبدع ماشاء الله علاك
ياليتني شااااعر
تحياتي وودي واحترامي

		المشاركة الأصلية بواسطة : عمرالحارثي اقتباس
	الله الله يالرحال صح لسانك أنااشهد إنك مبدع ماشاء الله علاك ياليتني شااااعر تحياتي وودي واحترامي

يامرحبا أخوي عمر الحارثي وصح الله بدنك
وشهادتك وسام فخر لي وأتمنى لك التوفيق
وأحمد الله إن ما أنت بشاعر
مامن الشعر غير وجع الراس ههههههههه
وألف شكر على حظورك ومرورك المتميز
وتقبل تحياتي وشكري الرحاااال

اخوي/الرحال
صح لسانك وسلم بنانك يالنشمي
ابداع واكثر من الابداع ولاهوغريب عليك ياسنايدي
لقصايدك طابع منفرد ومميز
لاخلى ولاعدم يالنشمي
تفضل بقبول مروري المتواضع وخالص تحياتي

الله واكبر عليك يالرحال

والله لي سنين


مامر على بالي طيف جميل مثل الطيف اللي أهديته علي الليله


الله يوفقك ويكثر من أمثالك


ولكن إنتبه لكتابة الكلمه بشكل صحيح


حتى ماتخل بالوزن وتغير معنى الجمله


مثل


الله اكبر يالليالٍ


هذه غلط وتكتب كذا الله اكبر ياليالٍ


وصح بدنك يامبدع

تسمح ياستاذ

المشتشار اللي نعـزه ونغليـه=حاكم صروح القاف خارج وطنا
ياقاف غيرك خافقي من يسليه=لادكت هجوسه على الطرق غنا
يالوعتي لوعة يتيـم ٍ بغاليـه=من لوعته في دنيتـه ماتهنـا
عليك يامن ينعش الروح طاريه=اصبر على فرقاك صبر المجنا
غنيت مع ذكرى الغرام ولياليه=وتنادبـن أفكارهـا واربكـنـا

تو
طرى طاريها
ههههههه
وصح لسااااااااااانك
يالرحاااااااال

كفو والله يا أبو ضاوي
شاعر كبير ومتميز
وابداعاتك لا نهايات لها

بيض الله وجهك
وصح لسانك ملايين

		المشاركة الأصلية بواسطة : جزل البيان اقتباس
	اخوي/الرحال صح لسانك وسلم بنانك يالنشمي ابداع واكثر من الابداع ولاهوغريب عليك ياسنايدي لقصايدك طابع منفرد ومميز لاخلى ولاعدم يالنشمي تفضل بقبول مروري المتواضع وخالص تحياتي

يامرحبا ياجزل البيان وصح الله بدنك وفكرك
ولا عليك زود وأنا اخوك
والله لايهينك ومشكور على حظورك وتقبل شكري
وتقديري الرحااااااااااال

الله الله الله يالرحال ومرحبا تراحيب الأمطار

وعودة قوية بشعر كالذهب في وزنه وأغلى ... و رائحة العود بالمعنى وأطيب ..

القصيدة تحاكي الغياب والحب ... جميلة جداً ورائعة وأطربتني كثيراً ..

صح إلسانك مدد بلا عدد يا الرحال يا مبدع

		المشاركة الأصلية بواسطة : وحي الألم اقتباس
	الله واكبر عليك يالرحال والله لي سنين مامر على بالي طيف جميل مثل الطيف اللي أهديته علي الليله الله يوفقك ويكثر من أمثالك ولكن إنتبه لكتابة الكلمه بشكل صحيح حتى ماتخل بالوزن وتغير معنى الجمله مثل الله اكبر يالليالٍ هذه غلط وتكتب كذا الله اكبر ياليالٍ وصح بدنك يامبدع

يامرحبا ياوحي الألم وصح الله بدنك ولسانك ويشرفني حظورك
وإعجابك والله لايهينك ومشكور على الملاحظه
الأملائيه تقبل شكري وتقديري