قطار الصبر

مافيه شيٍ تقتفيه الحسوفه = أغير شوف الزين صاف الثماني
أشوف خلي وأتهنا بشوفه = ولكنه أبعد من سهيل اليماني
يلوف قلبي شي . شيٍ يلوفه = البعد عن صاف الثمان يحداني
القلب يا مشكاي صعبه ضروفه = ياكم عذلته مير قلبي عصاني
شوف الغريب اللي من البعد خوفه = شاف العذاب وبار فيه الزماني
وأصبح قطار الصبر خايف يطوفه = يحسب للحظات العمر بالثواني
مافيه من دوم المواصل كلوفه = الله لا يجزا الردي بالحساني
أما يروف وشاكرٍ لمعروفه = وألا سلينا عن فلان الفلاني
نفسي عن الحي المقفي عزوفه = ماني بباغي واحدٍ ما بغاني

صح لسانك
واعتلى بالخير شانك
ولاهنت شاعرنا على القصيدة الرائعة

ارحب ارحب
يا شاعرنا العزيز
أبو سلطان
والله يحييك في منتداك بكل جديد ومميز
وصح لسانك ملايين

الله
يبقيك
ياطويل العمر
ولاعدمنا
دعمك وتشجيعك

صح لسانك
بيض الله وجهك ياشاعرنا
وعساك على القوه يااخوي

تسلم
ياخوووي
الله لا
يهينك

لاهنت اخوي حمد
واصل ابداعاتك
وننتظرك جديدك ياشاعرنا

يامرحبا ياللي
جمعت الشوق
وانت راع
الطيب



لاهنت