المسألة فيها نجوم الليل وهلال الشهر

السلام عليكم ورحمة الله وبركاته

اضع بين إيديكم هذه المتواضعه بعد طول الغياب واتمنى ن تحوز على اعجابكم

ياناس اشوف الباخره تجري مع امواج البحر=يلعب بها ربانها المغــــــرور في شليته
واعزتي لك يالعيون اللي مـايقـداهـا الـنظــــر=بأسباب قلبا ً شيّنت ســــــود الليالي نيته
ســــلام ياقـصــر المعـزه قـلتهــا بالـمـختصـر=يالي على اقرابه واصاحيبه مابانت سيته
ســـــلام يطلع للـــمعاني مثل مطـلاع الــقـمـر =من خاطرا غير الجزاله ماحتوت مطويته
بامر الكريـــم الـواحد المعبـود رب ٍ مـقـتـــدر =يـفـخـــر ليامنه عرض للمسـتـمــع منقيته
واعيد للمضمون حـول الباخــره يـامن حضـر =وش خانة الراعي مدامه ماحفظ لــــرعيته
المسئله فيها نجـــوم الليل وهـــــلال الشـهــر =ياقـــــوم ياللي تفهمون العلم من رمـــزيته
حـقيــقة ٍ مــره يعانيــــها الكثـيـــر من البشــر =في وقت حرِكها وتبـلش فالخبــــار وحيته
اصبح يقود القافله محساس نيــران الــقشـــر =مجنـون فتنه بيــن خلــق الله طـغت جنيته
يتعب على اللي له تجيب اللوم مقصوف الظهر=في كــل يوم يدق في صدر الوفـــا جنبيته
والمشــكــله ماله قديــمه لــجل فيــها يفتــخـــر=غيــر الدروب اللي تسود شــاربه ولحيته
يمشــي على وجهيـن مابين القياده والجبـــــر=ســذاجـته تـعـطـيــه مـع قـلة حيا حــريته
استغفر الله مابقى للطيب وأصحـــابه مقـــر =في عالما تفرض عليه الكبـــــريا رجعيته
مـدري متى القـايـد يفـوق من المنـام ويعتـبـر=فيما حصل في داخل المكتب وفي وضعيته
استسلم الــربان للأمواج وأصبح في خطـــر =والبحـر عمـره ما شتكى للي غرق في ميته
هاذي حقيـقه والحقيـــقه مايغيــرها الــدهـــر=يبقى الحدث ثابت على مـر الـزمن ماريته
وتبقى السفينه في مهب الريح عرضه للقَـدَر =والغصن يـرقص ويتـغنـى مع لحـن قمريته
لاشك حظك يالقشــر يهدم لبنيـك ماعـــمـــر =واللي حفر بأسوى النوايا طاح في حفـريته
والماء من اللي يغرفه لاصار بالارض انتثر =فكر معي وأقر الجواب اللي وضح في هيّته
ماني مطـولها لحيث العلم قطـفـا ً من ثمـــر =اليــوم واحـد والضحى ماتســبقه عصريته
وخـتـامها صـلاة ربـي عـد ما هــــل المطــر =على رســـول ٍ شع للأســـلام نـــور بجيته

اتمنى من المشرفين تنسيق القصيده لأن التنسيق ماقبل معي

مع خالص الشكر مقدما

أبو عماد صح لسانك

وأشكرك على هالقصيده وبصراحه أعجبتني كثير إذا هي على حسب فهمي لها

تقبل مروري

صح لسانكويعطيك العافيه ع هالقصيدهاعجبتني كثيرلك ودي

		المشاركة الأصلية بواسطة : اقتباس
	استسلم الـربان للأمواج وأصبح في خطر = والبحر عمره ما شتكى للي غرق في ميته

ابو عماًد


مراحباً بك مرتاً اخرى

قصيده تحمل الجمال ،

تسلم يمينكَ

دمت ب فرحَ

يا هلا والله من جديد
بشاعرنا العذب الغزير أبو عماد
والله يحييك يا الذيب في منتداك
وبصراحة القصيدة في الصميم
والله يعين الباخرة وركابها ..!!

		المشاركة الأصلية بواسطة : غالي اقتباس
	أبو عماد صح لسانك وأشكرك على هالقصيده وبصراحه أعجبتني كثير إذا هي على حسب فهمي لها تقبل مروري

هلا ومسهلا اخي غالي
صح بدنك ولاهنت على المرور العطر
وأسعدني اعجابك الذي اعتبره وسام فخر واعتزاز
تحيتي وتقديري

		المشاركة الأصلية بواسطة : بندر محمد اقتباس
	صح لسانكويعطيك العافيه ع هالقصيدهاعجبتني كثيرلك ودي

هلا ومسهلا بندر محمد
صح بدنك ولاهنت على المرور العطر
واعجابك محل تقديري واعتزازي ولاهنت يالقرم
تحيتي مع التقدير

		المشاركة الأصلية بواسطة : السلطان اقتباس
	يا هلا والله من جديد بشاعرنا العذب الغزير أبو عماد والله يحييك يا الذيب في منتداك وبصراحة القصيدة في الصميم والله يعين الباخرة وركابها ..!!

المهلي مايولي يابو عبد الله

صح الله بدنك وأسعدني مرورك المشرف الله لايهينك

تقبل جل الأحترام والتقدي

صح لسانك والله يعطيك العافيه
جزله من شاعر جزل لاهنت يالذيب..