إليا سكتنا ماسكتنا إلا أدب ماهو جزع

تبغ الصراحة حقوق الطبع محفوظة...وسرقة الشعر منبوذه ومرفوضه.
لكن باقي عليك اليــــوم ملـــحوظة... والنار ماتحرق إلا رجل واطيهـــا.



((أشكر كل من سأل عني أو راسلني أوهاتفني أوقابلني وجها لوجه, وهذه القصيدة كتبتها لمن أساءالظن بي , وقولني أقوالا لم أقلها أو نقص من قدري .
أما مناسبة القصيدة فهي قصة حصلت بيني وبين شخص عزيز على قلبي , ادخرته أخوته للأيام السوداء , ولكن الأيام لم تسمح لأخوتنا أن تبقى دون أن تعكر صفوها, وتقطع حبلها ,ويحضرني الآن شاهد قصة حدثت في قديم الزمن بين أبٍ واثنين من ابنائه; سأل الأول فقال :
-كيف ترى الرجال يابني؟
فقال الابن :
-أراهم مثل الذر.
فقال الأب:
- هم يرونك كذلك (أي يرونك يابني مثل الذرِ خسيس ومنحطا)
ثم سأل الأب الابن الثاني:
-وأنت يابني كيف ترى الرجال؟
فقال الابن:
-أراهم مثل الجبال.
فقال الأب :
-هم يرونك كذلك (أي يرونك عظيم القدر , عظيم الشأن))





ـــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــ

حليل من لاطال جوعه من يمينه ماشبعْ=ولو يمد على القطوف الدانيه ماطالها
عليه يلقط مايطيع ويستعيذ من الطمع=بعض النفوس ولو يطوّل جوعها فحلالها
ضاقت بمارحبت عليك الأرض وما صارت تسعْ=ياكيف ضاقت الأودية وسهولها وجبالها
طلّعت ريش (ن) مايسمى ريش ودك تمتنع=لا تحتمل مالاتطيق ونفسك ارحم حالها
ولا تِسيبع وأنت مانت ابسبع وقدامك سبع=ومنت داري بالسباع الضارية وأفعالها
ولوطلع لك ظفر لاتحسبه مخلاب طلع=ماغير تدمي به جروحك إللي أدنى مالها
اليوم عندك زود لكن بعد بكره تقتنع=وتعود تسحب ذيلها وتجرها بحبالها
ماطار طير وارتفع إلاكما طار وقع=أقولها وإن كان قبلي قالها من قالها
ولايتطاول واحد (ن) حبله قصير ومنقطع=وحبالنا ماتربط إلا العروة الوثقى لها
كم واحد (ن) حاول ولكن بعد ماحاول رجع=ولا أنت تعود قبل تلقى لطمة تعمى لها
إليا سكتنا ماسكتنا إلا أدب ماهو جزع=واليا تكلمنا نقول من الهروج أثقالها
نحب نسمح والسماحه فينا موروث وطبع =ناخذ ونعطي ومايشيل الحملة إلا جمالها
واليا تداعينا تقيدنا المذاهب والشرع=ونقلب الدعوى لمن كانت الدعوى لها
عرفت الدنيا وأنا دوري بصير ومستمع=والتجربة برهان والحكمة لمن يسعى لها
خليك من التقليد الأعمى لاتكن دايم تبع=لاتقتدي إلا بالنبي والنفس في منزالها
وإن ماوسع صدرك لسرك صدر غيرك مايسع=حاول تخلي قدرإجبتك بقدر سوالها
وإن كان شفت الناس تعميها الدخايل والبدع=بيتك يسعك وحاجتك لازاد تروح إلا لها

[BLINK]خوي الذيب[/BLINK]

خوي الذيب صح إلسانك ويعطيك العافيه ...

هلا عبدالله وش اخبارك وش علومك

وش قصدك بموت زعيم الحارة ههههههه

صح لسانك اذا هذي قصيتك بلغني ع الخاص

لك الشكر

صح بدنك يابندر , وشكرا لك على مشاركتك.



ـــــــــــــــــــــــــــــــــــــــــــ

		المشاركة الأصلية بواسطة : اقتباس
	هلا عبدالله وش اخبارك وش علومك

حيا الله نفل ...

علومي تسرك, وتسلم على السؤال, والحمدلله على سلامة أخوك.

		المشاركة الأصلية بواسطة : اقتباس
	وش قصدك بموت زعيم الحارة ههههههه

زعيم الحارة , وزعيم الحب , وش جاب سعيد عند مسعد.

بس تبى الحق يأبو عائض إن كان زعيم الحارة مات ترى ماماتت شهامته ونخوته , مادام فيه

مثلك وشرواك.

		المشاركة الأصلية بواسطة : اقتباس
	صح لسانك اذا هذي قصيدتك بلغني ع الخاص

صح بدنك , وهل في هذا شك ؟؟؟

وبعدين أنت تعرف الحوالية لوما الدين الي فيهم كان اطلعوا كلهم شعار ....


تسلم يأبو عائض , وعساك على القوة .

صح السانك ياطويل العمر

بيض الله وجهك على هذه القصيده الرائعه

تقبل مروري

صح لسانك ياخوي الذيب على هالقصيدة

القصيدة غير منسقه اتمنى ان تتلافى ذلك في المستقبل

واتمنى من مشرفين المنتدى الانتباه لجميع القصائد المخالفه

http://www.shdadeen.com/vbq/showthread.php?t=23395

		المشاركة الأصلية بواسطة : اقتباس
	صح السانك ياطويل العمر بيض الله وجهك على هذه القصيده الرائعه تقبل مروري

شدادي إن يو إس يو .....أشكرك على مشاركتك

يا هلا والله وألف مرحبا يا أبو عايض

صح لسانك ولا هنت وبيض الله وجهك على هذه القصيدة الطيبة

معروفين والله ذوي عواض بالشعر من سنين طويلة

المهم

نشوف لك قصائد أخرى في القريب العاجل إن شاء الله

خوي الذيب صح إلسانك ويعطيك العافيه ...

خوي الذيب
صح لسانك وبيض الله وجهك
يالذيب ياخوي الذيب وفقك الله
وتقبل تحياتي