سالفة الشدادين والبقوم في الرقيق وقصيدة الصلاخي

مساكم الله بالخير يا عيال العم
اليوم جايب لكم سالفة للشدادين مع البقوم ومعروفه السالفة يمكن أكثركم يعرفها
والسالفه هي أن بعض الشدادين على راس حسن بن قنا وغلاب بن عويض كانوا في الرقيق رايحين يبون غامد ومنطقة الرقيق هي بين ديار بالحارث والبقوم من جهة الشلاوى وبالخصوص كانوا جهة الخياله ومع الضحى ولين هذي خيل البقوم مغيرة وعقيدهم ابن عايش من شيوخ البقوم على حلال فريق من الحرث مابين شلاوى وبنيوس وكانوا بالحارث قليلين ولحسن الحظ كانوا الشدادين موجودين ففزعوا الشدادين لربعهم وكسروا البقوم وأخذوا منهم عشرة من البنادق يقالها الصمع عاد دروا بالحارث بالسالفه وان الشدادين ماقصروا وفيه واحد من الصلاخات اسمه سعيدان الصلاخي درا بالسالفه ويوم جاء يوم العيد راح يعيد على الشدادين وهو يغني هذي البيوت

يا سلامي على من حمى الديرة = قوم شداد من صلب قحطاني
يوم جت خيل ابن عايش مغيرة = ريعوها عطيبين الاكواني

ورد عليه واحد من الشدادين يقول

يا سعيدان يا طيب السيرة = ما نبا منك شكر وتمناني
يوم خطو الردي ملازمن عيرة = ذي فعول لنا من عصر جداني

وسلامتكم جميع

يا هلا والله وألف مرحبا بأخوي الجبل

حياك الله في منتديات ربعك الشدادين

ونشكرك على طيب مشاركاتك

والله يرحم موتانا وموتى المسلمين

الجبل

حياك الله وحي ماجبت من العلوم إللي

تنومس بيض الله وجهك على سرد هالقصة

الجميلة بارك الله فيك وننتظر منك المزيد.

لاهنت

يالاميـــــر


على هالقصه الرائعه والشدادين أهل الجيش الحمر وأهل الفزعه من خلقة الدنيا

ولاهان راسك يالامير

يعطيك ا لعافيه اخوي الجبل

قصة طيبه وقصايد جزله


بارك الله فيك تقبل تحياتي

مشكور اخوي الجبل لاهنت على القصه

والابيات اللي ذكرتها

الله يعافيك وحياك الله معنا

لا هنت أخوي الجبل
والله يكثر من أمثالك إللي يقدمون قصص قبيلتهم ويحفظونها

رحمهم الله جميعا
وبارك الله فيك ياأخي الجبل على النقل
لا هنت يالنشمي

بيض الله وجهك يابن العم
وهذا العلوم اللي نتنومس بها
واللي نباها في المنتدى
ومشكور يالغالي

		المشاركة الأصلية بواسطة : ابو شاص اقتباس
	ونعم والله في اللد شداد بس عندي ملااحضه ان بعض الشدادين مهايطيه اذ جو في المجلس يمدحون انفسهم اكثر من اللاازم

المهايطي ما يروح بعيد
ولكن القصص المذكورة في المجالس حقيقية وتدل على شجاعة أجدادنا وكل القبايل التي كان لها مواقف ومعارك مع الحرث تشهد للشدادين على وجه الخصوص بالشجاعة

(وقالوها معارف لي من قبائل متعددة الحرث ما فيهم إلا الشدادي والشلوي)

وأسأل الله أن لا أكون من المغرورين
كلكم لآدم وآدم من تراب
سبحانك اللهم وبحمدك أشهد أنه لا إله إلا أنت أستغفرك وأتوب إليك