رمز الأمن ومظلة الأمان ( سيدي النائب الثاني وزير الداخلية يحفظه الله )

بسم الله الرحمن الرحيم

إهداء إلى سمو سيدي النائب الثاني لرئيس مجلس الوزراء ووزيرالداخلية

صاحب السمو الملكي الأمير نايف بن عبد العزيز . سلمه الله.

رمز الأمن والأمااان

سلام للنـــائـــب الثانــي يوداله=سلام قلــــبٍ يخصــــه بالغلى كلّه
سلام يستـــاهله نايــف ويهداله=رمز الوطن ذا لامان ولامن في ظلّه
سلام مثــل المــزون الغرّ مخياله=يروي عروق الشجــر بالمزن وإيعلّه
سلام ما غـــرّد القمري وغنـّــاله=من يستمع صوتها فالغصن ما ملّه
يامجــدنا يافخـــرناراعـــي الطاله=يانايف النايفــــــات وفخــرنــا كلّه
يارجل لاعــلام له صـــاله وله جاله=يا صاحب الفكـــر ياحامي حمى الملّه
لارهاب نوعين والفتنة من إهباله=ولكل نــوعٍ شـــــــرور وعلّتـه عله
لارهاب يشكي فضا لاعــلام غرباله=والشر في باحـــة الإعــلام له شله
البعض منهم ظهر لك وإنكشف حاله=والبعض منهم تلاشى وأنت تفطن له
وآخر على الظلـــم والتفجيرمواله=يتبع ضــــلالٍ ويتبع قـــومٍ إمضله
لكـــن من فعــل نايف خر وإهباله=وذابت عقـــولٍ عن أهل الحق منحلّه
شجيع حطّـــم صخــر لإرهاب زلزاله=ياطى على هــــامه الإرهــاب وإيذلّه
أنت الفخــر لو تغيب الفخــر من ذاله=وصلت ذا مـــاحــدٍ من النـــاس ياصلّه
فاق الزعـــامات في الاوطـــان بأفعاله=ونجــــاح نايف تــــراي إلكل ينظرله
البيض فـــاله وفي لافــــاق تبناله =وفي كل رجــــمٍ عــلا ترفع وتنشرله
نايف وبأعلى هـــرم لامجاد منزاله=يستاهل المـــــدح والناموس تاجٍ له
والمملكــــة فالها بالسعد من فاله=بقلوبنا له شهــــادة فخر شكرٍ له
ونائبــه مفخـــرة للأمـن وأبطـاله=ومساعده ذا همــوم الأمــن شأنٍ له
منهو لهــا غير ذاك العــود وإرجاله=والمجــــد ذاه أســـســه من كان كفوٍ له
صقر الجــــزيــرة إلى ما جيت ترقاله=حـلِّـق ترى مفخــــــرة لامجاد إرثٍ له
لاجيت أفكّـــــر ففكـري ما تعنّـاله=لانه بفكـــري وقلبــــي يشبه الغلّه
العــود ياطيب ذاك العـــود وإعياله=يانبتت الطيــب ذا للخيـــر و إمظلّـه
فكّـــر ودبّـــــر ولاناظــــر لعــذاله=ورســـم وخطـط ورب العرش هادٍ له
ويمـــم إلى نجـــــد في ستيــن خياله=من تـــالي الليل والفــرسان منسلّــه
ومن وصل فيحـــا الــرياض وحل بتلاله=هب النسيـم وعــراوي القلب مشفيٍ له
وبادر بشلفــــــاً تســوم الخصــم لآجاله=وأذّن بنصـــر الإمــام وخصمـه أذعن له
وردد صـــداها الوطــن وتردد إجباله=والسهــل والأوديــه والهضــب والتلّه
وجـوّه وبحـره وجـــات الخلق تسعاله=وتبـــــايعــــه طاعــةٍ لله وإرضاً له
وتباشــــر الكــــــون لمّــا نوّر إهلاله=وأمّــــن حـــدوده وشــرع الله نهجٍ له
روحـــه إلى باحـــة الفــردوس وإظلاله=وياحـــظ من كان خيـــر الخلق جارٍله
أخّــر أُســودٍ حمـت مجــده ومدهاله=ألاّ ســـــلاطيــــن لارض وعــزها كله
ذامات منهم عسـى الرضــــوان يجزاله=وذا حــَّــي يحيـــــا بـــلا ضُــرٍ ولا خِــلِّه
واليــوم في ظــل بومتعــــب وحنّاله=بومتعـــب إلّي عســــى لارواح فدوٍله
وأنعم بذاك الزعيــــم وميـــلة إعقاله=تاج الوطــن ذا "حبيب الشعب" إسمٍ له
وولي عهــــده سحــــــاب الخيــر يبراله=كالغيـــث يـروي جفــاف الأرض والحِـلّه
الكل يــــدعي كريــم الوجـــه وإيساله=يـــارب تشفيــه من ضيـــمٍ ومن عـــلّه
بوخـــالد أبــآتشــرّف وأكتـــب إرساله=ياليـت ترسـلْ على العـاجـل وتاصـل له
أرواح شعبك تنــــاجي الله وإتساله=وفــاً لرجــــلٍ قضــــى عمـره وفــيٍّ له
ما يأنس الشعـب ليـــن إيحـــل برحاله=ويعــود متعــافـيٍ مـن غيــر شــرٍ له
وصلوا على من لـداعي الحــق لبّــاله=نبينــا ذا سبيــــل الخـيـر نهــجٍ له

****

25/06/1430هــ. أبوفيصل

بيض الله وجهك أخوي أبو فيصل
وصح لسانك ولا هنت يا الذيب
ويكفي أن تقال مثل هذه الدرر في
أمير الفضيلة
سيدي نائف حفظه الله ورعاه
وأتمنى يا أبو فيصل
فضلاً لا أمراً إنك تنسق قصائدك

ابو فيصل ،
مهما تكلمت ومهما عبرت
لن اوفي جمال ابياتك
مبدع بكل قصائدك تعجز حروفيُ
يعطيك العافيه تسلم يمينكَ وطول الله عمر
مملكتنا

صح لسانك ابو فيصل

حقاً يستحق أكثر من ذلك الأمير الفاضل

أمير الفضيله كما أحب أن أسميه

صح لسانك وعلا شانك لاهنت

تحيتي لك

	إخواني سلطاننا الغالي العزيز لبيه العزيز غالي العزيز من رؤس بنيوس أحييكم ويشرفني وجودكم بجواري وإهتمامكم بي والإشادة بما اطرح....

صح لسانك وعلا شانك
يعطيك العافيةولاهنت