( جورج بوش ) الرد على قصيدة زعيم الحب

السلام عليكم وصباح الخير .....

هذه قصيدة الشاعر زعيم الحب بعنوان يــــابدوي ..

http://www.shdadeen.com/vbq/showthread.php?t=12688

يابدوي يمناي ماتلطم رخوم=فعلها عند الرجال اللي تهوش
عندي العزه وميراث وسلوم=ماتهيضني سواليف الجحوش
انتخي من راس وجنوني تقوم=لين السوق الصابيه سوق الطروش
كم تحت رجلي تكسر من زقوم=يا ولدعمي وانا افكاري تطوش
دونك المرسال ياشهم اللطوم=علم حمار العرب ينقل عفوش
لاتضيعه الهقاوي مع قروم=والله ليبطي لذكري ماينوش
فرق مابين الثرا واعلا النجوم=خضبوا يمناه وحطوله نقوش
ليس كفواً بالمراجل لايروم=يده وماتقدرعليه و ماتحوش
واشهد انه لو تعزوا فرخ بوم=يعني انه فالنهايه فوش فوش
يابدوي عن فعلنا عطهم علوم=لحتزمنا ماخلت بيض النعوش
من ذوي عواض والعليا تدوم=مجدنا يرقى على كل العروش
في يميني رمح والاخرى صروم =ارد الهيجاء ولي وجهٍ بشوش

وهذا ردي على قصيده الشاعر زعيم الحب ....

مرحبا وانته مقدّر ومحشوم=والوفا والطيب يشرى بالقروش
من رياجيلٍ يسدون اللزوم=والقدور بكل ما فيها تغوش
يا نفل يا نسل جالين الهموم=الرجال اللي على الفزعه تشوش
يا عصابة راس ساطين العزوم=لا توانا عزم ابوقلبٍ خروش
من ذوي عواض والنعم العموم=جعل تفداهم إمحدّرت الفروش
قسمهم في الطيب من جزل القسوم=والصمايل عند صملتهم تكوش
عد يا ذيبان في راس الرجوم=والله ان ماني بذا الدعوى بلوش
مار مثلك عن سفاسفها يشوم=وكان تبغى العلم ماهوب إمخشوش
مانبا من بيننا زرق السهوم=ولانبا نقل الخطا عبر الدشوش
يفرح المقرود نقّال العلوم=ويضحك القلب المعادي والحروش
إندوش راسي بتفسير الحلوم=ما جناه إبلير دبرة جورج بوش

بدوي فاهم

عد يا ذيبـان فـي راس الرجـوم=والله ان ماني بذا الدعوى بلـوش
مار مثلك عن سفاسفهـا يشـوم=وكان تبغى العلم ماهوب إمخشوش
مانبا مـن بيننـا زرق السهـوم=ولانبا نقل الخطا عبـر الدشـوش
يفـرح المقـرود نقّـال العلـوم=ويضحك القلب المعادي والحروش

بيض الله وجهك
وفيت وكفيت
تحياتي لك
ومثلنا عن سفاسفها يشوم

صح لسانكـ أخوي بدوي فاهم ولا هنت على ردكـ الجميل


وصح لسان زعيمـ الحب ..


الله يعطيكمـ العافيه

يا عصابة راس ساطين العـزوم=لا توانا عـزم ابوقلـبٍ خـروش
من ذوي عواض والنعم العمـوم=جعل تفداهم إمحـدّرت الفـروش
قسمهم في الطيب من جزل القسوم=والصمايل عند صملتهـم تكـوش

ونعم ونعم ونعم في ربعنا كلهم

صح لسانك يا مشرفنا ولاهنت يالذيب

قصيدة ورد من أجمل الردود وأعذب القوافي

صح لسانك يازعيم وصح لسانك يابدوي ولي عوده

صح لسانك يازعيم
و
صح لسان بدوي فاهم

اخوي

بدوي فاهم

إندوش راسـي بتفسيـر الحلـوم = ما جناه إبلير دبرة جورج بـوش

قمة العقل والحكمة

صح لسانك والله يعطيك الف عافية

ودمت

بدوي فاهم لاهنت


وفيت وكفيت يا ذيبان

وبيض الله وجيهكم


أنت وزعيم الحب

إندوش راسي بتفسيـر الحلـوم=ما جناه إبلير دبرة جورج بـوش

سلامت راسك..وصح لسانك..
رد بالغ القوة والدقة والتأثير..
لله درك .. جزل مبنى ومعنى.
تحياتي

		المشاركة الأصلية بواسطة : زعيم الحب اقتباس
	عد يا ذيبـان فـي راس الرجـوم=والله ان ماني بذا الدعوى بلـوش مار مثلك عن سفاسفهـا يشـوم=وكان تبغى العلم ماهوب إمخشوش مانبا مـن بيننـا زرق السهـوم=ولانبا نقل الخطا عبـر الدشـوش يفـرح المقـرود نقّـال العلـوم=ويضحك القلب المعادي والحروش بيض الله وجهك وفيت وكفيت تحياتي لك ومثلنا عن سفاسفها يشوم

وجهك ابيض يا نفل ...

وسلمت يا الغالي ...