دون نزع الموت ما به وجع

ويش الوجع دون نزع الموت مابه وجع=مادام به روح تضمن للجسد قومته
ماهمك اللي تعلم من خطاه ورجع=مادامها توبته غطت على حوبته
بلاك منهو ليا شديت حيله وقع=دون النوايب ولا يشفيك في نوبته
قلب المعنى من احداث الزمان انشلع=تشوف وتشوف مالا ترتضي شوفته
نجم توارى بمغرابه ونجم سطع=والوقت دوار يكفينا الولي دورته
الشر مسموح تحت ظلال خير انمنع=والظلم مدموح والسم اعتلا شوبته
تقارب الوقت واختلت دروب السنع=واعطى الثمن عاشق الدنيا لمعشوقته
يامكثر الكسب لكن زاد فيه الطمع=وفاضت من الجيب نهباته ومسروقته
بعض الرجاجيل عداه السرا وانلطع=عيبه يعاف الخنا واستكثرو عوفته
الطبع مطبوع دامه بالقلوب انطبع=ومن بار بك بار لكن تلحقه بورته
حبل لزمناه باليمنى وحبل انقطع=وليل سريناه يامشفي على نومته
المقبل اقواه والمقفي قفاه انصدع=والعمر طيار والخاطف بمقصورته

ارحب ارحب
يا شاعرنا العزيز أبو فهد
والله يحييك اليوم ودوم

لا هنت على طيب وجزالة مشاركاتك
والله يبيض وجهك

		المشاركة الأصلية بواسطة : السلطان اقتباس
	ارحب ارحب يا شاعرنا العزيز أبو فهد والله يحييك اليوم ودوم لا هنت على طيب وجزالة مشاركاتك والله يبيض وجهك

ابقاك الله واغلاك اخي السلطان العزيز
ابيض وجه
ولاهنت ولاعدمناك

.


















الطَبع مَطبوُع دامهُ بالقلوُبْ إنطبَّع
الطَبع مَطبوُع دامهُ بالقلوُبْ إنطبَّع
الطَبع مَطبوُع دامهُ بالقلوُبْ إنطبَّع


.

.


حيَّاكْ الله سَفيِر وَ شَاعِر نَّصٌ فَاخِر ذوُ علوُ فيْ المعنىَّ
وَ جزائِلُ فيْ القافْ كَفانا الله وَ إياكُمْ شَّر دوُراتْ الزمَانْ
وَ صَّح الله بوُحكْ مَلاييِنْ وَ لا هِنتْ ’

ابو فهد

يامرحبا والله ياالامير وصح لسانك ملايين والله وتقبل مروري وتقديري

		المشاركة الأصلية بواسطة : ! سارة الغيد ! اقتباس
	الطَبع مَطبوُع دامهُ بالقلوُبْ إنطبَّع الطَبع مَطبوُع دامهُ بالقلوُبْ إنطبَّع الطَبع مَطبوُع دامهُ بالقلوُبْ إنطبَّع حيَّاكْ الله سَفيِر وَ شَاعِر نَّصٌ فَاخِر ذوُ علوُ فيْ المعنىَّ وَ جزائِلُ فيْ القافْ كَفانا الله وَ إياكُمْ شَّر دوُراتْ الزمَانْ وَ صَّح الله بوُحكْ مَلاييِنْ وَ لا هِنتْ ’

سلمت يديك ياسارة الغيد
شاكر لك على هذه المفردات الادبيه الفريده
ولاهنتي

الله يعطيك العافية ع الايراد الرائع ، ماقصرت
شكري وتقديري ..

		المشاركة الأصلية بواسطة : احمد الروقي اقتباس
	ابو فهد يامرحبا والله ياالامير وصح لسانك ملايين والله وتقبل مروري وتقديري

اخي العزيز احمد الروقي
ابقاك الله واغلاك
وصح بدنك يالنشمي
ولاهنت ولا عدمناك