عزاء ولاعرض

حبيت أشاركم اليوم في موضوع من يومين مظايقني ورافع ظغطي
أبا أتكلم عن الأدب والمذهب في العزا…. بارك الله فيكم اهل المنتدى ... تمينا انشوف في هالزمان تقاليع غريبه ومب في وقتها أبداً... أحنا اللي انعرفه من استوينا واستوت الدنيا أن الناس في العزا يسيرون يتخلفون حق أهل الميت.. وياخذون بخاطرهم ويواسونهم .. صح يا جماعة الخير والا جاني غلطانه خبروني؟؟
والناس في العزا يكونون حزنانين... يعني اللي بيسير يراعي أهل الميت في اللبس والشكل .. بس اللي أشوفه أحين والله أنه يقهر ويحز فالخاطر.. أيون يتخلفون وهم جنهم سايرين عرس.. الميك أب (أونه صباحي أو طبيعي.. مسكينه ما تقدر تتنازل عنه النص ساعه اللي بتعزي فيها)... ولا العباه المفصصه ( أحينه عباتج عباة أحتفالات ما عندج عباة ساده ما تجرحين فيها أهله مساكين) ولا المترصصه بالبنطلون( الله ياسع عليج حبيبتي بالجلابيات )ولا اللي تي ويا ربيعتها وقابظه الموبايل وتتظحك وتتصنكع من خاطرها والله أنا نشوف شي يعل ويقهر.. يـــــــــا جماعة الخير الحمدلله لسنا كأهل البدع فنحن ولله الحمد لا نلطم ولا نشق الجيب ونأكل ونشرب ونكمل ما بقي لنا من عمر بدون ( يوم يا ويوم سوا وليش مات) والحمدلله نحن نتكلم عن أمور الحياه في العزا ونتبسم ونضحك الضحك الخفيف ... ولكن نراعي حرمة الميت وحزن اهله .. والله أن من العرب عينهم دوم مغرغره لكن متصبرين ومحتسبين.. ماي أنا أعزيهم جنه العيد عندي ولا جنها عزيمه ... هم ترا بعد غامظنهم ميتهم لكن مب رايميله حيله ولا بعد يرومولج أنتي.. ما بيقولون لج ليش أختي متعدله ومتزينه.. أنتي يايتنهم في بيتهم.. شو بيسوون مساكين… بيروغونج.... المفروض أنا سايره اأدي واجب وباخذ عليه أجر من رب العالمين ما فيها شي جان بصبر شويه عن العدال لجل خاطرهم
في نهاية ماقول غير الله يرحم الميت
متعمدة اكتب بلهجة اهل الميت

رنة خلخال


والله انك صادق
يعطيك العاااااااااااافية

الله يصلح شباب وبنات المسلمين

مشكوره اختي رنه على هالطرح المميز

مودتي

رنة الخلخال ،،،
طرح رائع للموضوع ...

وبالتأكيد هذا شيء ملاحظ هذه الأيام
وليس شرطاً أن تكون في المظهر ،،،،

بل في الكلام ،،،
حيث أن العزاء في وادي والكلام في وادي ثاني ...

تقبلي مروري ...

رنة الخلخال

تمنيت أن يكون الطرح بلهجتك

حتي يستفيد الجميع من الموضوع

شكراً على الطرح

		المشاركة الأصلية بواسطة : قلب الأسد اقتباس
	رنة خلخال والله انك صادق يعطيك العاااااااااااافية

يعافيك الرحمان
اخوي قلب الاسد

		المشاركة الأصلية بواسطة : عبدالله الشدادي اقتباس
	الله يصلح شباب وبنات المسلمين مشكوره اختي رنه على هالطرح المميز مودتي

مرحبا الساع >>>>عبدالله

اللهم امين

		المشاركة الأصلية بواسطة : حاتم الشدادي اقتباس
	رنة الخلخال ،،، طرح رائع للموضوع ... وبالتأكيد هذا شيء ملاحظ هذه الأيام وليس شرطاً أن تكون في المظهر ،،،، بل في الكلام ،،، حيث أن العزاء في وادي والكلام في وادي ثاني ... تقبلي مروري ...

هاي زبدة الكلام
انا جاية اعزي ( قل خيرا او فلتصمت )
والمشكلة ياحاتم طلعو الرجال مثل الحريم مجالس الرجال كلها سوالف في الاسهم
يسلمو على المرور

		المشاركة الأصلية بواسطة : غريب بدياره اقتباس
	رنة الخلخال تمنيت أن يكون الطرح بلهجتك حتي يستفيد الجميع من الموضوع شكراً على الطرح

غريب شو بلاهااااالهجة
احد قالك اتكلم فرنسي ..اللى موفاهمه انت من كلامي انا مستعدة اجيبها بكل اللغات سوري غناتي بكل اللهجات

مشكورة أختي رنة الخلخال..

موضوع رائع .. يعطيك الف عافية..

تحياتي لكـ..