ام الحمام

اخواني واخوااتي الكرام في منتديات الشدادين
السلام عليكم ورحمة الله وبركاته
اطرح امامكم هذه الابيات المتواضعه راجيا ان تحوز على رضاكم

سلام ياشيخ بندر التجار والدعوه سلام=لو كنت ماني شهر زاد ولا قريب لشهر زاد
انا مواطن لي حقوق ولي على مثلك ملام=وانته مواطن كلفك ربي بخدمة هاالعباد
مرور صوتي ياطويل العمر من ميمه للام=واقف على حد الخطوط الحمر ماعنها حياد
والسقف لم ارقاه واضربله تحيه واحترام=متقوقعه نفسي في محرابه بجمله وانفراد
ساعة طرية افبالي المتخم وانا وسط الزحام=شفت الشجر ميت وضله حي والوقفه عناد
لان الشجر يحمل طموح الضل حتى في الضلام=ويرمم انفاس القوايل لاتعذرها الرقاد
مريت اسولفلك عن الواقع واعده باالتمام=وارسم دهاليزه وانطقلك من الصوره جماد
ياصاحب القلب الرحيم الوضع يوحي بااحتدام=مابين سنتي المتر والميل من غير امتداد
مابين صادر يتبع الوارد تصدر بااهتمام=وجاري مع التنفيذ يترقبله اوراق اعتماد
تعثر التفكير في عشه وعششبه ضلام=واتطاول التخمين واسترسل من الواقع عتاد
الكل يتمنى لعل وفي عسى يكمن غمام= نرقب هطوله والطمع في فضل ربي باازدياد
مباح لاامثالي يشم الورد واعواد البشام= وغيري تعطربه وفاحة ريحته مع كل واد
يااليت دخلك يعتبر محدود ويصير انسجام=بين الوزير المعتبر واجير عايش في اضطهاد
وتحتاج خمسه ريال سلفه تشتري منها ادام=وواحد لبن صافي وعيش ابيض مع واحد زباد
ويقطعبك البنزين وانت تدور في ام الحمام=تبغى محطه والمحطه بعد كيلو وازدياد
وتدقها في الحر كعابي وخلق الله صيام=وتعاف نفسك واتضايق بعد ماشفت الهجاد
وتاقف بنفسك تحت خط الفقر واتعيش انفصام=يعرفك ان الزمن دوار والدنيا جهاد

يا هلا والله ومرحبا يالقمة وحياك الله
أبطيت علينا وآجد ..وأبطى عنا شعرك الجزل الجميل ..

رائع بهذة الرائعة الموجهة لـ بندر التجار النَهاب ..

أعجبتني كثيراً قوة حروفها ومعناها وأجدت في إيضاح الرسالة

صح إلسانك مدد بلا عدد يا مبدع

خمس نجوم

اخوي الغالي بندر النايف الحريص على تواجده ومتابعته
انت من يستحق الخمس النجوم يامبدع وليس انا
شكرا على الاطراء الراقي
وتفضل بقبول فائق الاحترام

اخوي الغالي الشاعر (حطاب ليل) ماقول ال صح لسانك على ماجادت به قريحتك الشعريه الفذه

حاولت ادور بيت له بريق خاص لقيت كل القصيده براقه

اعجابي

صح لسانك
نص متميز
ابدعت
بالمعنى والمبنى
وتناسق فكرته واخراجها بمضمون حقيقي
يستحق الاشاده
صح لسانك ياحطاب
ودام التالق بطرحك
دمت
بخير

جدآآ روووووعهـ


قصيدة لا يمل منها



صح لسانك وبيض الله وجهك

حطاب ليل
صح لسانك وبيض الله وجهك
شاعر جزل ولايجي منك غير الجزل

وتاقف بنفسك تحت خط الفقر وتعيش انفصام
يعرفك ان الزمن دوار والدنيا جهاد
ايوالله حتي يعرف ان الدنيا جهاد وتعب ويحس بما يحسه الاغلبيه صح لسانك مليارات يابو الوليد لشعرك قضياه الخاصه ونكهته الفريده دايم مبدع ودايم افكارك مميزه وانت مميز الله يعطك العافيه والله يعطيك الف عافيه
تقبل تحياتي’,,,,

صح لسانك قصيده رائعه ابدعت
تقبل مروري

حطاب ليل
صح لسانك وسلم بنانك
تقبل تحياتي