في بيتنا المكسور حاجة مهمة

في بيتنا المكسور حاجه مهمه =أكبر من الكسر الذي داخل القاف
البيت هذا فيه امانه وذمه =ماهوب أكلها ولاهوب خواف
انا الذي هدرت في الكسر دمه=وخليت كسري داخله عشرة إضعاف
كسورنا في البيت كسره وضمه =تاخذ من الشاعر اذا صاغها انصفاف
مكتوبة بحروف بكمه وصمه=حتى العمى لأمن قرأ منها شاف
تفتح على قلب العمى كل غمه=ويضيف فيها شي ماهوب ينضاف
بغيت أجيب الكارثه والمطمه=مغير أرادد داخلي بعض الاوصاف
وذبحت ب الهاجوس في الداب سمه=والنفس دون الله حنا بها أضعاف
البارحه شميت في الورد شمه=ضاع النفس منها وانا مابي اخلاف
وضميه ريحتها على الصدر ضمه=مابين احاسيسي ومابين الاشفاف
للي بعيد الدار ماني بيمه=والناس دونه كلهم صارو احلاف
قلب يشيل بداخل العمر همه=ماهو مجنب عنه لين انه يعاف

الله الله جمال وابداع لله درك قصيدة رائعه صح لسانك ولك كل التقدير والاحترام ونقول هل من مزيد

صح بدنك وشكرا لك ولمرورك الكريم والجميل

بيض الله وجهك
يا أبو نايش
ولا هنت ولا هان غاليك
شاكرين لك حضورك ومشاركاتك
وتسلم يمينك

صح بدنك وشكرا لك ولمرورك الكريم