مجاراة عن الموروث الأدبي

هذه القصيده للشاعر ناصر تراحيب قريتها في

أحدى المجلات قبل حوالي أكثر من سنتين

أعجبتني وجاريتها وأرسلتها على فاكس

المجله مع العلم أني كنت على ثقه

تامه من تجاهلها وعدم نشرها

آمل أن تنال إعجابكم

أغني هاجس فكري سمى به=على عزف الاصاله والربابه
لإن الاصل شعر الامس أصلي=جزاله لاحداثه لا رتابه
وشعراليوم مقل الشطر هذا=بلابل بلبلبه والباب بابه
فهمتوا شي حتما ً مافهمتوا=لان الشعر له فنه وأدابه
يهز القلب ويشد المسامع=ويرسم من عيون الفن بابه
مشاعر صادقه من قلب صادق=تجي من دون قيد وغرابه
تبين ماخفا وسط الضماير=ويلقى من سأل فيها جوابه
يدوم الشعر دام الفكرباقي=ونهار يفنى واعذابه
يدوم أعوام من راوي لراوي=ويحيي ذكر مرحوم ٍ شدى به
وله تعريف مايحتاج غيره=كلام ٍ من طعم نقع السحابه
وقاف ووزن والاهم معنى =ولازم يستفيد اللي قرابه
قديما ًكان راع الشعر بارع=مميز بالفصاحه والنجابه
مفاهيم البلاغه تحتويها=وجزل الشعر مرقابه رقالبه
ولان الشعر ديوان العروبه=قديماً كل شاعر يحتفى به
ودار الوقت والشعار كثروا=وكل ٍ للقصيده حد نابه
ومر الشعر بظروف ٍعصيبه=وصابته إنتكاسه وإنقلابه
مشاعر معظم الشعارصارت=تجي بالمشترى ولانهابه
وقال الشعر منهوغير شاعر=لانه لاحسيب ولا رقابه
وهزلت وأختلط هزله وجزله=وصابه من ردى وضعه كآبه
وعلى ماقيل فالامثال قلنا=يسئ القول من يأمن عقابه

وهذه مجاراتي لقصيدة الشاعر
ناصر تراحيب
وتتحدث عن ساحة الشعر

بعثنا فاكس عاجل للمجله=عسى يوصل ويحسب له حسابه
سلام الله سلام الله لناصر=عسى الرحمن يجزل له ثوابه
سلامي عد نسناس الهبايب=عدد ماهل همال السحابه
وعدد من طاف حول البيت محرم=وطلب رب البريه والتجى به
على صفحات أصايل لك نزفه=إذا حالفني الحض وسعابه
أعجبني شاعر ٍ حرك شجوني=وشوقني بقافه للكتابه
وأسرجت له المهار من القوافي=وجاريته على طرق ٍ سرابه
يصوغه من ذهب لله دره=يجاوب به سراحين الذيابه
فهمنا شي لكن مافهمنا=وش الذنب وش اسباب ارتكابه
طرق باب ٍ محد حاول يفكه=فتح للنقد والنقاد بابه
لكن الكف وحده ماتصفق=يامن يسمعك ياصوت ٍ بغابه
متى يسمع لصوتك يالمنادي=وتنصفنا قوانين الرقابه
ترانا لو تكاتفنا عبرنا=على جسر ٍسريع ٍ فاانقلابه
يبا الله ينصر الحق ويعزه=ويعود المجد لوطول غيابه
ياناصر شفت ديوان العروبه=جريح ٍ حايرٍ ينزف صوابه
نحيل الجسم مهدود العزيمه=يكافح لجل يرقا أعلى هضابه
تركناه لصواديف الليالي=بعد ماكان له قدر ومهابه
صفحات الشعر لو تنصف هواته=وتترك شغل التحيز والعصابه
يعود الشعر لامجاده ويظهر=من أهل التجربه ماينحكى به
أدبنا كان مثل الجدي لامع =في ليل السرمديه يقتدى به
بنوه وشيدوه أهل التجارب=وحفظ تاريخ من عصر الصحابه
لكن اليوم شفنا فيه ريبه=ظهر جرحه بعد زاد التهابه
قصيدٍ مات من قاله وباقي=والاخر مات في لحظة شبابه
والشعر اللي ينومس من يقوله=غزاه اليوم هالجيل وثعابه
غزتنا اليوم أساليب الحداثه=وشعر الامس مغبر ٍ كتابه
وانا ماني بضد ٍ للتطور=اعشق جزل المعاني والصلابه
واللي قال الشعر شعر الحداثه=على الموضه يحث خطا ركابه
ترى جيل الحداثه للقصيده=حناها كنها قوس الربابه
الجاهل ينخدع بإسم الحداثه=أساليب ٍ بها أنواع الغرابه
تراها البعد عن موروث أهلنا=وتفكيكه لجل يسهل ذابه
لينشى جيل ماعنده ثقافه=معزول ٍ عن تراثه وإنتسابه
تجارب غيرنا كم علمتنا=إيضاح لعتمة الدرب وضبابه
ترى عمق المعاني للقصيده=يلبسها الحسن وأجمل ثيابه
لكن تبسيط وإيضاح المعاني=يخليها كما البيت الخرابه
لو مروا ناس حول البيت واجد=محد منهم يطالع في زهابه
لو أعطاها محررها مساحه=سواة اللال لوغرك سرابه
تقرى أول بيت بس من القصيده=تلقى قدامها خمس ٍ تشابه
والشعر الحر والشعر العمودي=مع الاردو لهم رابط قرابه
كثير الناس مايفهم عليهم=مفروض يضمهم بند الخطابه
ويفك الشعر أهله من عناهم=زمان العولمه محد ٍ شقابه
ومجلات الشعر صارت تجاره=وكنزه جاه من باع وشرابه

تركي بن عبدالله الشدادي

ياسلام عيك يابوعبدالله
كلام مليان لاهنت وانت راعي الاوله
واكيد الشعر ذلحين دخل فيه كل من (هب ودب )
والحمد لله البلد كله شعار ذلحين صح اللسانك
ملايين وبيض الله وجهك على هالقصيدة الرائعه
كالعادة لاعدمناك.

		المشاركة الأصلية بواسطة : عناد القاف اقتباس
	ياسلام عيك يابوعبدالله كلام مليان لاهنت وانت راعي الاوله واكيد الشعر ذلحين دخل فيه كل من (هب ودب ) والحمد لله البلد كله شعار ذلحين صح اللسانك ملايين وبيض الله وجهك على هالقصيدة الرائعه كالعادة لاعدمناك.

اركد
أنت والله اللي جيت راعي الاوله
ونسقت بيض الله وجهك
وسبقت ردي

أخوي تركي الشدادي
صح لسانك وخطت يديك ردك المميز اللي في مكانه
تحياتي أخوي
أخوك أبو ناصر الشدادي

		المشاركة الأصلية بواسطة : أبو ناصر الشدادي اقتباس
	أخوي تركي الشدادي صح لسانك وخطت يديك ردك المميز اللي في مكانه تحياتي أخوي أخوك أبو ناصر الشدادي

صح بدنك يابو ناصر ويسعدني مرورك

صح لسانك يابو غايب ملالايين

مجاره في قمة الروعه والجزاله

تحياتي الغربي

صح لسانك يا كحيلان

وعزالله انك جاريت وتفوقت بعد وصح لسان ناصر ...

لكن اللي قرأ ماهو مثل اللي سمعها منك مباشرة..

وفي الأخير الله يطول في عمرك يا شاعر الشدادين..

		المشاركة الأصلية بواسطة : الغربي اقتباس
	صح لسانك يابو غايب ملالايين مجاره في قمة الروعه والجزاله تحياتي الغربي

صـــــــــــــــــــــــــــح بدنـــك يابو عبيــــــــــــــــــد
الله يعطيك العافيه ويوفقك

		المشاركة الأصلية بواسطة : زعيم الحب اقتباس
	صح لسانك يا كحيلان وعزالله انك جاريت وتفوقت بعد وصح لسان ناصر ... لكن اللي قرأ ماهو مثل اللي سمعها منك مباشرة.. وفي الأخير الله يطول في عمرك يا شاعر الشدادين..

صـــــــــــــــــــــــــــــــــــح

بدنك يازعيم الحب شهادة شاعر

بحجم زعيم الحب

لاشك في

أن تكون وسام شرف لي

بس تفـوفــت أعتقـد

فيها مجامله

على العموم أعتذر من شعراء

الحداثه

وهذا رأي قديم

جايز يكون

غيره صاحبه

ودام الجميع بألف خير

صح لسانك وأعتلى شانك
أبيات جزلة من راس جزل دمت بهذ الإبداع
تقبل وافر التحايا ...