((ياما جاب الغراب))

البارحه لي فـي محطـات الزمـن وقفـة حسـاب=فكرت فا هوالـه وفـا احوالـه وفـي ( غرابتـه)
وخطر على بالي مثل نصه : (( ياما جاب الغـراب))=لامـه وياليتـه ماجـاب الهـا ولا (امـه) جابتـه
اطرا عليـه سالفـة ثعلـب غـزا شعـب الذيـاب=بغـى يثعّلبهـا ويتـذيـب 00 وضـيـع غابـتـه
شاف الذياب اتلد0 هاب 00 وصك ناب 00 وحك ناب=عـود يـذب الـريـع نـابـه قـاضـمٍ سبابـتـه
ماشاف له حيله00لوى ذيلـه وذب اقـرب جنـاب=ماصـدق ان الرجـم مـال وحـال دون اذيابـتـه
شـارد يلملـم وجهـه البـارد وكنـه ثـلـج ذاب=يمشـي ويتلفـت وراه وكــن بقـعـا صابـتـه
منظر 00ومن يتخيلـه يضحـك ولوقلبـه مصـاب=بالحزن 00 لكـن يدفعـه للضحـك مـن رهابتـه
ضحكـت فالسـر وحمـدت الله خـلاق السـحـاب=اللي وهب راسـي عقـل يحمـاه مثـل اعصابتـه
وسألت في نفسي سؤال اعرف له اكثر مـن جـواب=لكـن يمكـن ((كـل ابوهـا )) ماتكـون إجابـتـه
هالثعلب المنحـوس وشحـده عسـاه الإكتئـاب ؟؟!=لو مـا اللعيـن اغـواه ماحـد جـاه فـي خرابتـه
مادام في وكـر الثعالـب لـه طعـام ولـه شـراب=وشجابره يـروح مـن وكـره وعـن عصابتـه ؟
لواحتكـم للعـقـل مـاحـده لــذل الانسـحـاب=ولوهـو تبصـر فالعـواقـب مافـقـد مهابـتـه
لكـن قالوهـا ( هـل الالبـاب) : ماكـل اللـبـاب=حلو المذاق 00 وعيب شرب الكيـف مـن شرّابتـه
هاذي حكايـه فـي كتـاب الوقـت والدنيـا كتـاب=لوهـي علـى (( ثعلـب)) ولكـن المبـادئ ثابتـه
تعلـم الإنسـان كيـف يعيـش محفـوظ الجـنـاب=اليـا حفـظ نفسـه عـن الزلـه وثمـن جابـتـه
وتعلـم الانسـان كيـف النفـس يصقلهـا العتـاب=وكيف ان مـن دور عيـوب النـاس مثلـه عابتـه
وكيف ان من يعرف قدر نفسه حفظ قـدره واصـاب=وكيف ان من لايحسـب احسـاب البشـر ماهابتـه
وان الطمع في حظ غيره نوع مـن طـرد السـراب=وإن الحسد 00 والغل 00 والغيـره سبـب كأآبتـه
وان الخيال اللـي قفـاه 00وبينـه وبينـه اشعـاب=وش له يخيلـه كـل حيـن 00ويرتجـي سحابتـه
وان الحيا سر المهابه 00من كسـا وجهـه يُهـاب=وان مانبـت فالوجـه وشفيـد الدقـون النابـتـه؟
وختامها صلـو عـدد مـن حـث للحـج الركـاب=على اطهـر العالـم جبيـن 00وآآلـه وصحابتـه

منقول

وان الطمع في حظ غيره نوع مـن طـرد السـراب=وإن الحسد 00 والغل 00 والغيـره سبـب كأآبتـه

؟؟؟ ما اجمل هذا الحرف

		المشاركة الأصلية بواسطة : الوافي اقتباس
	لكـن قالوهـا ( هـل الالبـاب) : ماكـل اللـبـاب=حلو المذاق 00 وعيب شرب الكيـف مـن شرّابتـه هاذي حكايـه فـي كتـاب الوقـت والدنيـا كتـاب=لوهـي علـى (( ثعلـب)) ولكـن المبـادئ ثابتـه تعلـم الإنسـان كيـف يعيـش محفـوظ الجـنـاب=اليـا حفـظ نفسـه عـن الزلـه وثمـن جابـتـه وتعلـم الانسـان كيـف النفـس يصقلهـا العتـاب=وكيف ان مـن دور عيـوب النـاس مثلـه عابتـه وكيف ان من يعرف قدر نفسه حفظ قـدره واصـاب=وكيف ان من لايحسـب احسـاب البشـر ماهابتـه منقول

سلم راسك وفكرك يالوافي
وصح لسان شاعرها

اخوي الوافي نشكرك على النقل الموفق

وصح لسان الشاعر اللي ابدع في القصيده

المستحيلة

سعد الشدادي

عبدالله الشدادي


مشكورين على مروركم

يعطيكم العافية .