هديتي للي ؟

انا ماشفت نفسي يوم لأني من خلق من طين=ولو اسمي وصل عالي بظل اللي عرفتيني
ولكن للأسف هانت ليالينا بغمضة iiعين=وعلى الفرقا من اسبابك نعم انتي iiجبرتيني
توصيتي بطعناتي وبعد ماتنزف iiالسكين=وقبل لا ألفظ أنفاسي على نفسي iiتوصيني!
دخيلك قلبي الوافي تخلينه ولا iiتطرين=وراس اللي تحبينه تصدي عن مدى عيني
وصلتي حق نهاياتي وشاللي بس بقا iiتنهين=وعلى مااظن ماباقي ولا حاجه تحس iiفيني
مدام انك تحبيني وبنفس الوقت ماتوفين=ومدام انك وفيتي له وبنفس الوقت iiخنتيني
وشاللي بس تحسينه؟ إذا انتي كنتي تحسين=تحبيني وتحبينه! تحبينه iiوتحبيني
حضنتي قلبي ونمتي وعلى صوتي انا iiتصحين=وإلامنك تمللتي تحضنينه iiوتمسيني
ماحال تصير في الدنيابشر في داخله iiقلبين=تبينه بقلب وفي قلبك بعد قلب iiيناديني
انا مابيك لو انك على الفرقا دهر iiتبكين=صعب ارضي بنزواتك ولو حتى iiبغيتيني
ثلاث سنين أو أربع وكاد انها كثير سنين=بعد هذا العمر كله على ايامي iiصدمتيني
بعد لا تنطقي بكلمه رجيتك اسكتي iiتكفين=اخافك ان تكلمتي خطا بإسمه iiتسميني
واذا مره ذكرتيني مع الايام iiتبتنسين=ويبقى لك مثل ذكرى جميله لا ذكرتيني
كثير اللي يتمنونك واكيد انك تبي iiتلقين=وانسي يوم ما انتي تمنيتي iiولقيتيني
انا وش جابني ل دربك انا وين وغرامك iiوين=انا اكبر من عيوبك وعيب انك iiعرفتيني
وانسي انك ذبحتيني وامانه ادفني iiالسكين=وعلى قبري بدال اسمي ابي كلمة ( خسرتيني )

بيض الله وجهك يا أبو تركي

اختيار جميل وموفق وذوق رائع

صح لسانك اخوي ساري وصح لسان الشاعر (( احمد الصانع ))

سلمت على النقل الرائع


تحياتي

اللله لا يحرمنا تواصلك ساري ..
شكرا فانتقائك يثري القسم وينبي عن ذائقة متفوقه ..

صح لسااااااااان شاعرها ولاهنت ياساري