|
|||||||||||||||||
بدر السعد
يا بدر يا بدر السعد يوم شفناك= انت البدر يا بدر والأ حليه في جيتك يا بدر سلطان حياك= في عزوةٍ وقت الشدايد قويه يابدر جدانك على العز نفداك=اجواد منهم ماتصير الخطيه بنو بيوتٍ عامرات لشرواك=فيها الشحم والدله الشاذليه وابوك يوم انه على البدر سماك=اكيد مايبغى وراها عطيه وانا ما اقول الشعر يا بدر لولاك=لاني تركته بين صبح وعشيه من يوم حطه كل من هب مسواك=ومن دب كله يا بدر شاعريه قصر النظر مابين رجلك وماطاك=وبعد النظر فكر العقول الذكيه اطى الزمان ولا تخليه ياطاك=وعش الحياه بكل فكر ورويه الطيبه لاشفتها مد يمناك=وخل الهزيله لنفوس الرديه لاتترك الدينار يبطي بمخباك=راس العرب يا بدر جزل العطيه اخترت لك يا بدر من ذا ومن ذاك=وانت اعتبرها مدح ولا وصيه الشاعر:أبـــــو فــيصل
|
28 Aug 2014, 02:23 PM | [ 2 ] | ||||||||
مؤسس شبكة الشدادين
|
رد: بدر السعد
كفو والله يا أبو فيصل ولا هنت وصح لسانك وبيض الله وجهك على هذه القصيدة ويستاهل بدر كل خير وكل علمٍ غانم |
||||||||
|
|||||||||
29 Aug 2014, 01:35 PM | [ 3 ] | ||||||||
عضو متميز
|
رد: بدر السعد
.... إستمتعت في قرائتها جزله من شاعر جزل ولاهي غريبه عليك الجزاله صح لسانك ولا هنت يالامير |
||||||||
|
|||||||||
29 Aug 2014, 02:22 PM | [ 4 ] | ||||||||
|
رد: بدر السعد
صح لسانك لاهنت على القصيدة الجزل |
||||||||
|
|||||||||
04 Sep 2014, 08:02 PM | [ 5 ] | ||||||||
شاعر
|
رد: بدر السعد
صحة ابدانكم وشكركم على قرأت القصيده |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|