الرد على زعيم الحب

هذه قصيدة الشاعر زعيم الحب بعنوان خاص لجزاء دهيس
http://www.shdadeen.com/vbq/showthread.php?t=11283

بسم الله الرحمن الرحيم
السلام عليكم ورحمة الله وبركاته
هذه القصيده موجهه للشاعر جزاء بن سفِر واتمنى ان تعجبكم ويكون رد ابو سفِر مثابة الدواء للداء

يابوسفِـر ياليـت للعقـل فـرمـات=لمسح بـلا راسـي وشوفـه كفيـه
وليت الليالي يوم دار(ن) سريعـات=ولا شفت فـرخ البـوم تعـلا بنيـه
والنذل ترفع له من البيـض رايـات=هجرن تقلب وش بقـا مـن رزيـه
طالت يدين الـي يديهـم قصيـرات=والحـر متهومـن بنفسـن بـريـه
ليـت الليالـي وقفـن للبـطـولات=لهل المهـار أهـل القنـا والحميـه
بسيوفهم كم قصـرو مـن طويـلات=ورديهـم فالضـد ينحـر سـريـه
واصغر مغازيهم على الناس صعبات=هـدت ولـد شـداد سقـم المنـيـه
هدات حـر(ن) مخلبـه فاالسمينـات=اليا ضـرب يضـرب بكفـن قويـه
لو للزمان لسان جـاب الجزيـلات=افعالنـا ماجـت بـحـظ وعطـيـه
فـوق الاعنـه مبعديـن المسافـات=يومـن كلـن يفتخـر فـي غزيـه
حنا غزينا البيد سهل (ن) وعسـرات=قومـن مسماهـم بقـوم الـرويـه
تشهد لهم في ساحت الحرب صولات=اليـا انتخـو كلـن ينجـي خويـه
أهل الكرم يـوم المـوارد قليـلات=مـادورو فالطـيـب رد الجـزيـه
أهل الوفا والجود واهـل المـروات=لطامت العايـل سبـاع(ن) ضريـه
واليوم طعـم المـر ذقنـاه مـرات=مـن يـوم سـادو كاسبيـن الدنيـه
ومحمد المختـار ختـم الرسـالات=قـال الحديـث يجيـك تالـي بليـه
تال الزمان تشوف بالوقـت ميـلات=ارويبضـه مابيـن صبـح وعشيـه
يسود ويذكر لـه فعول(ن)وقـالات=حزني عظيم (ن) والمصيبه عصيـه
قبل الختام وقبـل طـي السجـلات=وجهتهـا واثنيـت فيهـا التحـيـه
لابو سفِر وان صار بالوقت ضيقات=عطنا عن الموضوع وصفـه جريـه
رب الجروح الي عظـام وعطيبـات=تلقا الـدواء وتمـوت موتـه هنيـه

وهذا الرد الذي اتمنى ان يرضي الجميع

قبل البدع والرد والاخذ والهات=وقبل الهجوس اللي تهافت عليه
ابدا بذكرك يابديع السموات=الواحد المعبود رب البريه
اللي كتب في اللوح شرعه بآيات=نزل بها جبريل على نبيه
ومن بعدها جاني على الموقع ابيات= ابيات من كل الشوايب نقيه
ابيات مرسوله من الذات للذات=ومظرفه بازكى سلام وتحيه
فيها زعيم الحب يبغى افادات=عن وضع متلخبط وعله عصيه
قريتها مره ومره ومرات=حسبتها سهله وصارت قضيه
فيها السؤال الصعب يبغىاجابات=فيها حكاية مجتمع سرمديه
يشمل مفاهيم ويحوي قناعات=ويشمل عبث واضح ولعبه ذكيه
اشياء غلط يحتاج لاثباتها اثبات=وحقايق صارت مبادي غبيه
سيرت في نجد ورقيت السروات =والتهم درته والفياض العذيه
انشد عن اهل الطيب واهل المروات=اهل الوفا واهل الشرف والحميه
راحوا بدرب صار كله متاهات=وصارت منازلهم بعدهم خليه
ورويبضه يبني قصور وعمارات= والشيخ حول مع ردوف المطيه
وين الكرامه لو بمفهوم نعرات؟=وين التكاتف لو يقولوا حميه؟
وين الكرم لوقالواالناس عادات؟=وين ابتسامات الوجيه الرضيه؟
وين الغرام العف لو فيه زلات ؟ =وين السوالف والعلوم الطريه؟
حتى ولو كانت مجرد حكايات=اليا اجمعتنا صبة الشاذليه
ولوكان منها ماكسبنا عقارات=جينا بها عرضه وجت سامريه
(وامس الضحى عديت روس الطويلات)=(وياونتي ياساره الوازعيه)
(ويوم الركايب عقبن خشم ابانات)=( وعظم القثامي طاح في الخنفريه)
هذا ملف وفيه غيره ملفات= تاريخ امه مسلمه يعربيه
من شرق تبدا من حدود الامارات=والغرب تاصل لا جزر ماربيه
الدم واحد لكن قلوبنا اشتات=والاسم واحد بس بالتابعيه
والدين سيس والمبادئ شعارات= والشعب ضايع بين هذي وذيه
ياللاسف كانوا على الارض سادات=واليوم صاروا للاعادي ضحيه
وصارت مهمتنا ننفذ قرارات=ودمى تحركها ايادي خفيه
وحاولت ادور حل جهزت قوات= وصفيتهم عندي سريه سريه
واخذت لي في كوكب الارض فرات =ابغى اجابه شامله منطقيه
قابلت سيد قطب.ناظرت ديدات= قريت قصة تاجر البندقيه
ورحت الطريق اللي يودي لايلات= وتهت بحضارة بابل السومريه
ورجعني التيار نحو البدايات= ومن رحلتي عودت اصفق يديه
والواقع اصعب بس هذي فلاشات= واخر فلا شاتي سلام وتحيه

الشاعر جزاء دهيس

ماشاء الله عليك ياشاعرنا صح لسانك

احسنت في ردك ولايهون اخوي زعيم

الحب مشكور ياجزاء والله يعافيك

واخذت لي في كوكـب الارض فـرات=ابغـى اجـابـه شامـلـه منطقـيـه
قابلـت سيـد قطب.ناظـرت ديـدات=قريـت قـصـة تـاجـر البندقـيـه
ورحت الطريق اللـي يـودي لايـلات=وتهـت بحضـارة بابـل السومريـه
ورجعنـي التيـار نـحـو البـدايـات=ومن رحلتـي عـودت اصفـق يديـه

ياهلالالالالالالا يابو دهيس ويامرحبا

شاعر كبير ورد جزل

صح لسانك وصح لسان زعيم الحب

الله يعطيكم العافيه على التواجد المتميز

منذ عشر سنوات وانا اراهن بأن جزاء دهيس هو شاعر الشدادين

وما زلت اكسب الرهن

الله يبيض وجهك يا بوسفر فعلا انت مبدع وانت شاعر الشدادين

صح لسانك وصح لسان زعيم الحب ومساجلة قمة في الإبداع

سلمتوا ولا هنتوا

تحياتي

صح لسانك أخوي جزاء

ورد رائع وقيم وهذا دائماً شعرك وروائعك

وبيض الله وجهك وعساك دائماً على القوة

وفيت وكفيت يابو دهيس والمساجلات استفيد منها خصوصاً اذا كانت مع واحد مثلك يابو دهيس
مقدر اقول شي اكثر من كذا الا بيض الله وجهك

عبدالله الشدادي

الله يسلمك ويشهد الله ان كلماتك لها وقع خاص على نفسي

لانها صادره عن متابعه واهتمام وفكر قلما يجتمع في شخص واحد


تحياتي

بدوي فاهم

اصاله وفكر

ويشرفني اللقب الذي اطلقته علي واتمنى ان اكون اهل للمسئوليه.

هلا بك يالطيب

		المشاركة الأصلية بواسطة : الرهاوي اقتباس
	واخذت لي في كوكـب الارض فـرات=ابغـى اجـابـه شامـلـه منطقـيـه قابلـت سيـد قطب.ناظـرت ديـدات=قريـت قـصـة تـاجـر البندقـيـه ورحت الطريق اللـي يـودي لايـلات=وتهـت بحضـارة بابـل السومريـه ورجعنـي التيـار نـحـو البـدايـات=ومن رحلتـي عـودت اصفـق يديـه ياهلالالالالالالا يابو دهيس ويامرحبا شاعر كبير ورد جزل صح لسانك وصح لسان زعيم الحب الله يعطيكم العافيه على التواجد المتميز

الرهاوي
شاكر لك تواجدك الطيب وكلماتك الرائعه
ويعلم الله انني تعلمت منكم الكثير
ومن لا يشكر الناس لا يشكر
تحياتي

البرنس

شهادتك اعتز بها وكلماتك بسيطه ومعبره

حياك الله دوم يالنشمي